ក្រោយទៅដល់អាមេរិក Blackpink មិនបង្អង់យូរ ប្រញាប់ចូលរួមវេទិកាមនុស្សធម៌ជាមួយ UN

ក្រោយពេលទៅដល់អាមេរិក ក្រុមចម្រៀងនារីកូរ៉េខាងត្បូង Blackpink បានចូលរួមសកម្មភាពមនុស្សធម៌ និងសកម្មភាពសង្គមជាមួយអង្គការសហប្រជាជាតិ (UN) ដើម្បីជំរុញឱ្យសាធារណជននាំគ្នាការពារបរិស្ថាន និងលុបបំបាត់ការរើសអើងភេទ ភាពអត់ឃ្លាន និងភាពក្រីក្រ នៅជុំវិញពិភពលោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃចន្ទ ទី១៩ ខែកញ្ញាកន្លងទៅនេះ ក្រុម Blackpink និងកវីជនជាតិអាមេរិក Amanda Gorman បានបង្ហាញវត្តមាននៅក្នុងវេទិកាអង្គការសហប្រជាជាតិ ដើម្បីចូលរួមជំរុញសកម្មភាពសង្គមស្តីពីការប្រែប្រួលអាកាសធាតុ និងគោលដៅសកលផ្សេងទៀត ដែលរួមមាន ការសម្រេចនូវសមភាពយេនឌ័រ ការបញ្ចប់ភាពអត់ឃ្លាន និងភាពក្រីក្រ។

ថ្លែងតាមរយៈវីដេអូ សមាជិកទាំងបួននៃក្រុម Blackpink គឺជាអ្នកតស៊ូមតិរបស់អង្គការសហប្រជាជាតិសម្រាប់គោលដៅអភិវឌ្ឍន៍សង្គមប្រកបដោយនិរន្តរភាព និងជាសកម្មជនជំរុញប្រជាជនធ្វើយ៉ាងណាជួយកាត់បន្ថយការប្រើប្រាស់ថាមពលដើម្បីទប់ស្កាត់ការឡើងកម្ដៅផែនដី ដែលអាចបណ្ដាលឱ្យមានផលប៉ះពាល់អាកាសធាតុ, ការជ្រើសរើសផលិតផលក្នុងស្រុក និងការកាត់បន្ថយកាកសំណល់អាហារ។

ជាមួយនឹងប្រជាប្រិយភាពខ្លាំងក្លានៃក្រុម Blackpink មន្ត្រីជាន់ខ្ពស់អង្គការសហប្រជាជាតិ​ ជឿជាក់ថា​ សកម្មភាព និងសំឡេងរបស់ក្រុមចម្រៀងមួយនេះ នឹងនាំមកនូវការផ្លាស់ប្តូរជាវិជ្ជមាន នៅទូទាំងពិភពលោក៕

ប្រែសម្រួល៖ សន្យា

ចុចអាន៖ ពិធីករក្នុងកម្មវិធីដែល BLACKPINK ឡើងសម្ដែងបទ “Shut Down” រងការរិះគន់យ៉ាងចាស់ដៃពីអ្នកគាំទ្រ

ចុចអាន៖ បើមិនក្លាយជាតារាចម្រៀងទេ Lisa នឹងចាប់អាជីពមួយនេះ