ព័ត៌មានអន្ដរជាតិ

លោក Macron ត្រូវពលរដ្ឋបារាំងគប់ប៉េងប៉ោះដាក់ ក្រោយជាប់ឆ្នោតមិនបានប៉ុន្មានថ្ងៃ

បានផុស

៤ years មុន

នៅ

ថ្ងៃព្រហស្បតិ៍ ២៨ មេសា ២០២២

ដោយ

អ្នកនៅតំបន់ Cergy ជាយក្រុងប៉ារីសប្រទេសបារាំង បានគប់ប៉េងប៉ោះដាក់លោក Emmanuel Macron កាលពីថ្ងៃពុធទី២៧ខែមេសា បន្ទាប់ពីលោក Macron ជាប់ឆ្នោតជាប្រធានាធិបតីអាណត្តិទី២ មិនបានប៉ុន្មានថ្ងៃផង។

This image has an empty alt attribute; its file name is 59875a33cd0d3ece6e513385b38e6015c90f9aab.webp

ឧប្បត្តិហេតុនេះកើតឡើងនៅពេលដែលលោក Macron និងសន្តិសុខរបស់គាត់ ព្យាយាមដើរឆ្លងកាត់ហ្វូងមនុស្សនៅឯផ្សារលក់អាហារក្នុងស្រុកមួយ។

វីដេអូមួយដែលត្រូវបានផ្សព្វផ្សាយដោយទូរទស្សន៍ BFMTV បានបង្ហាញពីបន្លែជាច្រើននៅក្នុងថង់ពណ៌ខៀវ ហោះលើក្បាលរបស់ប្រធានាធិបតី។

This image has an empty alt attribute; its file name is AP22117411909601-1-1024x683.jpg

ស្របពេលមានអ្នកស្រែកថា “Projectile!”, ឆ្មាំរបស់លោក Macron បានយកដៃទៅបាំង ហើយបន្ទាប់មកយកឆ័ត្រពណ៌ខ្មៅទៅបាំង។ គាត់ត្រូវបានគេនាំទៅតូបលក់ទំនិញនៅជិតបំផុត ហើយប៉ុន្មាននាទីក្រោយមក ហ្វូងមនុស្សក៏ស្ងប់ស្ងាត់។

នៅក្នុងវីដេអូមួយទៀតពីផ្សារដូចគ្នានេះ បុរសម្នាក់បានឡើងលើតុមួយ ហើយព្យាយាមលោតទៅរកលោក Macron ពេលដែលប្រធានាធិបតីកំពុងលាក់ខ្លួននៅក្រោមឆ័ត្រ។

This image has an empty alt attribute; its file name is afp_32929fg-1651057928.jpg

យ៉ាងណាក្តី ក្រោយពេលកើតហេតុ លោក Macron បានបន្តដើរជុំវិញផ្សារ និងជជែកជាមួយអ្នកស្រុក។ គាត់បានប្រាប់អ្នកសារព័ត៌មានថា គាត់កំពុងធ្វើទស្សនកិច្ចនៅសង្កាត់សម្បូរអ្នកធ្វើការ ដែលជាផ្នែកនៃកិច្ចខិតខំប្រឹងប្រែងរបស់គាត់ ដើម្បីបំពេញតាមការសន្យាយុទ្ធនាការឃោសនាបោះឆ្នោត ក្នុងការបង្រួបបង្រួមប្រទេសបារាំង និងធ្វើជាប្រធានាធិបតីសម្រាប់ទាំងអស់គ្នា។

គួរបញ្ជាក់ថា នេះមិនមែនជាលើកទីមួយទេ ដែលប្រធានាធិបតីបារាំងរងការវាយប្រហារក្នុងពេលជួបជាមួយពលរដ្ឋ។ កាលពីរដូវក្តៅមុន លោកប្រធានាធិបតីត្រូវបានគេទះកំផ្លៀងក្នុងពេលធ្វើទស្សនកិច្ចនៅនាយកដ្ឋាន Drome។ ក្រោយមក អ្នកវាយប្រហារត្រូវបានកាត់ទោសឲ្យជាប់គុកបួនខែ។ ហើយក្នុងខែកញ្ញា មានមនុស្សម្នាក់បានគប់ស៊ុតដាក់លោក Macron នៅពេលដែលគាត់បានទៅដល់ទីក្រុង Lyon ដើម្បីទស្សនាការតាំងពិពណ៌ក្នុងស្រុក៕

សូមទស្សនាវីដេអូ៖