ព័ត៌មានអន្ដរជាតិ

អាមេរិក ព្រមាន ឥណ្ឌា កុំឲ្យចូលខ្លួនជាមួយ រុស្ស៊ី (មានវីដេអូ)

បានផុស

៤ years មុន

នៅ

ថ្ងៃព្រហស្បតិ៍ ៧ មេសា ២០២២

ដោយ

ទីប្រឹក្សាសេដ្ឋកិច្ចកំពូលរបស់លោកប្រធានាធិបតី Joe Biden បាននិយាយថា សហរដ្ឋអាមេរិកបានព្រមានឥណ្ឌា ប្រឆាំងនឹងការចាប់ដៃគូជិតស្និទ្ធជាមួយរុស្ស៊ី បន្ទាប់ពីការលុកលុយអ៊ុយក្រែន។

This image has an empty alt attribute; its file name is Modi-and-Putin.webp

នាយកក្រុមប្រឹក្សាសេដ្ឋកិច្ចជាតិរបស់សេតវិមាន លោក Brian Deese បានប្រាប់អ្នកយកព័ត៌មានកាលពីថ្ងៃពុធទី០៦ខែមេសាថា “សាររបស់យើងទៅកាន់រដ្ឋាភិបាលឥណ្ឌាគឺថា ឥណ្ឌានឹងខាតបង់ ហើយមានផលវិបាកធំធេង និងយូរអង្វែង សម្រាប់ការដែលសម្របសម្រួលយុទ្ធសាស្ត្រកាន់តែច្បាស់លាស់ជាមួយរុស្ស៊ី”។

លោកបានបន្ថែមថា “យើងពិតជាខកចិត្ត ចំពោះការសម្រេចចិត្តរបស់ចិន និងឥណ្ឌា ក្នុងបរិបទនៃការវាយលុកនេះ”។

This image has an empty alt attribute; its file name is 1200x-1-1024x683.jpg — នាយកក្រុមប្រឹក្សាសេដ្ឋកិច្ចជាតិរបស់សេតវិមាន លោក Brian Deese

គួររម្លឹកឡើងវិញថា ឥណ្ឌាបានបដិសេធ ដាក់ទណ្ឌកម្មលើរុស្ស៊ី ខុសប្រទេសផ្សេងទៀត។

ឥណ្ឌា ដែលអាមេរិកមើលឃើញថាជាប្រទេសប្រឆាំងនឹងមហាអំណាចរបស់ចិននៅអាស៊ី គឺជាប្រទេសនាំចូលអាវុធរុស្ស៊ីធំបំផុត។

This image has an empty alt attribute; its file name is 530502c9-ea33-4e3a-a412-c110f72789e9_3d4f2179-1024x406.webp

ការព្រមាននេះកើតឡើង បន្ទាប់ពីទីប្រឹក្សាសន្តិសុខជាតិរងរបស់សហរដ្ឋអាមេរិកលោក Daleep Singh បានធ្វើទស្សនកិច្ចជាផ្លូវការទៅកាន់ប្រទេសឥណ្ឌា កាលពីសប្តាហ៍មុន។

អ្នកនាំពាក្យសេតវិមានលោកស្រី Jen Psaki បាននិយាយបន្ទាប់ពីលោក Singh ត្រឡប់មកវិញក្នុងសប្តាហ៍នេះថា “អ្វីដែលលោក Daleep បានបញ្ជាក់យ៉ាងច្បាស់ចំពោះសមភាគីរបស់គាត់ក្នុងអំឡុងពេលនៃដំណើរទស្សនកិច្ចនោះគឺថា ពួកយើងមិនជឿថា វាជាផលប្រយោជន៍របស់ឥណ្ឌាទេក្នុងការពន្លឿន ឬបង្កើនការនាំចូលថាមពលរុស្ស៊ី និងទំនិញផ្សេងទៀត”៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ BBC

ចុចអាន៖ អាមេរិកអះអាងថា រុស្ស៊ី ដកទ័ពចេញពីទីក្រុង Kyiv និង Chernihiv អស់ហើយ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត