Connect with us

ជីវិតកម្សាន្ដ

ទ្រព្យសម្បត្តិសមាជិក BLACKPINK ទាំង​ ៤ រូប ត្រឹមពាក់កណ្ដាលឆ្នាំនេះ ម្នាក់ៗកប់ក្ដោង

បានផុស

នៅ

BLACKPINK គឺជាក្រុមចម្រៀងនារី K-pop ជំនាន់ទី ៣ ដែលស្ថិតក្រោមផលិតកម្ម YG Entertainment នៃប្រទេសកូរ៉េខាងត្បូង ចាប់​តាំងពី​ឆ្នាំ ២០១៦ មក។

ទន្ទឹម​នោះ​ ម្នាក់ៗរកចំណូលបាន​យ៉ាង​ច្រើន​ក្រាស់ក្រែល​ក្នុង​មួយ​ឆ្នាំ​ៗ ដូច្នេះ​ហើយ​ថ្ងៃនេះ​កម្ពុជា​ថ្មី​​ នឹង​បើក​កកាយ​​ពី​ទ្រព្យសម្បត្តិ​សុទ្ធ​របស់​សមាជិក BLACKPINK ក្នុងម្នាក់ៗ គិតត្រឹមពាក់​កណ្ដាល​ឆ្នាំ ២០២២។

១​ Jisoo (Kim Jisoo)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារា​ស្រី​វ័យ​ក្មេង​រូប​នេះ​ ត្រូវ​បាន​ជ្រើសរើស​ជា​ទូត​សុឆន្ទៈ​ឲ្យ​ម៉ាក​យីហោ​ពិភពលោក​ Dior Fashion និង Beauty ក្នុង​ឆ្នាំ ២០២១ ដោយ​ចូលរួម​ជាមួយ Natalie Portman, Marion Cotillard និង Rihanna ។ បច្ចុប្បន្ន​ នាង​គឺ​បុគ្គល​ដែល​មាន​ទ្រព្យសម្បត្តិ​ច្រើន​ជាង​គេ ​ក្នុង​ចំណោម​​សមាជិក​ក្រុមទាំង៤ ។ អាជីព​របស់ Jisoo មាន​ចាប់ពី​តន្ត្រី​រហូត​ដល់​ការ​សម្ដែង​ហើយ រឿង​ភាគ​កូរ៉េ​ចុងក្រោយ​របស់​នាង​គឺ Snowdrop សម្ដែង​ជាមួយ Jung Hae-In។ យោង​តាម​របាយការណ៍ ទ្រព្យសម្បត្តិ​សុទ្ធ​របស់​នាង​ត្រូវ​បាន​ប៉ាន់​ប្រមាណ​ថា​ មាន​ចំនួន ២០ លាន​ដុល្លារ​ គិត​ត្រឹម​ខែមិថុនា ឆ្នាំ ២០២២។ ក្រៅពីប្រេន Dior នាងក៏ជា​ទូតសុឆន្ទៈ​​ឲ្យ​គ្រឿងអលង្ការ និង​នាឡិកា​ដ៏​ប្រណិត​របស់​បារាំង Cartier, Ella Balinska, Yasmine Sabri និង Chang Chen ក៏ដូចជាម៉ាក​គ្រឿងសំអាង​ Kiss Me ផង​ដែរ។ នាង​ក៏​ជាតារា ដែលមានអ្នកតាមដានច្រើនជាងគេបំផុតលើ Instagram ជាង ៦១.៨លាននាក់។

