រដ្ឋមន្ត្រីការបរទេសរុស្ស៊ី ធ្វើទស្សនកិច្ច ចិន លើកដំបូង ចាប់តាំងពីសង្គ្រាមនៅអ៊ុយក្រែន​ ផ្ទុះឡើង (មានវីដេអូ)

រដ្ឋមន្ត្រីការបរទេសរុស្ស៊ីលោក Sergey Lavrov បានទៅដល់ប្រទេសចិន ក្នុងដំណើរទស្សនកិច្ចលើកដំបូងទៅកាន់សម្ព័ន្ធមិត្តដ៏សំខាន់មួយនេះ ចាប់តាំងពីទីក្រុងមូស្គូ បើកការវាយលុករបស់ខ្លួនលើប្រទេសអ៊ុយក្រែន កាលពីខែមុន។

ក្នុងការបង្ហោះលើគណនីបណ្តាញសង្គម Weibo, ស្ថានទូតរុស្ស៊ីនៅទីក្រុងប៉េកាំងបានបញ្ជាក់ថា យន្តហោះរបស់លោក Lavrov បានចុះចតនៅទីក្រុង Huangshan ភាគខាងកើត។ ស្ថានទូតបានបង្ហោះរូបថតរបស់គណៈប្រតិភូ ចុះពីលើយន្តហោះ និងទទួលដោយមន្ត្រីសុខាភិបាលដែលស្លៀកពាក់ឈុតបិទជិត។

លោក Lavrov នឹង​ចូលរួម​កិច្ចប្រជុំ​ជាច្រើន​ដែល​រៀបចំ​ដោយ​ប្រទេស​ចិន ដើម្បី​ពិភាក្សា​អំពី​វិធី​ជួយប្រទេស​អាហ្វហ្គានីស្ថាន។ ក្រុមអ្នកការទូតមកពីសហរដ្ឋអាមេរិក និងប្រទេសជិតខាងដែលដឹកនាំដោយក្រុមតាលីបង់ ក៏ត្រូវបានគេរំពឹងថានឹងចូលរួមផងដែរ។

ប៉ុន្តែ​ការ​វាយ​ប្រហារ​បង្ហូរឈាម​របស់​រុស្ស៊ី​នៅ​អ៊ុយក្រែន ក៏​ទំនង​ជាត្រូវបានលើកយកមកពិភាក្សាផងដែរ។

ទីក្រុងប៉េកាំងបាននិយាយថា រដ្ឋមន្ត្រីការបរទេសលោក Wang Yi នឹងជួបប្រជុំរួមគ្នាជាមួយតំណាងនានានៅក្នុងកិច្ចប្រជុំ ប៉ុន្តែគេមិនច្បាស់ទេថាតើលោកនឹងជួបទល់មុខជាមួយលោក Lavrov ដែរឬក៏អត់៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Al Jazeera

ចុចអាន៖ អាមេរិកនិយាយថា រុស្ស៊ីកំពុងផ្លាស់ប្តូរទីតាំងកងទ័ព មិនមែនដកចេញពីជុំវិញទីក្រុង កៀវ ទេ