ព័ត៌មានជាតិ
អាជ្ញាធរស្រុកស្ទឹងត្រង់ និងសហគមន៍ទុរេនបែកអន្លូង យកអំណោយជូន ទីបញ្ជាការជួរមុខខេត្តព្រះវិហារ
អាជ្ញាធរស្រុកស្ទឹងត្រង់ អាជ្ញាធរអារក្សត្នោត រួមនឹងសហគមន៍ទុរេនបែកអន្លូង បាននាំយកអំណោយ គ្រឿងឧបភោគបរិភោគ និងថវិកា ទៅប្រគល់ជូនទីបញ្ជាការជួរមុខនៅតាមបណ្តោយព្រំដែនកម្ពុជា-ថៃ ខេត្តព្រះវិហារ។
ដើម្បីជាការលើកទឹកចិត្ត និងសកម្មភាពខ្មែរជួយខ្មែរ ជាពិសេសជួយគាំទ្រកម្លាំងចិត្តដល់កងកម្លាំងកងទ័ពជួរមុខដែលយាមនៅតាមបណ្តោយព្រំដែនកម្ពុជា-ថៃ ជាក់ស្តែងនៅថ្ងៃទី ១៨ ខែមិថុនា ឆ្នាំ ២០២៥លោក អ៊ុន ចាន់ដា អភិបាលខេត្តកំពង់ចាម បានចាត់លោក បាន ស្រេង អភិបាលស្រុកស្ទឹងត្រង់ រួមសហការជាមួយរដ្ឋបាលឃុំអារក្សត្នោត និងសហគមន៍ទុរេនបែកអន្លូងស្ទឹងត្រង់ នាំយកស្បៀងអាហារ ទុរេន និងថវិកា ទៅប្រគល់ជូនឧបត្ថម្ភគាំទ្រដល់កងទ័ពជួរមុខនៅព្រំដែនកម្ពុជា-ថៃ តំបន់សមរភូមិទិសទី ១ ប្រាសាទព្រះវិហារ ស្ថិតនៅភូមិធម្មជាតិតេជោ ឃុំស្រអែម ស្រុកជាំក្សាន្ត ខេត្តព្រះវិហារ។
លោក បាន ស្រេង បញ្ជាក់ថា សម្ភារៈទាំងអស់នេះ ពិសេសផ្លែទុរេន គឺបានមកពីការចូលរួមលះបង់ទឹកចិត្តរបស់ប្រជាពលរដ្ឋជាកសិករដាំទុរេនបែកអន្លូង ឃុំអារក្សត្នោត ក្នុងស្មារតីរួមគ្នាជួយឧបត្ថម្ភគាំទ្រដល់កងទ័ពជួរមុខ។
ទន្ទឹមនឹងនេះដែរ លោកនាយឧត្ដមសេនីយ៍កិត្តិសង្គហបណ្ឌិត ហ៊ីង ប៊ុនហៀង អគ្គមេបញ្ជាការរងខេមរភូមិន្ទ និងជាមេបញ្ជាការ បញ្ជាការដ្ឋានអង្គរក្ស មានប្រសាសន៍ដែរថា អភិបាលកិច្ចល្អ ត្រូវយកចិត្តទុកដាក់ខិតខំសិក្សារៀនសូត្រ និងអនុវត្តតាមបទបញ្ជា អនុលោមតាមរដ្ឋធម្មនុញ្ញ និងនយោបាយការពារជាតិរបស់ព្រះរាជាណាចក្រកម្ពុជា គឺ កងយោធពលខេមរភូមិន្ទមានកាតព្វកិច្ច ត្រូវរក្សាភាពស្មោះត្រង់ ដាច់ខាតនៅក្នុងកិច្ចការពារជាតិ សាសនា ព្រះមហាក្សត្រ ការពាររដ្ឋធម្មនុញ្ញ និងរាជរដ្ឋាភិបាលស្របច្បាប់ និងត្រូវបន្តប្រុងប្រៀបត្រៀមលក្ខណៈធានាអនុវត្តយ៉ាងម៉ឺងម៉ាត់នូវបទបញ្ជារបស់រាជរដ្ឋាភិបាល ក្រសួងការពារជាតិ និងអគ្គបញ្ជាការដ្ឋាន។ ទាំងនេះ គឺជាកិច្ចការស្នូលអាទិភាពដែលកងយោធពលខេមរភូមិន្ទ ត្រូវអនុវត្តប្រកបដោយភាពម៉ឺងម៉ាត់ និងការទទួលខុសត្រូវពេញទំហឹង ដើម្បីធានាបានទាំងស្រុងនូវសន្តិភាព ស្ថិរភាព និងសន្តិសុខស្ថិតស្ថេរយូរអង្វែង បម្រើកសាងឱកាសសម្រាប់អភិវឌ្ឍន៍ជាតិ។
