ព័ត៌មានអន្ដរជាតិ
លោក Min Aung Hlaing ប្រកាសដាក់ប្រទេស មីយ៉ាន់ម៉ា ក្នុងភាពអាសន្ន ៦ ខែទៀត
មេដឹកនាំយោធារបស់មីយ៉ាន់ម៉ាបានប្រកាសថានឹងបន្តដាក់ប្រទេសក្នុងស្ថានភាពអាសន្នក្នុងរយៈពេល ៦ ខែទៀត បន្ទាប់ពីក្រុមប្រឹក្សារដ្ឋបាលរដ្ឋដែលកំពុងកាន់អំណាច (SAC) បានប្រកាសដាក់ប្រទេសក្នុងគ្រាអាសន្នលើកដំបូង ក្រោយលោកឧត្តមសេនីយឯក Min Aung Hlaing បានឡើងកាន់អំណាចក្នុងរដ្ឋប្រហារកាលពីខែកុម្ភៈ ឆ្នាំ ២០២១ បន្ទាប់ពីទម្លាក់រដ្ឋាភិបាលដែលជាប់ឆ្នោតតាមបែបប្រជាធិបតេយ្យរបស់លោកស្រី អ៊ុងសាន ស៊ូជី ។
ប្រព័ន្ធផ្សព្វផ្សាយរដ្ឋបានរាយការណ៍កាលពីថ្ងៃចន្ទថា លោក Min Aung Hlaing នឹងបន្តដាក់ប្រទេសក្នុងស្ថានភាពអាសន្ន ៦ ខែទៀត បន្ទាប់ពីក្រុមប្រឹក្សាការពារជាតិ និងសន្តិសុខរបស់យោធាបានគាំទ្រជាឯកច្ឆ័ន្ទលើសំណើនេះ ។
លោក Min Aung Hlaing បាននិយាយប្រាប់កាសែតរដ្ឋ Global New Light ថា “នៅក្នុងប្រទេសរបស់យើង យើងត្រូវបន្តពង្រឹងប្រព័ន្ធប្រជាធិបតេយ្យពហុបក្សពិតប្រាកដ និងប្រកបដោយវិន័យតាមការចង់បានរបស់ប្រជាជន” ។
ការប្រកាសនេះធ្វើឡើងបន្ទាប់ពី SAC កាលពីខែមុនបានប្រកាសប្រហារជីវិតសកម្មជនប្រឆាំងរដ្ឋប្រហារចំនួន ៤ នាក់ រួមទាំងសម្ព័ន្ធមិត្តជិតស្និទ្ធរបស់ម្ចាស់រង្វាន់ណូបែលសន្តិភាពលោកស្រី អ៊ុងសាន ស៊ូជី ដោយទទួលបានការថ្កោលទោសពីក្រុមសិទ្ធិមនុស្ស និងបណ្តាប្រទេសនានា រួមមានសហរដ្ឋអាមេរិក ជប៉ុន និងសមាគមអាស៊ីអាគ្នេយ៍ជាដើម ។
រហូតមកដល់ពេលនេះប្រទេសមីយ៉ាន់ម៉ានៅតែស្ថិតក្នុងភាពវឹកវរ ចាប់តាំងពីរដ្ឋប្រហារ ដោយជម្លោះបានផ្ទុះឡើងនៅទូទាំងប្រទេស បន្ទាប់ពីមានការបង្រ្កាបដោយហិង្សារបស់សំណាក់អាជ្ញាធរលើការតវ៉ាដោយសន្តិវិធីនៅក្នុងទីក្រុងយ៉ាំងហ្គោន ។
គួរបញ្ជាក់ថា លោក Min Aung Hlaing បានធ្វើរដ្ឋប្រហារដោយចោទប្រកាន់ពីការក្លែងបន្លំសន្លឹកឆ្នោតក្នុងអំឡុងការបោះឆ្នោតសកលខែវិច្ឆិកា ឆ្នាំ ២០២០ ដែលគណបក្សរបស់លោកស្រី Aung San Suu Kyi ទទួលបានអាសនៈភាគច្រើន ៕
ប្រែសម្រួលដោយ ៖ ជីវ័ន្ត
ប្រភព ៖ Al Jazeera
ចុចអាន ៖ មីយ៉ាន់ម៉ា ចាប់ខ្លួនផលិតករ ជប៉ុន ក្បែរបាតុកម្មប្រឆាំងយោធា
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១០ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៨ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)