២ Rosé (roseanne Park)

ដូច Jisoo ដែរ Rosé ក៏ជាតំណាង​ឲ្យ​ម៉ាក​យីហោ Kiss Me និង​មាន​ការ​សហការ​ជាវីដេអូ​ហ្គេម​ជាមួយ Perfect World Mobile ។ យោងតាម​របាយការណ៍ នាង​មាន​ទ្រព្យសម្បត្តិ​សរុប​ប្រមាណ ១៨ លានដុល្លារ។ សមាជិកក្មេងជាងគេទី ២នេះ ក៏ជាទូតសុឆន្ទៈ​យីហោប្រណីតរបស់បារាំង Yves Saint Laurent និងម៉ាកគ្រឿងអលង្ការប្រណីតរបស់អាមេរិក​ ដែលគ្រប់គ្រងដោយបារាំង Tiffany & Co ក្នុងចំណោមម៉ាកក្នុងតំបន់ផ្សេងទៀតនៅ​វកូរ៉េ​ខាងត្បូង។ Rosé បានចាប់ផ្តើមអាជីពទោល​ជាមួយនឹងអាល់ប៊ុមទោល “R” ដែលបានចេញផ្សាយតាមរយៈ YG Entertainment និង Interscope Records ក្នុងខែមីនា ឆ្នាំ ២០២១។ អាល់ប៊ុមនេះទទួល​បានការចាប់​អារម្មណ៍​យ៉ាងឆាប់រហ័សនៅលើអ៊ីនធឺណិត ហើយបទចម្រៀង “On the Ground” បានក្លាយជាវីដេអូដែលមានអ្នកមើលច្រើនបំផុតនៅលើ YouTube ក្នុង​រយៈពេល ២៤ម៉ោង។ នាងក៏បានចេញបទចម្រៀង Cover នៅលើ Channel YouTube របស់នាង ដែលមានអ្នក Subscribe ជាង ៤.៧១ លាននាក់។ នាង​មានអ្នកតាមដានជាង ៦០៧ លាននាក់​នៅលើ Instagram ហើយ​មានកំណត់ត្រាសម្រាប់អ្នកស្តាប់ Spotify ប្រចាំខែ​ចំនួន ៣.២ លាននាក់។

៣ Lisa (Lalisa Manoban)

ទ្រព្យសម្បត្តិ​សុទ្ធ​បស់ Lisa គឺ១៤ លានដុល្លារគិតត្រឹមខែមិថុនា ឆ្នាំ ២០២២។ Lisa គឺជាអ្នករាំដ៏សំខាន់ និងជាអ្នកដឹកនាំរ៉េបរបស់ក្រុមចម្រៀងនារី K-pop ។ បន្ទាប់ពីចូលរួមជាមួយ YG Entertainment នាងត្រូវបានគេបង្ហាញនៅក្នុងការផ្សាយពាណិជ្ជកម្ម ហើយថែមទាំង​បានសម្តែងនៅក្នុង​វីដេអូហ្គេម MMORPG ឆ្នាំ ២០១៨ Ragnarok M: Eternal Love ផងដែរ។ យោងតាមប្រព័ន្ធផ្សព្វផ្សាយកូរ៉េ Lisa គិតថ្លៃចំនួន ៦សែនដុល្លារ ក្នុងមួយការយល់ព្រមកម្មវិធីមួយ និង ២សែនដុល្លារ សម្រាប់ការបង្ហោះដែលបានឧបត្ថម្ភនៅលើ Instagram ។

Lisa នាំមុខម៉ាកយីហោជាច្រើនក្នុងនាមជា​ទូត​សុឆន្ទៈរួមមាន MAC, Celine, និង Bvlgari, Samsung និង Prada ។ នាងក៏ត្រូវបានតែងតាំងជាទូត​សុឆន្ទៈ​ស្ត្រីដំបូងគេនៅ​អាស៊ី​សម្រាប់​ស្រាវីស្គី Scotch ម៉ាក Chivas ។ ជាមួយនឹងគំនិតផ្តួចផ្តើមឯករាជ្យ និង​ការយល់ព្រមលើ​ម៉ាកច្រើន​ជាងអ្នកផ្សេងទៀត នៅក្នុងក្រុម Lisa បានធ្វើការលើ​ក្រុមហ៊ុន​បណ្ដាក់ទុន​អន្តរជាតិ​ភាគច្រើន។ នៅឆ្នាំ ២០២១ នាងបានចេញគម្រោងដំបូងរបស់នាង “Lalisa” ដែលមានបទចម្រៀងទោលចំនួនពីរគឺ “Lalisa” និង “Money” ។ អាល់ប៊ុម​ទោល​បច្ចុប្បន្ន​ទទួល​បាន​ចំណាត់​ថ្នាក់​សម្រាប់​អាល់ប៊ុម​ដែល​មាន​ការ​ចាក់​ផ្សាយ​ច្រើន​បំផុត​ដោយ​សិល្បករ​ K-pop ដែល​មាន​ការ​ផ្សាយ​ជាង ៥៧៣លាន​ដង​នៅ​លើ Spotify។ ក្រៅ​ពី​តន្ត្រី នាង​ក៏​បាន​បង្ហាញ​ខ្លួន​ក្នុង​កម្មវិធី Real Man 300 និង Youth With You ចំនួន​ពីរ​ផង​ដែរ។ នាង​មាន​អ្នក​តាមដាន​យ៉ាង​ច្រើន​នៅ​លើ Instagram ជាង ៧៩.៩លាននាក់ និង​ច្រើន​ជាង ១០.៦ លាន​អ្នក​ស្ដាប់​ប្រចាំ​ខែ​នៅ​លើ Spotify ។