គូសបញ្ជាក់ថា អំណោយជាគ្រឿងឧបភោគបរិភោគ ទុរេន ថវិកា របស់រដ្ឋបាលស្រុកស្ទឹងត្រង់ អាជ្ញាធរឃុំអារក្សត្នោត រួមសហការជាមួយសហគមន៍ទុរេនបែកអន្លូង រួមមាន ៖ អង្ករ , ទឹកបរិសុទ្ធ , ផ្លែទុរេនជិត ២ តោន , បន្លែ ត្រី សាច់ និងថវិកា ១០ លានរៀល៕
អត្ថបទ និង រូបភាព ៖ ឡេក ចាន់ពេជ្រ
អាជ្ញាធរស្រុកស្ទឹងត្រង់ និងសហគមន៍ទុរេនបែកអន្លូង យកអំណោយជូន ទីបញ្ជាការជួរមុខខេត្តព្រះវិហារ
ក្រោយពីភ្លើងឆេះហាង ពេជ្រ ចរណៃ ត្រូវជួសជុលសងម្ចាស់ដើមវិញខ្ទង់ ៥០ ទៅ៦០ម៉ឺនដុល្លារ
ត្រាំ អនុម័តផែនការវាយអ៊ីរ៉ង់រួចហើយ រង់ចាំតែការសម្រេចចុងក្រោយប៉ុណ្ណោះ
Man United គ្រោងយកខ្សែប្រយុទ្ធខ្លួនម្នាក់ ជាទន់ចរចាជាមួយ Napoli ផ្ទេរយក Osimhen
រដ្ឋមន្ត្រី៨រូបដាក់ពាក្យលាឈប់ពីរដ្ឋាភិបាលចម្រុះ ដឹកនាំដោយគណបក្សភឿថៃ
រដ្ឋមន្ត្រី៨រូបដាក់ពាក្យលាឈប់ពីរដ្ឋាភិបាលចម្រុះ ដឹកនាំដោយគណបក្សភឿថៃ
ឆ្ងល់អត់ ហេតុអ្វីមីស៊ីលភាគច្រើនត្រូវបានបាញ់នៅពេលយប់ជាជាងពេលថ្ងៃ ក្នុងអំឡុងពេលសង្គ្រាម?
គណបក្ស Bhumjaithai ដកខ្លួនចេញពីរដ្ឋាភិបាលចម្រុះដឹកនាំដោយបក្សភឿថៃ
ការរុះរើគណៈរដ្ឋមន្ត្រីថៃ គ្រោងធ្វើនៅថ្ងៃសុក្រ រដ្ឋាភិបាលចម្រុះថៃអាចជាប់គាំងជាថ្មី
ក្រោយធ្លាយសារសំឡេង ផែថងថាន ប្រឈមរឿងសំខាន់៣ លំបាករើខ្លួនរួច
-
ព័ត៌មានអន្ដរជាតិ១ សប្តាហ៍ agoសេដ្ឋវិទូ៖ សេដ្ឋកិច្ចថៃប្រឈមហានិភ័យធ្លាក់ចូលក្នុងវិបត្តិបរិត្តផរណា
-
នយោបាយ៦ ថ្ងៃ agoរយៈពេលមិនដល់១២ម៉ោងកម្ពុជាទះថៃ៣កំផ្លៀង
-
ព័ត៌មានអន្ដរជាតិ៣ ថ្ងៃ agoអ៊ីរ៉ង់ ថា ប៉ាគីស្ថាន ចេញមុខធានាទម្លាក់គ្រាប់បែកនុយក្លេអ៊ែរ លើអ៊ីស្រាអែល ក្នុងលក្ខខណ្ឌមួយ
-
ព័ត៌មានអន្ដរជាតិ៦ ថ្ងៃ agoBreaking News! អ៊ីស្រាអែល វាយប្រហារអ៊ីរ៉ង់ហើយ! សង្គ្រាមធំអាចផ្ទុះឡើង
-
ព័ត៌មានអន្ដរជាតិ៦ ថ្ងៃ agoមហាសំណាង! មនុស្សម្នាក់គត់នៅរស់ពីការធ្លាក់យន្តហោះឥណ្ឌា ដោយសារលោតចុះតាមច្រកចេញអាសន្ន
-
នយោបាយ៦ ថ្ងៃ agoសម្ដេចតេជោប្រាប់ទៅរដ្ឋាភិបាលត្រៀមផ្ទុះអាវុធគ្រប់ពេលដែលថៃឈ្លានពាន
-
ព័ត៌មានអន្ដរជាតិ៤ ថ្ងៃ agoអ្នកស្លាប់និងរបួសនៅអ៊ីស្រាអែលកើនឡើងយ៉ាងគំហុក ខណៈអ៊ីរ៉ង់បាញ់ស្រោចមីស៊ីល
-
ព័ត៌មានជាតិ៧ ថ្ងៃ agoងាកចេញពីព្រំដែនកម្ពុជា-ថៃ ទៅមើលការកសាងផ្លូវក្រវាត់ព្រំដែនកម្ពុជា-វៀតណាម សម្រេចបានអ្វីខ្លះ?