ព័ត៌មានអន្ដរជាតិ

ឆ្មាំសមុទ្រកូរ៉េ ឃាត់ខ្លួនមនុស្ស២នាក់ ពីបទបំពានច្បាប់ជលផល

បានផុស

១០ ខែ មុន

នៅ

ថ្ងៃព្រហស្បតិ៍ ៩ តុលា ២០២៥

ដោយ

មនុស្សពីរនាក់ រួមទាំងប្រធានក្រុមនៃកប៉ាល់នេសាទមួយ ត្រូវបានចាប់ដោយឆ្មាំសមុទ្រកូរ៉េខាងត្បូង បន្ទាប់ពីបានលួចលាក់ក្តាមព្រិលញីដែលចាប់បានខុសច្បាប់រាប់ពាន់ក្បាល ដាក់ក្នុងអាងចិញ្ចឹមត្រីក្នុងផ្ទះ។ នេះបើយោងតាម KJD ចុះផ្សាយនៅ នៅថ្ងៃទី៩ តុលា ឆ្នាំ២០២៥។

ក្តាមរាប់ពាន់ក្បាល ត្រូវបានគេឃើញទុកក្នុងអាងចិញ្ចឹមត្រីផ្ទះមួយក្នុងក្រុង Pohang
[រូបភាព៖ POHANG COAST GUARD]

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផ្អែករបាយការណ៍របស់ប៉ូលិសបានបញ្ចាក់ឲ្យដឹងថា កាលពីយប់ថ្ងៃអាទិត្យ វេលាម៉ោងប្រហែល ១០:០៩ នាទីយប់ ជនសង្ស័យបានផ្ទុកក្តាមព្រិលញីចំនួន ១៥៥ក្បាលដាក់លើឡានដឹកទំនិញនៅកំពង់ផែ Guryongpo-eup ស្រុក Nam ស្រុក Pohang ភាគខាងជើង Gyeongsang ហើយដឹកពួកវាទៅកាន់លំនៅដ្ឋានឯកជន។ អាជ្ញាធរក៏សង្ស័យថា ពួកគេបានលាក់ក្តាមព្រិលញីចំនួន ២,១៦៥ បន្ថែមទៀត នៅក្នុងអាងចិញ្ចឹមត្រីចំនួនពីរនៅឯលំនៅដ្ឋាននោះ។

ឆ្មាំឆ្នេរសមុទ្រ Pohang បាននិយាយទៀតថា ខ្លួនបានទទួលព័ត៌មានអំពីការដឹកជញ្ជូនក្តាមព្រិលញី ហើយកំពុងល្បាតក្នុងតំបន់ នៅពេលដែលពួកគេបានប្រទះឃើញរថយន្ត ទើបឈានទៅដល់ការចាប់ខ្លួនជនសង្ស័យ។ ឥឡូវនេះ ក្រុមអ្នកស៊ើបអង្កេតកំពុងពិនិត្យមើលព័ត៌មានលម្អិតនៃករណីនេះថា តើពួកគេមានបំពានច្បាប់បន្ថែមដែរឬទេ?

ចំណែកឯ ក្តាមព្រិលញីជាង ២,០០០ ក្បាលដែលត្រូវបានចាប់បាន មកដលពេលនេះត្រូវបានដោះលែងវិញទៅក្នុងសមុទ្រនៅឆ្នេរសមុទ្រ Guryongpo រួចរាល់ហើយ។ យោងតាមច្បាប់គ្រប់គ្រងធនធានជលផលនៃប្រទេសកូរ៉េខាងត្បូង ការចាប់ ចែកចាយ ការផ្ទុក ឬលក់ក្តាមព្រិលញីត្រូវផ្តន្ទាទោសដាក់ពន្ធនាគាររហូតដល់ ២ ឆ្នាំ ឬពិន័យជាប្រាក់រហូតដល់ ២០ លានវ៉ុនឯណោះ (១៤,១០០ ដុល្លារ) ៕

អត្ថបទ៖ សាង ស្រីល័ក្ខ

ចុចអាន៖ជប៉ុន ប្រកាសឲ្យប្រជាជនជម្លៀសខ្លួនបន្ទាន់ ខណៈព្យុះទីហ្វុង Ha Long មានកម្លាំងខ្លាំងមហិមា