ជីវិតកម្សាន្ដ

BORN PINK បិទបញ្ចប់នៅកូរ៉េខាងត្បូង ខណៈសមាជិក BLACKPINK ថា នេះជាការសម្ដែងចុងក្រោយ

បានផុស

៩ ខែ មុន

នៅ

ថ្ងៃចន្ទ ១៨ កញ្ញា ២០២៣

ដោយ

ការប្រគំតន្ត្រីទេសចរណ៍ពិភពលោករបស់ BLACKPINK BORN PINK បានបញ្ចប់យ៉ាងស្រស់ស្អាតនៅទីក្រុងសេអ៊ូល ខណៈការបញ្ចប់របស់ក្រុមនេះ បានធ្វើឲ្យអ្នកគាំទ្រលែងសប្បាយចិត្ត នឹងគិតថាតើអនាគតនឹងទៅជាយ៉ាងណា?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

BLACKPINK បានរៀបចំការប្រគំតន្ត្រីចុងក្រោយសម្រាប់ដំណើរទេសចរណ៍ពិភពលោករបស់ BORN PINK ដែលមានរយៈពេលយូរ ចាប់តាំងពីឆ្នាំ ២០២២ ក្នុងរយៈពេល ១១មក។ ស្របពេលដែលកម្មវិធីនៅ Gocheok Sky Dome ក្នុងទីក្រុងសេអ៊ូល កាលពីថ្ងៃទី ១៦-១៧ខែកញ្ញា វាដូចជាការប្រគំតន្ត្រីចុងក្រោយ ដែលបានទាក់ទាញភ្នែកមនុស្សទាំងក្នុង និងក្រៅរង្វង់។

អ្វីដែលអ្នកគាំទ្រចាប់អារម្មណ៍ជាពិសេសគឺការបញ្ចប់ ឬសុន្ទរកថានៅពេលបញ្ចប់ការប្រគំតន្ត្រីរបស់សមាជិកនីមួយៗ។ ដែលជារឿយៗនិយាយអរគុណដល់អ្នកគាំទ្រ មុនពេលការប្រគំតន្ត្រីបញ្ចប់ជាផ្លូវការលើកនេះហាក់ស្រងេះស្រងោចខ្លាំង។

Jennie បាននិយាយថា “ពួកយើងកំពុងឈានចូលដល់ដំណាក់កាលចុងក្រោយនៃការប្រគំតន្ត្រី។ លើកនេះខុសពីលើកមុន។ ខ្ញុំមានអារម្មណ៍លើសលប់ណាស់ នៅចុងបញ្ចប់នៃការសម្តែងបទចម្រៀងនីមួយៗ។ នេះជាអ្វីដែលយើងបានធ្វើពេញមួយឆ្នាំ”។

ចំណែកឯ Lisa បានអានកំណត់ត្រាដែលនាងបានរៀបចំនៅលើទូរសព្ទរបស់នាង។ ដើម្បីបញ្ចប់ការប្រគំតន្ត្រីទៅកាន់អ្នកគាំទ្រថា “ចំពោះ Blinks ទាំងអស់ វាមានរយៈពេលជាង ២៥៩៦ ថ្ងៃហើយ ចាប់តាំងពីយើងបានជួបគ្នា។ នៅទូទាំងដំណើរប្រគំតន្ត្រីនេះ យើងបាននៅជាមួយ Blinks សម្តែងនៅលើឆាកដ៏អស្ចារ្យមួយចំនួន ហើយវាមិនអាចទៅរួចទេបើគ្មានអ្នកទាំងអស់គ្នា។ អរគុណដែលតែងតែនៅជាមួយយើង ឆ្លងកាត់ល្អ និងអាក្រក់។ សូមអរគុណសម្រាប់ការផ្ដល់ឲ្យខ្ញុំនូវបទពិសោធន៍ដ៏អស្ចារ្យបែបនេះ។ សូមអរគុណចំពោះការធ្វើឲ្យយុវវ័យ២០ឆ្នាំរបស់យើងភ្លឺថ្លាបែបនេះ”។

លើសពីនេះទៀត នៅចុងបញ្ចប់នៃការប្រគំតន្ត្រី រូបភាពរបស់ BLACKPINK ត្រូវបានបង្ហាញនៅលើអេក្រង់ជាមួយនឹងសារថា “BLACKPINK នឹងនៅជាមួយអ្នកជានិច្ច!”

យ៉ាងណាមិញ ក្រោយសមាជិក២រូបនេះនិយាយរួច វាប្រែជាធ្វើឲ្យអ្នកគាំទ្រលែងសប្បាយចិត្តដូចមុន។ ក្នុងនោះម្នាក់ៗបានបញ្ចេញមតិ២ផ្សេងគ្នាថា ផ្នែកទីមួយគិតថា ដំណើរប្រគំតន្ត្រីនេះពិតជាដំណើរប្រគំតន្ត្រីចុងក្រោយសម្រាប់ពួកគេ ដូច្នេះហើយ ម្នាក់ៗបានសម្តែងការប្រគំតន្ត្រីរបស់ពួកគេឲ្យអស់ពីសមត្ថភាព ហាក់ដូចជាពួកគេមិនបានសម្តែងជាមួយគ្នាយូរមកហើយ។ ប៉ុន្តែភាគីម្ខាងទៀតបានបញ្ចេញយោបល់យ៉ាងដូច្នេះ នៅតែមានសង្ឃឹមនឹងឃើញ BLACKPINK បន្តកុងត្រាថ្មី ហើយនៅជាមួយគ្នាដូចពីមុន។ ព្រោះយើងនៅមិនទាន់ឃើញសញ្ញាច្បាស់លាស់ណាមួយដែលថាពួកគេ នឹងមិននៅជាមួយគ្នាទៀតនោះ៕