៣ Jennie (Kim Jennie)

​មិនមែនជារឿងចម្លែកចំពោះទ្រព្យសម្បត្តិរបស់នាង ខណៈដែលនាងធំឡើងនៅក្នុងសង្កាត់ដែលមានជីវភាពធូរធារបំផុតក្នុងប្រទេសកូរ៉េ មុនពេលចូលរួមក្រុមចម្រៀងនារី។ Jennie ​ជា​អ្នក​ចម្រៀង​ដ៏​សំខាន់​ក្នុង​ក្រុម K-pop ដែល​មាន​ទ្រព្យ​សម្បត្តិ​ប្រមាណ ១០ លាន​ដុល្លារ។ របាយការណ៍របស់ South China Morning Post ដែលដកស្រង់ប្រភពផ្សេងទៀតបានរាយការណ៍ថា នាងមានតម្លៃប៉ាន់ស្មាន ៨សែនដុល្លារក្នុងមួយកិច្ចសន្យា គិតត្រឹមខែមិថុនា ២០២២។ នាងក៏ជាតារា K-pop ដែលទទួលបាន ៣០០ លានស្ទ្រីមនៅលើ Spotify ។ នាង​ត្រូវ​បាន​គេ​ដឹង​ថា ​ស៊ីថ្លៃ​ខ្ពស់​ក្នុង​សម្លៀក​បំពាក់ រួមទាំង​ម៉ាក​ល្បីៗ​ដូច​ជា Hera, Chanel និង Calvin Klein និង​ស្លាក​សញ្ញា​ផ្សេង​ទៀត​ដូច​ជា Adidas និង Samsung។ នៅលើ Instagram នាងមានអ្នកតាមដានជាង ៦៨លាននាក់ ខណៈពេលដែលនៅលើ​ Spotify​ នាងទទួលបានអ្នកស្តាប់ច្រើនជាង ២.៩ លាននាក់ប្រចាំខែ ៕

ប្រែសម្រួល៖ សាង ស្រីល័ក្ខ

ចុចអាន៖BLACKPINK ក្លាយជាក្រុមចម្រៀងស្រីដំបូងគេ បង្ហាញមុខលើក្របទស្សនាវដ្ដី Rolling Stone

ចុចអាន៖Lee Min Ho វ៉ាដាច់ ជាតារាកូរ៉េ មានអ្នក Follow អ៊ិនស្តាក្រាម ច្រើនជាងគេលើពិភពលោក

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៨ នាទី មុន

ឧត្តមសេនីយ៍ ហ៊ុន ម៉ាណែត៖​ ទំនាក់ទំនងរវាងកងទ័ពកម្ពុជា-ថៃ​ កាន់តែល្អប្រសើរ​ក្រោយពីចុះ​ហត្ថលេខា​កាលពីខែកុម្ភៈកន្លងទៅ

ជីវិតកម្សាន្ដ១៦ នាទី មុន

រ៉ាប៊ី ប្រតិកម្មឆ្លើយតបបន្ទាប់មានគេរិះគន់រឿងជូនលុយឪពុកម្តាយនារដូវភ្ជុំបិណ្ឌ

ជីវិតកម្សាន្ដ២៨ នាទី មុន

Pancake ត្រូវគេដាក់រហស្សនាមថា “កំពូលតារាបង្ហាញម៉ូដពិភពលោក” កម្រមានរឿងអាស្រូវ

ព័ត៌មានអន្ដរជាតិ៤២ នាទី មុន

បាងកក ដាក់ម៉ាស៊ីនបូមទឹកបន្ថែមទៀតដើម្បីរំដោះទឹកចេញពីទីក្រុង

នយោបាយ៥៧ នាទី មុន

អ្នកនយោបាយ មើលឃើញតាំងពីដំបូងថា បក្សភ្លើងទៀនមិនអាចចងសម្ព័ន្ធភាព ជាមួយគណបក្ស ៣ផ្សេងទៀតទេ

Sokha Hotels

ព័ត៌មានពេញនិយម