ជីវិតកម្សាន្ដ

Janie ប្រកាសវិលចូលសិល្បៈវិញ ហើយអាចនឹងថតឈុតរោលរាលលើសមុន

បានផុស

៣ years មុន

នៅ

ថ្ងៃសៅរ៍ ២៥ កុម្ភៈ ២០២៣

ដោយ

អ្នកម្តាយកូនមួយ Janie Tienphosuwan បានទម្លាយអារម្មណ៍ពិតក្នុងឱកាសប្រារព្ធខួប៥៣ឆ្នាំនៃកម្មវិធីកម្សាន្តរបស់ស្ថានីយទូរទស្សន៍ប៉ុស្តិ៍លេខ៣ ថា នាងនឹងប្រឡូកក្នុងវិស័យសិល្បៈវិញយ៉ាងពេញទំហឹង ស្របពេលដែលស្វាមីអនុញ្ញាត ហើយថែមទាំងថតឈុតរោលរាលលើសមុនទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងនៅក្នុងបទសម្ភាសន៍ជាមួយអ្នកសារព័ត៌មានតារាសម្ដែងថៃ Janie បាននិយាយទាំងញញឹមថា នៅពេលនេះនាងកំពុងមមាញឹកខ្លាំងជាមួយការងារនៅឯបរទេស ហើយក៏កំពុងតែមានគម្រោងបង្កភាពភ្ញាក់ផ្អើលលំដាប់ពិភពលោក ដោយមិនលើសពី២ខែទៀតទេ នាងនឹងបង្ហាញឲ្យទស្សនិកជនបានដឹងជាក់ជាមិនខាន។

ទោះយ៉ាងណា នាងក៏បានបង្ហើបខ្លះៗថា ខ្លួននាងផ្ទាល់បានរៀបចំខ្លួនយ៉ាងល្អបំផុតសម្រាប់ម៉ាក Victoria’s Secret ខាងមុខនេះ ខណៈ Janie ក៏បាននិយាយបន្ថែមទៀតថា “ឆ្នាំនេះជាឆ្នាំដែលខ្ញុំតាំងចិត្តមើលថែខ្លួនឯងកាន់តែខ្លាំង។ ខ្ញុំពិតជាចង់ប្រកួតជាមួយខ្លួនឯងណាស់ ស្ត្រីមិនចាំបាច់ប្រកួតជាមួយអ្នកណាទេ។ ការប្រកួតប្រជែងជាមួយខ្លួនអ្នកគឺជារឿងសំខាន់បំផុត។ តើយើងអាចមើលថែខ្លួនឯងបានប៉ុន្មាន? ទាំងអាហារ រាងរៅ ចិត្ត និងសុខភាពផ្លូវកាយផងដែរ”។

ក្នុងពេលដែលនាងកាន់តែស្រលាញ់ខ្លួនឯងជាងមុន តារាម៉ូដែលរូបនេះថា បើនិយាយពីការងារក្នុងវិស័យសិល្បៈនាងនឹងវិលមកប្រឡូកពេញទំហឹងវិញ ហើយអាចក្នុងឈុតរោលរាលជាងមុន ព្រោះស្វាមីវ័យក្មេងរបស់ Janie ជាប្តីចេះយល់ចិត្ត ហើយក៏មិនប្រច័ណ្ឌដែរ បើនាងវិលមកវិញនោះ៕