រដ្ឋមន្ត្រីម្នាក់ទៀតរបស់លោក Trump លាលែងពីតំណែង មុនថ្ងៃណូអែល

ប្រធានាធិបតី Donald Trump បានប្រកាសថា អគ្គមេធាវីអាមេរិកលោក William Barr នឹងលាលែងពីតំណែងមុនថ្ងៃបុណ្យណូអែល ។

អាណត្តិរបស់លោក Barr ជារដ្ឋមន្ត្រីក្រសួងយុត្តិធម៌ (DOJ) នឹងត្រូវបញ្ចប់នៅថ្ងៃទី ២០ ខែមករា នៅពេលដែលលោក Trump ចាកចេញពីតំណែង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកាសពីការចាកចេញពីតំណែងនេះកើតឡើងស្របពេលមានភាពតានតឹងរវាងអ្នកទាំងពីរ បន្ទាប់ពីលោក Barr បាននិយាយថាមិនមានភ័ស្តុតាងគ្រប់គ្រាន់នៃការលួចបន្លំសន្លឹកឆ្នោតនៅក្នុងការបោះឆ្នោតខែវិច្ឆិកា នោះទេ ។

គាត់ត្រូវបានរិះគន់ដោយលោក Trump ចំពោះការមិនបង្ហាញជាសាធារណៈថានាយកដ្ឋានយុត្តិធម៌កំពុងស៊ើបអង្កេតកូនប្រុសរបស់លោក Joe Biden ក្នុងអំឡុងពេលយុទ្ធនាការបោះឆ្នោត ។

ទន្ទឹមនោះលោក Trump បានសរសេរលើបណ្ដាញ Twitter អំពីលិខិតលាឈប់ពីតំណែងរបស់លោក Barr ដោយនិយាយថា “ទោះយ៉ាងណាទំនាក់ទំនងរបស់យើងគឺល្អណាស់គាត់បានបំពេញការងារដ៏ឆ្នើម” ។

បន្ថែមពីនេះលិខិតរបស់លោក Barr ទៅកាន់ប្រធានាធិបតីក៏បាននិយាយផងដែរថា “លោកកោតសរសើរចំពោះឱកាសក្នុងការធ្វើជារដ្ឋមន្ត្រីក្រសួងយុត្តិធម៌ (DOJ) លើការចោទប្រកាន់ការបន្លំសន្លឹកឆ្នោតរបស់អ្នកបោះឆ្នោតនៅក្នុងការបោះឆ្នោតនាពេលថ្មីៗនេះ និងតើការចោទប្រកាន់ទាំងនេះនឹងត្រូវបន្តតាមរបៀបណា” ។

លោកមិនបានផ្តល់ព័ត៌មានលម្អិតបន្ថែមអំពីការត្រួតពិនិត្យនេះនោះទេ ហើយបានកោតសរសើរសមិទ្ធិផលរបស់លោក Trump នៅក្នុងតំណែងមុនពេលបញ្ចប់លិខិតនោះដោយនិយាយថា លោកនឹងចាកចេញពីតំណែងរបស់លោកនៅថ្ងៃទី ២៣ ខែធ្នូ ។

គួរបញ្ជាក់ថា លោក Barr ដែលមានអាយុ ៧០ ឆ្នាំក៏ធ្លាប់បម្រើការជាអគ្គរដ្ឋអាជ្ញាក្រោមការដឹកនាំរបស់ប្រធានាធិបតី George Bush នៅដើមទសវត្សឆ្នាំ ១៩៩០ ហើយបានបម្រើការងារនេះម្ដងទៀតក្រោមការដឹកនាំរបស់លោក Donald Trump នៅឆ្នាំ ២០១៩ ៕

ប្រែសម្រួលដោយ ៖ ជីវ័ន្ត

ប្រភព ៖ BBC

ចុចអាន ៖ ដបវ៉ាក់សាំងកូវីដដែលចាក់ឲ្យមនុស្សដំបូងគេលើលោកនឹងយកទៅដាក់នៅសារមន្ទីរវិទ្យាសាស្រ្ត

ចុចអាន ៖ យុទ្ធនាការចាក់វ៉ាក់សាំងការពារកូវីដនៅអាមេរិកចាប់ផ្តើមហើយ