Connect with us

ព័ត៌មានអន្ដរជាតិ

កូវីដកំពុងតែធ្ងន់ គ្រូពេទ្យជាប់កិច្ចសន្យាម៉ាឡេស៊ី ដើរចេញពីមន្ទីរពេទ្យ ធ្វើកូដកម្ម

បានផុស

នៅ

ក្រុមគ្រូពេទ្យជាប់កិច្ចសន្យានៅតាមមន្ទីរពេទ្យធំ ៗ បានចេញតវ៉ា ដែលជាផ្នែកមួយនៃកូដកម្ម Hartal Doktor Kontrak។

ការធ្វើកូដកម្មនេះ គឺដើម្បីទាមទារឲ្យមានផ្លូវអាជីពត្រឹមត្រូវ និងឲ្យគ្រូពេទ្យជាប់កិច្ចសន្យា ទទួលបានអត្ថប្រយោជន៍ដូចគ្នាទៅនឹងមន្រ្តីពេទ្យ ក្នុងមុខតំណែងអចិន្រ្តៃយ៍ដែរ។ លើសពីនេះ នៅមានការទាមទារផ្សេងៗទៀត។

នៅមន្ទីរពេទ្យក្រុងគួឡាឡាំពួរ ដែលជាមន្ទីរពេទ្យធំរបស់ទីក្រុង មានគ្រូពេទ្យប្រមាណ៥០ នាក់ បានដើរចេញពីអគារមន្ទីរពេទ្យ។

តំណាងគ្រូពេទ្យជាប់កិច្ចសន្យាលោក Muhammad បានជំរុញឲ្យប្រជាជនម៉ាឡេស៊ី គាំទ្រពួកគេ។ លោកនិយាយថា “ការធ្វើកូដកម្មរបស់យើង មិនមែននិយាយពីការតស៊ូទេ យើងគ្រាន់តែចង់ឲ្យរដ្ឋាភិបាលផ្តល់សិទ្ធិ និងគុណប្រយោជន៍ដល់យើង ដូចដែរវេជ្ជបណ្ឌិតអចិន្រ្តៃយ៍ទទួលបានប៉ុណ្ណោះ។ យើងទាំងអស់គ្នាបានជួយព្យាបាលអ្នកជំងឺកូវីដ។ មកដល់ពេលនេះ មន្ត្រីពេទ្យជាប់កិច្ចសន្យាចំនួន ១៥០ នាក់ បានឈប់ពីការងារហើយ ដោយសារពួកគេនឿយហត់នឹងប្រព័ន្ធនេះ”។

ក្រោមប្រព័ន្ធបច្ចុប្បន្ន គ្រូពេទ្យជាប់កិច្ចសន្យា ត្រូវប្រឈមនឹងភាពអត់ការងារធ្វើ បន្ទាប់ពីបញ្ចប់ការបណ្តុះបណ្តាលរយៈពេល ៥ ឆ្នាំ ដោយសាររដ្ឋាភិបាលមិនមានកញ្ចប់ថវិកាដើម្បីផ្តល់ជូនពួកគេ នូវមុខតំណែងអចិន្រ្តៃយ៍។

ចំណែកនៅឯមន្ទីរពេទ្យកូវីដបណ្តោះអាសន្ន ក្នុងមជ្ឈមណ្ឌល​សន្និបាត Malaysia Agro Exposition Park Serdang (MAEPS) ឯណោះវិញ ក្រុមគ្រូពេទ្យ បានធ្វើកូដកម្មចេញពីសាលរបស់ពួកគេរៀងៗខ្លួន។

រីឯនៅមន្ទីរពេទ្យ Tengku Ampuan Rahimah ក្នុងទីក្រុង Klang, ក្រុមគ្រូពេទ្យជាប់កិច្ចសន្យាចំនួន ៣០ នាក់ បានដើរចេញពីអគារនៅម៉ោងប្រហែល ១១:៥០ នាទីព្រឹក បន្ទាប់ពីពិភាក្សាគ្នា ថាតើត្រូវបន្តធ្វើកូដកម្មឬក៏យ៉ាងណា។

អ្នកនាំពាក្យរបស់ក្រុមនេះបាននិយាយថា ពួកគេរងសម្ពាធប្រឆាំងនឹងការធ្វើកូដកម្មនេះពីថ្នាក់លើ ប៉ុន្តែបានសម្រេចថា ពួកគេនឹងមិនថយក្រោយឡើយ។

គួរបញ្ជាក់ថា គិតត្រឹមថ្ងៃចន្ទទី២៦ខែកក្កដានេះ ប្រទេសម៉ាឡេស៊ី មានករណីឆ្លងជំងឺកូវីដ-១៩ សរុប ១,០១៣,៤៣៨ករណី ស្លាប់ ៧,៩៩៤នាក់ និងជាសះស្បើយ ៨៤៤,៥៤១នាក់៕

ប្រែសម្រួល៖ Vann Vann

ប្រភព៖ Free Malaysia Today

ចុចអាន៖ ម៉ាឡេស៊ី រកឃើញអ្នកឆ្លងកូវីដ ក្នុងកម្រិតបំបែកកំណត់ត្រា ៣ថ្ងៃជាប់គ្នា

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៥ នាទី មុន

សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ

ព័ត៌មានជាតិ២ ម៉ោង មុន

ឯកឧត្តម ហ៊ុន ម៉ានី៖ ការបោះឆ្នោតជូនគណបក្សប្រជាជនកម្ពុជា គឺជាការបោះឆ្នោតប្រកបដោយភាពជឿជាក់ និងការពារសុខសន្តិភាព

ព័ត៌មានជាតិ២ ម៉ោង មុន

តោះ! មក​ស្វែង​យល់ដំណាំ​កសិកម្ម​សំខាន់ៗ​របស់​កម្ពុជា ទ្រទ្រង់កំណើន​ការ​នាំ​ចេញ

សេដ្ឋកិច្ច៣ ម៉ោង មុន

មរតកបសេដ្ឋ៖ ប្រែក្លាយតំបន់ចងគោរបស់កសិករ ទៅជាកន្លែងកសិទេសចរណ៍​

ព័ត៌មានជាតិ៤ ម៉ោង មុន

កម្ពុជា ថ្កោលទោសចំពោះការវាយប្រហារភេរវកម្ម នៅសាលមហោស្រពនាទីក្រុងមូស្គូ ប្រទេសរុស្ស៊ី

Sokha Hotels

ព័ត៌មានពេញនិយម