វប្បធម៌ ជំនឿ
ផ្កាភ្ញី ៤ប្រភេទ ពុទ្ធសាសនិកយកថ្វាយព្រះក្នុងអំឡុងបុណ្យភ្ជុំបិណ្ឌ ដើម្បីនាំសុខសប្បាយដល់ជីវិត
បុណ្យភ្ជុំបិណ្ឌ ជាពិធីបុណ្យប្រពៃណីជាតិខ្មែរដែលត្រូវបានរៀបចំឡើងចំនួន ១៥ថ្ងៃ ពោលចាប់ផ្តើមពីថ្ងៃ ១រោច រហូតដល់ថ្ងៃ ១៥រោច ខែភទ្របទ រៀងរាល់ឆ្នាំ។ អំឡុងពេលនេះ ប្រជាជនខ្មែរជាពុទ្ធសាសនិកជនតែងចម្អិនម្ហូបអាហារ បង្អែម រួមទាំងរៀបចំផ្កាក្រអូបនានា ដើម្បីរៀបចំចង្ហាន់សម្រាប់ប្រគេនព្រះសង្ឃ និងឧទ្ទិសកុសលផលបុណ្យដល់ញាតិការ៧សណ្តានដែលបានចែកឋានទៅបរលោក។
យ៉ាងណាមិញ តាមទំនៀមទម្លាប់ខ្មែរ ក្រៅពីយកចង្ហាន់ប្រគេនព្រះសង្ឃ រមែងមានគ្រឿងសក្ការបូជាសម្រាប់ថ្វាយព្រះផ្សេងទៀតដែលរួមជាមួយផ្កាភ្ញីនានាមិនដែលខាន។ តួយ៉ាង ផ្កា ៤ប្រភេទខាងក្រោម ពុទ្ធបរិស័ទ តែងទម្លាប់ភ្ជាប់ទៅជាមួយដើម្បីឧទ្ទិសដល់បុព្វការីជន និងថ្វាយដល់ព្រះ រហូតតរៀងមក ព្រោះជឿថា អាចនាំភាពសុខសប្បាយដល់ខ្លួនឯង និងក្រុមគ្រួសារ។
១. ផ្កាឈូក
ផ្កាឈូកគ្រប់ពណ៌ (សឬឈូក) ក្នុងជំនឿព្រះពុទ្ធសាសនា បានសម្ដែងថា ជាផ្កាដែលបរិសុទ្ធ គ្មានមន្ទិលសៅហ្មងឡើយ ទោះវាដុះចេញពីភក់ក៏ដោយ។ ថ្វាយផ្កានេះក្នុងពិធីបុណ្យភ្ជុំបិណ្ឌ ឬបុណ្យប្រពៃណីនានា អ្នកនឹងជួបតែភាពស្រស់ស្អាតក្នុងជីវិត ការកោតសរសើរ និងមោទកភាព។
២. ផ្កាម្លិះ
ក្នុងគម្ពីរសាសនា ផ្កាម្លិះ ក៏មានអត្ថន័យល្អប្រពៃ ម្យ៉ាងម្នាក់ពីផ្កាឈូកដែរ។ រាល់ថ្ងៃឱបោសថសីល ឬពិធីបុណ្យផ្សេងៗ គេនិយមប្រើភួងផ្កានេះជាគ្រឿងសក្ការៈ កម្រខានណាស់។ ភួងម្លិះ ក្រៅពីមានក្លិនក្រអូបសាយ វាតំណាងឱ្យភាពស្មោះត្រង់ កេរ្ត៍ឈ្មោះសព្វសាយ និងភាពខ្ពង់ខ្ពស់ថ្លៃថ្នូរ។
៣. ផ្កាចន្ធូ
ផ្កាពណ៌សនេះវិញ មិនសូវមានពុទ្ធសាសនិក យកទៅបូជាប៉ុន្មានទេ តែវាក៏អាចថ្វាយព្រះបាន ព្រមទាំងបង្កប់នូវអត្ថន័យដ៏ល្អពីក្រោយផងដែរ។ មិនថាយកផ្កាចន្ធូ តាំងលម្អគេហដ្ឋាន ឬបូជាព្រះឡើយ វាតំណាងឱ្យអំណាច កម្លាំង ហើយអ្នកនឹងទទួលបាននូវយសសក្កិបវរ ព្រមទាំងអាយុវែង។
