ឡាវ ក៏ផ្អាកពិធីបុណ្យអុំទូក បណ្ដែតប្រទីប ដូច កម្ពុជា ដែរ

អាជ្ញាធរនៅខេត្ត Luang Prabang ប្រទេសឡាវ បានផ្អាកការប្រារព្ធពិធីបុណ្យអុំទូក បណ្ដែតប្រទីបនៅឆ្នាំនេះ ចំពេលមានការបិទខ្ទប់ដោយសារជំងឺកូវីដ ១៩ ។

យោងតាមសេចក្តីជូនដំណឹងដែលចេញដោយអភិបាលខេត្ត Luang Prabang កាលពីថ្ងៃចន្ទ លោក Viengthong Hatsachanh បាននិយាយថា ការប្រារព្ធពិធីបុណ្យអុំទូកបណ្ដែតប្រទីបត្រូវបានលុបចោល ។

ទន្ទឹមនោះ អ្នកខេត្ត Luang Prabang នឹងមិនត្រូវបានអនុញ្ញាតឲ្យចាកចេញពីផ្ទះរបស់ពួកគេទៅប្រារព្ធពិធីបុណ្យ Loy Krathong (ពិធីបុណ្យដែលមានការបណ្តែតប្រទីប និងបួងសួងសុំសេចក្តីប្រាថ្នាណាមួយ)នៅតាមដងទន្លេ ឬបឹងឡើយ ។

ពិធីបុណ្យអុំទូកបណ្ដែតប្រទីប គឺជាព្រឹត្តិការណ៍ធំមួយដែលប្រព្រឹត្តទៅនៅទីក្រុងហ្លួ Luang Prabang ជារៀងរាល់ឆ្នាំ ខណៈការប្រារព្ធពិធីនេះមានចំនួន ៣ ថ្ងៃ ពោលពីថ្ងៃទី ៣១ ខែតុលា ដល់ថ្ងៃទី ២ ខែវិច្ឆិកា ហើយមានលក្ខណៈខុសប្លែកពីខេត្តដទៃទៀតនៅក្នុងប្រទេស ។

គួរបញ្ជាក់ថា ខេត្ត Luang Prabang បានបិទខ្ទប់ទាំងស្រុងកាលពីថ្ងៃទី ៧ ខែតុលា បន្ទាប់ពីការកើនឡើងនៃការរីករាលដាលនៃជំងឺកូវីដ ១៩ ៕

ប្រែសម្រួលដោយ ៖ ជីវ័ន្ត

ប្រភព ៖ Laotian Times

ចុចអាន ៖ សម្តេច​ក្រឡាហោម ប្រកាស​ផ្អាក​ពិធីបុណ្យ​អុំទូក​នៅ​ឆ្នាំនេះ