ព័ត៌មានអន្ដរជាតិ

រកឃើញកំហុសអ្នកបើកពេលយន្តហោះ Air India Express ធ្លាក់សម្លាប់មនុស្ស២១នាក់ឆ្នាំមុន

បានផុស

៥ years មុន

នៅ

ថ្ងៃចន្ទ ១៣ កញ្ញា ២០២១

ដោយ

ប្រហែលជាកំហុសរបស់អ្នកបើក និងមិនបានគោរពតាមគោលការណ៍សុវត្ថិភាពបណ្តាលឲ្យធ្លាក់យន្តហោះ Air India Express សម្លាប់មនុស្ស២១នាក់កាលពីឆ្នាំមុនដែលបានក្លាយជាគ្រោះថ្នាក់ធ្លាក់យន្តហោះដ៏អាក្រក់បំផុតរបស់ប្រទេសឥណ្ឌាក្នុងមួយទសវត្សរ៍ចុងក្រោយ។ នេះបើអ្នកស៊ើបអង្កេតបាននិយាយនៅក្នុងរបាយការណ៍មួយកាលពីថ្ងៃសៅរ៍។

យន្តហោះ Boeing 737 ដែលដឹកជនជាតិឥណ្ឌាមាតុភូមិនិវត្តវិញពីការជាប់គាំងនៅទីក្រុង Dubai ដោយសារវិបត្តិកូវីដ-១៩ បានរត់ហួសផ្លូវ និងធ្លាក់នៅពេលកំពុងចុះចតនៅព្រលានយន្តហោះអន្តរជាតិ Calicut នៅភាគខាងត្បូងរដ្ឋ Kerala ចំពេលមានភ្លៀងធ្លាក់ខ្លាំងកាលពីថ្ងៃទី៨ ខែសីហា ឆ្នាំ២០២០។

របាយការណ៍មួយរបស់ការិយាល័យស៊ើបអង្កេតគ្រោះថ្នាក់យន្តហោះស្ថិតក្រោមក្រសួងអាកាសចរណ៍ស៊ីវិលបានស៊ើបអង្កេតពីគ្រោះថ្នាក់នេះបាននិយាយថា ៖«មូលហេតុនៃគ្រោះថ្នាក់នេះគឺប្រហែលជាបណ្តាលមកពីមិនគោរពតាមនីតិវិធីប្រតិបត្តិការស្តង់ដាររបស់អ្នកបើកបរ»។

ទីភ្នាក់ងារបាននិយាយនៅក្នុងរបាយការណ័ដែលមាន២៥៧ទំព័របានចុះផ្សាយបន្ទាប់ពីស៊ើបអង្កេតរយៈពេលមួយឆ្នាំថា អ្នកបើកបានបន្តវិធីសាស្ត្រគ្មានស្ថេរភាព និងចុះចតដោយនៅតំបន់ប៉ះទង្គិច ចុះចតផ្លូវកាត់ ជំនួសឲ្យការរត់ជុំវិញ។

ទីភ្នាក់ងារបាននិយាយថា ការរត់ជុំវិញគឺនីតិវិធីស្តង់ដារមួយដែលអ្នកបើកបានបោះបង់ចោលនៅពេលប៉ុនប៉ងចុះចត ដូច្នេះប្រការនេះចាត់ទុកថា គ្មានសុវត្ថិភាព។ ពេលនោះអ្នកត្រួតពិនិត្យលើការចុះចតបានស្នើឲ្យរត់ជុំវិញ ក៏ប៉ុន្តែអ្នកបើកបានបរាជ័យធ្វើតាម ហើយអ្នកត្រួតពិនិត្យក៏បរាជ័យក្នុងការគ្រប់គ្រង និងអនុវត្តតាមបទបញ្ជាដែរ។

មែនទែនទៅ យន្តហោះនេះបានបរាជ័យក្នុងការប៉ុនប៉ងចុះចតម្តងហើយមុនពេលវាហោះលើផ្លូវរត់ចម្ងាយ២៧០០ម៉ែត្រ៕