កត់សម្គាល់ភាពខុសគ្នារវាងរោគសញ្ញាកូវីដ-១៩ និងកូវីដបំប្លែងខ្លួនថ្មី

១. រោគសញ្ញាជំងឺកូវីដ-១៩

ស្ថានភាពអ្នកជំងឺកូវីដ-១៩នៅដំណាក់កាលដំបូង គឺមានអាការគ្រុនក្តៅ​លើសពី​ ៣៧.៥​ អង្សា​សេ, ក្អក​ហើយឈឺ​ក​លើសពី​៤​ថ្ងៃ, តឹង​ច្រមុះ ឈឺ​ក្បាល ព្រឺ​រងា ឬ​វិល​មុខ, អាចមាន​អាការ​រមួល​ពោះ ​ក្អួតចង្អោរ ឬ​រាករូស, ​​ពិបាក​ដកដង្ហើម​, ឈឺ​តាម​ដងខ្លួន (ឈឺ​សាច់ដុំ ឬ​សន្លាក់) ​,ទទួលទាន​អាហារមិនសូវ​បាន​, បាត់បង់​ក្លិន រសជាតិ, ភ្នែក​ឡើង​ក្រហម និងឡើង​កន្ទួល​លើ​ស្បែក​ (រោគសញ្ញានេះមិនកើតមានលើអ្នកជំងឺទាំងអស់ឡើយ)។

រោគសញ្ញា​នៃ​ជំងឺ​កូវីដ-១៩ ធ្ងន់ធ្ងរ រួមមាន៖

ក្រោយឆ្លងរោគធ្ងន់ធ្ងរ អ្នកជំងឺកូវីដ-១៩ នឹងវិវត្តអាការកាន់តែយ៉ាប់ដោយពួកគេ ពិបាក​ដក​ដង្ហើម បាត់បង់​ចំណង់​អាហារស្ទើរមិនចង់ទទួលទានអ្វីសោះ ហើយឈឺ​ចុក​ចាប់​ក្នុង​ទ្រូង​មិន​បាត់ និងក្ដៅ​ខ្លួន​ខ្លាំងលើស​៣៨អង្សារសេ។

២. រោគសញ្ញកូវីដបំប្លែងខ្លួន

-បន្ទាប់​ពី​ឆ្លងវីរុសបំប្លែងខ្លួន​ចន្លោះពី ៥ ទៅ ៨ ថ្ងៃ​ អ្នកជំងឺមានរោគសញ្ញាត្រឹមតែ ក្អក ​គ្រុនក្ដៅ ​និងអស់កម្លាំងប៉ុណ្ណោះ

-បន្ទាប់ពីប៉ុន្មានថ្ងៃនោះ អ្នកជំងឺអាច រាគ​រូស ​ឈឺ​បំពង់ក ពិបាកដកដង្ហើម ​និងឆាប់ហត់

-គ្រុនក្តៅចាប់ពី ៣៩-៤០ អង្សាសេ ក្នុងរយៈពេល ៤-៥ ថ្ងៃជាប់គ្នា

-បបូរមាត់ឡើងក្រហមឬស្ងួតប្រេះ ឬស្បែកមុខប្រែជាំ ឆាប់ខឹង គេងតិច និងបាត់បង់ចំណង់អាហារ

-ប្រសិនករណីធ្ងន់ធ្ងរ អ្នកជំងឺនឹងមានស្លេះ​ស្អិតខ្លាំងនៅបំពង់ក កាន់តែពិបាកដកដង្ហើម ​ហើយ​ពេល​ខ្លះ​អាចមាន​ឈាម​ជាមួយស្លេះទៀតផង​

-ក្នុងនោះ ​អ្នក​ដែល​មាន​ជំងឺ​ធាត់​និង​ទឹកនោមផ្អែម ប្រឈមហានិភ័យ​​រោគ​សញ្ញា​​ធ្ងន់ធ្ងរ​នៃកូវីដបំប្លែង​ខ្លួន​ថ្មីជាងអ្នកផ្សេង៕

ប្រែសម្រួល៖ សន្យា

ប្រភព៖ NSH

ចុចអាន៖ ក្រៅពីក្អក ឈឺក ក្ដៅខ្លួន អាការៈសាមញ្ញៗទាំងនេះ ក៏ជារោគសញ្ញាកូវីដ-១៩

ចុចអាន៖ គ្រូពេទ្យ​ជំនាញ​ផ្លូវ​ដង្ហើម​ថៃ ពន្យល់​ច្បាស់ៗ​ពី​អាការ​ឆ្លង​កូវីដ​បំប្លែង​ខ្លួន​អង់គ្លេស ដែល​អ្នក​គួរ​ដឹង