៤. ផ្កាស្បៃរឿង (Yellow Chrysanthemums)
ប្រសិនរកផ្កាឈូក ឬម្លិះមិនបាន ផ្កាស្បៃរឿងអាចប្រើជំនួស សម្រាប់ជាដង្វាយ ដើម្បីនាំភាពសុខសប្បាយដល់ជីវិត និងសមាជិកគ្រួសារទាំងមូល។ ស្បៃរឿងពេញនិយមក្នុងចំណោមពុទ្ធសាសនិកជនជាតិចិន ព្រោះបុស្បានេះជានិមិត្តរូបនៃសាមគ្គីភាព បង្កើនភាពថាមពលវិជ្ជមានឱ្យមនុស្សក្នុងផ្ទះ ចំណែកការងារពេញដោយកិត្តិយស និងលូតលាស់រីកចម្រើនជានិច្ច៕
អត្ថបទ៖ សន្យា
ចុចអាន៖ ដង្វាយផ្លែឈើ ១០ មុខនេះ បញ្ជាក់អត្ថន័យឲ្យម្ចាស់ផ្ទះសម្បូរសប្បាយ មានសុភមង្គលពេញលេញ
-
ព័ត៌មានជាតិ១ សប្តាហ៍ agoប្រាសាទសក្ល នៅតែជាគោលដៅទាក់ទាញ សម្រាប់អ្នកស្រាវជ្រាវ និងភ្ញៀវទេសចរ ស្វែងយល់អរិយធម៌ខ្មែរ
-
ព័ត៌មានជាតិ៦ ថ្ងៃ agoអភិបាលរាជធានី ណែនាំឱ្យអាជ្ញាធរយកចិត្តទុកដាក់ខ្ពស់ចំពោះគ្រួសារយុទ្ធជនជួរមុខនៅក្នុងមូលដ្ឋាន
-
សន្តិសុខសង្គម៣ ថ្ងៃ agoជនដៃដល់ចាប់ជំរិតក្មេងស្រីអាយុ ៥ ឆ្នាំ ទុកពេលឲ្យឪពុកម្តាយ ១ ម៉ោង ជាថ្នូរដូរយកលុយ ១ ម៉ឺនដុល្លារ តែអកុសលក្មេងរងគ្រោះបានស្លាប់
-
ព័ត៌មានជាតិ១ សប្តាហ៍ agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ២០ ម៉ោង agoសមត្ថកិច្ចខេត្តកំពតបង្ក្រាបទីតាំងប្តូរសម្បកបាវស្ករសអក្សរថៃនាំចូលពីថៃ ទៅជាបាវអក្សរវៀតណាម ដើម្បីបំភាន់ភ្នែកសមត្ថកិច្ច និងចលនាពហិការផលិតផលថៃ
-
ព័ត៌មានជាតិ៥ ថ្ងៃ agoក្រសួងសុខាភិបាល ត្រៀមបង្ការ និង ទប់ស្កាត់ការនាំចូលជំងឺឆ្លង ហាន់តា នៅអាកាសយានដ្ឋានអន្តរជាតិតេជោ
-
ព័ត៌មានជាតិ៥ ថ្ងៃ agoប្រព័ន្ធហ្វឹកហ្វឺនអាវុធជាអំណោយរបស់ឥណ្ឌា នឹងរួមចំណែកលើកកម្ពស់សមត្ថភាពកងទ័ពជើងគោកកម្ពុជា
-
ព័ត៌មានអន្ដរជាតិ៣ ម៉ោង agoលោក រូប៊ីយ៉ូ ជាប់ក្នុងបញ្ជីទណ្ឌកម្មចិន ចុះហេតុអ្វីបានអាចអមដំណើរ ត្រាំ ក្នុងក្រុងប៉េកាំង?