ព័ត៌មានអន្ដរជាតិ

ធ្លាក់យន្តហោះសម្លាប់តារាចម្រៀងប្រេស៊ីលម្នាក់ ទាំងអ្នកចាត់ការ និងជំនួយការ

បានផុស

៤ years មុន

នៅ

ថ្ងៃសៅរ៍ ៦ វិច្ឆិកា ២០២១

ដោយ

តារាចម្រៀងប្រេស៊ីល Marilia Mendonca និងអ្នកចាត់ការ ព្រមទាំងជំនួយការរបស់នាងបានស្លាប់កាលពីថ្ងៃសុក្រម្សិលមិញនេះដោយសារយន្តហោះតូចមួយដែលពួកគេជិះបានធ្លាក់នៅរដ្ឋ Minas Gerais។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការិយាល័យសារព័ត៌មានរបស់តារាចម្រៀង Mendonca បាននិយាយក្នុងសេចក្តីប្រកាសមួយថា ផលិតករឈ្មោះ Henrique Ribeiro, ជំនួយការឈ្មោះ Abicieli Silveira Dias Filho រួមទាំងអ្នកបើកពីរនាក់ក៏បានស្លាប់ក្នុងគ្រោះថ្នាក់ធ្លាក់យន្តហោះនេះដែរ។

នាង Marilia Mendonca ជាតារាចម្រៀងម្នាក់ដែលល្បីល្បាញខ្លាំងក្នុងបទចម្រៀងខោនទ្រី “sertanejo”ដែលបានឈ្នះពានរង្វាន់ Grammy ឡាទីនកាលពីឆ្នាំ២០១៩។ នាងបានបង្ហោះវីដេអូឡើងយន្តហោះកាលពីព្រឹកថ្ងៃសុក្រ។

យោងតាមវេបសាយ G1 បានឱ្យដឹងថា យន្តហោះបានចាកចេញពីទីក្រុង Goiania ភាគខាងលិចឆ្ពោះទៅ Caratinga ជាកន្លែងដែល Mendonca អាយុ២៦ឆ្នាំត្រូវច្រៀងក្នុងការប្រគុំតន្ត្រីដែលបានគ្រោងទុកនៅថ្ងៃសុក្រ។

មូលហេតុនៃការធ្លាក់នេះ កំពុងស្ថិតក្រោមការស៊ើបអង្កេតនៅឡើយ ប៉ុន្តែក្រុមហ៊ុន Cemig បាននិយាយក្នុងសេចក្តីប្រកាសមួយថា យន្តហោះបានបុកជាមួយខ្សែអគ្គិសនីដែលជាកម្មសិទ្ធិរបស់ក្រុមហ៊ុន មុនពេលបុកដី៕