វប្បធម៌ ជំនឿ

ប្រពៃណីចម្លែក កាត់ប្រដាប់បន្តពូជស្ត្រី ដើម្បីរក្សាព្រហ្មចារី ឲ្យដល់ថ្ងៃរៀបការ

បានផុស

២ years មុន

នៅ

ថ្ងៃព្រហស្បតិ៍ ៥ ឧសភា ២០២២

ដោយ

ប្រពៃណី Female Genital Mutilation ហៅកាត់ FGM ត្រូវបានគេស្គាល់ថា ជាប្រពៃណីមួយដែលកាត់រួចដេរប្រដាប់បន្តពូជស្ត្រីឲ្យជិតវិញ ដោយទុកតែរន្ធសម្រាប់បត់ជើងតូច និងមករដូវតែប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រពៃណីនេះមានប្រភពមិនច្បាស់លាស់ឡើយ ខ្លះថា FGM មានកំណើតតាំងពីពេលជនជាតិស្បែកខ្មៅត្រូវបានលក់ដូរជាទាសករទៅអារ៉ាប កាលពីបុរាណមកម្ល៉េះ ខ្លះទៀតថា FGM មានពេលជនជាតិឥស្លាមចូលមកដល់តំបន់ ខ្លះនៅសាហារ៉ា អាហ្វ្រិកទៅវិញ។ ជាសំណាងល្អប្រពៃណីនេះ ត្រូវបានគេហាមឃាត់ក្នុងប្រទេសជាច្រើន ហើយអនុវត្តនៅតាមប្រទេសក្រីក្រមួយចំនួនប៉ុណ្ណោះ។

យ៉ាងណាមិញ ពួកគេជឿថា ការធ្វើបែបនេះដើម្បីឲ្យប្រដាប់ភេទមានរូបរាងតូចស្អាត បង្កើនចំណង់បុរសជាស្វាមី និងអាចរក្សាព្រហ្មចារីដល់ថ្ងៃរៀបការបាន។ រីឯផលប៉ះពាល់វិញ មានច្រើនសន្ធឹកដូចជា៖ បង្កឲ្យមានរោគស្ត្រីដោយសារសម្អាតមិនស្អាតទៅក្នុងបរិវេណដែលដេរជិត មានការឈឺចាប់ខ្លាំង នៅពេលដែលចាប់ផ្ដើមរួមភេទជាមួយស្វាមី ពិបាកនោម ពិបាកបង្កើតកូន ឬ មិនអាចមានកូនបាន មិនតែប៉ុណ្ណោះ ក្មេងស្រីខ្លះបានបាត់បង់ជីវិតដោយសារប្រពៃណីនេះទៀតផង។ បើនិយាយពីអត្ថប្រយោជន៍វិញ គឺគ្មានទាល់តែសោះ។

ឥលូវយើងងាកមកមើលពីវិធីអនុវត្តវិញម្ដង ជាដំបូងគេកាត់តាមគ្លីតូរីស បន្ទាប់មកគឺកាត់បបូរប្រដាប់ភេទទាំងសងខាង ចុងក្រោយគេដេរផ្ចិតវាចូលគ្នា ដើម្បីកុំឲ្យរួមភេទបាន នេះមិនទាន់ជាទីបញ្ចប់នៃការឈឺចាប់នៅឡើយទេ គឺគេនឹងកាត់វាឲ្យចេញពីគ្នា ដើម្បីរួមភេទនៅថ្ងៃណាមួយ។ ស្រីៗដែលទើបនឹងដេររួច ពិបាកក្នុងការបត់បែនខ្លួន ដើរ នោមឈឺ អាចបង្កឲ្យមានជំងឺថែមទៀតផង។

ទោះបីជាយ៉ាងណាក៏ដោយ ប្រពៃណី FGM នេះ ត្រូវបានចាត់ទុកថាជាអំពើខុសច្បាប់ ពីការរំលោភបំពានរាងកាយចំពោះកុមារ។ ប្រសិនបើអ្នកជួបប្រទះបញ្ហានេះ ឬនរណាម្នាក់ដែលអ្នកស្គាល់កំពុងមានគេបង្ខំឲ្យធ្វើបែបនេះ អ្នកត្រូវប្រញាប់ទាក់ទងទៅសមត្ថកិច្ច ដើម្បីស្វែងរកជំនួយជាបន្ទាន់៕

ប្រែសម្រួល៖ ស្រីខួច

ចុចអាន៖បញ្ហា និងផលប៉ះពាល់ជាច្រើន បណ្ដាលមកពីការប្រើប្រាស់គ្រឿងញៀន

ចុចអាន ៖វិធីសាស្ត្រសាមញ្ញ តែមានប្រសិទ្ធភាព ដើម្បីជួយអ្នកជំងឺបាក់ទឹកចិត្ត