ព័ត៌មានអន្ដរជាតិ
ពលរដ្ឋចិន ១ពាន់នាក់ ក្នុងទីក្រុងបិទខ្ទប់ ជួបរឿងរន្ធត់ទាំងកណ្តាលអធ្រាត្រ
ទីក្រុងបិទខ្ទប់មួយនៅក្នុងប្រទេសចិន បានបណ្តេញមនុស្ស១,០០០នាក់ចាកចេញពីផ្ទះរបស់ពួកគេទាំងពាក់កណ្តាលអធ្រាត្រ ហើយបានបញ្ជូនពួកគេទៅកាន់កន្លែងធ្វើចត្តាឡីស័កដ៏អាក្រក់។
អ្នកក្រុង Xian ១៣លាននាក់ត្រូវបានបង្ខាំងនៅក្នុងផ្ទះរបស់ពួកគេ ចាប់តាំងពីថ្ងៃទី២៣ខែធ្នូមក ហើយត្រូវបានហាមឃាត់មិនឲ្យចាកចេញសូម្បីតែទិញអាហារ និងការផ្គត់ផ្គង់ចាំបាច់ ពោលគឺស្បៀងអាហារត្រូវពឹងផ្អែកលើមន្ត្រីមូលដ្ឋាន។
មជ្ឈមណ្ឌលទេសចរណ៍ដ៏ពេញនិយមមួយនេះ បានរាយការណ៍ពីការឆ្លងកូវីដចំនួន១,៦០០ករណី ចាប់តាំងពីថ្ងៃទី៩ខែធ្នូមក ហើយថ្វីបើនេះហាក់ដូចជាតួលេខតិចតួចក៏ដោយ ប៉ុន្តែរដ្ឋាភិបាលទីក្រុងប៉េកាំង កំពុងអស់សង្ឃឹមក្នុងការកម្ចាត់មេរោគ មុនព្រឹត្តិការណ៍កីឡាអូឡាំពិករដូវរងាឈានចូលមកដល់នៅខែក្រោយ។
នៅក្នុងវិធានការដ៏គួរឲ្យភ្ញាក់ផ្អើលចុងក្រោយបំផុត រថយន្តក្រុងចំនួន៣០គ្រឿង បានតម្រៀបជួរនៅក្នុងសង្កាត់ Mingde 8 Yingli នៃទីក្រុង Xian កាលពីពាក់កណ្តាលអធ្រាត្រថ្ងៃទី១ខែមករា និងបញ្ជាឲ្យពលរដ្ឋទាំងអស់ត្រូវតែចាកចេញ ហើយដឹកទៅកន្លែងដាក់នៅដាច់ដោយឡែក។
រូបភាពដែលគេបង្ហោះចូលទៅក្នុងបណ្តាញទំនាក់ទំនងសង្គម Weibo របស់ចិន បានបង្ហាញឲ្យឃើញមន្ត្រីសុខាភិបាលនៅក្នុងឈុត PPE មួយក្រុម ឈរក្បែរក្បួនរថយន្តក្រុងដែលនៅខាងមុខរថយន្តប៉ូលិស។
អ្នកលេងអ៊ីនធើណិតម្នាក់បានអះអាងថា មានមនុស្សរហូតដល់ទៅ១,០០០នាក់ ត្រូវបានគេដឹកចេញ ខណៈអ្នកផ្សេងទៀតនិយាយថា មានរថយន្តក្រុងចំនួន៣០គ្រឿង ត្រូវបានគេប្រទះឃើញនៅជុំវិញប្លុករបស់ពួកគេ។
រូបភាពបន្ថែមទៀតដែលត្រូវបានបង្ហោះតាមអ៊ីនធើណិត បានបង្ហាញពីបន្ទប់ធ្វើចត្តាឡីស័កដ៏តូចចង្អៀត ដោយមានគ្រែតម្លៃថោកចំនួនពីរ និងតុតូចៗ។
អ្នកខ្លះទៀតអះអាងថា បន្ទប់ត្រជាក់ខ្លាំង ហើយមន្ត្រីមិនបានរៀបចំកន្លែងស្នាក់នៅឲ្យបានត្រឹមត្រូវសម្រាប់កុមារ និងមនុស្សចាស់នោះទេ។
វាជាឧប្បត្តិហេតុចុងក្រោយបង្អស់នៅក្នុងទីក្រុងបិទខ្ទប់ ដែលបង្កឲ្យមានកំហឹងតាមអ៊ីនធើណិត ចំពេលមានការអះអាងថា អ្នកក្រុងត្រូវបានទុកឲ្យអត់ឃ្លាននៅក្នុងផ្ទះរបស់ពួកគេ ដោយសារតែអាជ្ញាធរមិនបាននាំយកអាហារផ្តល់ឲ្យពួកគេ។
នៅក្នុងសន្និសីទសារព័ត៌មានកាលពីសប្តាហ៍មុន មន្ត្រីបានទទួលស្គាល់ថា “បុគ្គលិកតិច និងការលំបាកក្នុងការដឹកជញ្ជូន និងចែកចាយ បាននាំឲ្យមានបញ្ហាក្នុងការផ្តល់គ្រឿងផ្គត់ផ្គង់សំខាន់ៗដល់ប្រជាជន”៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ ទើបរកឃើញ Omicron លើកដំបូង ចិន ដាក់មនុស្សរាប់សែននាក់ធ្វើចត្តាឡីស័ក
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានជាតិ១១ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)