ព័ត៌មានអន្ដរជាតិ
លោក ស៊ី ជីនពីង បង្ហាញមុខជាសាធារណៈ បញ្ចប់ពាក្យចចាមអារ៉ាម រដ្ឋប្រហារ (មានវីដេអូ)
ប្រធានាធិបតីចិន លោក ស៊ី ជីនពីង បានលេចមុខតាមកញ្ចក់ទូរទស្សន៍រដ្ឋកាលពីថ្ងៃអង្គារទី២៧ ខែកញ្ញា បន្ទាប់ពីបាត់ខ្លួនជាសាធារណៈ ដែលបង្កឲ្យមានពាក្យចចាមអារ៉ាម អំពីជោគវាសនានយោបាយរបស់មេដឹកនាំវ័យ ៦៩ ឆ្នាំរូបនេះ។
លោក ស៊ី បានបង្ហាញខ្លួន អំឡុងពេលទៅទស្សនានៅសាលតាំងពិព័រណ៍ក្រុងប៉េកាំង ក្រោមប្រធានបទ “ឆ្ពោះទៅមុខ ក្នុងយុគសម័យថ្មី”។
អមដំណើរដោយនាយករដ្ឋមន្ត្រី Li Keqiang និងមេដឹកនាំកំពូលផ្សេងទៀត, លោក ស៊ី ដែលក៏ជាប្រធានបក្សកុម្មុយនិស្តកំពុងកាន់អំណាច និងជាប្រមុខកងទ័ពរំដោះប្រជាជនផងដែរនោះ បានទស្សនាការតាំងបង្ហាញខ្លះៗ និងអត្ថាធិប្បាយអំពីវឌ្ឍនភាពសេដ្ឋកិច្ចរបស់ប្រទេសចិន ក្នុងរយៈពេលមួយទសវត្សរ៍កន្លងមកនេះ។
ដំណើរទស្សនកិច្ចនេះ គឺជាការបង្ហាញខ្លួនលើកដំបូងរបស់លោក ស៊ី តាមកញ្ចក់ទូរទស្សន៍ចាប់តាំងពីលោកវិលត្រលប់មកពីកិច្ចប្រជុំកំពូលថ្នាក់តំបន់ ក្នុងប្រទេសអ៊ូសបេគីស្ថានកាលពីចុងសប្តាហ៍មុន។
ក្រោមបទប្បញ្ញត្តិនៃជំងឺរាតត្បាតរបស់ចិន លោក ស៊ី នឹងត្រូវធ្វើចត្តាឡីស័ក រយៈពេលមួយសប្តាហ៍បន្ទាប់ពីវិលត្រលប់មកវិញ។
មិនមែនជារឿងចម្លែកទេសម្រាប់មេដឹកនាំចិន ដែលមិនបង្ហាញខ្លួនច្រើនថ្ងៃ ឬច្រើនសប្តាហ៍ ប៉ុន្តែ ពេលវេលានៃអវត្តមានរបស់លោក ស៊ី ប៉ុន្មានសប្តាហ៍មុនការកោះប្រជុំសមាជគណបក្សសំខាន់ៗដែលធ្វើឡើងរៀងរាល់ ៥ឆ្នាំម្តង បានបង្កឲ្យមានពាក្យចចាមអារ៉ាមយ៉ាងច្រើន អំពីការធ្វើរដ្ឋប្រហារ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ CNA
ចុចអាន៖ លោក ស៊ី ជីនពីង ប្រាប់ឲ្យកងទ័ពចិន ផ្តោតលើការត្រៀមខ្លួនធ្វើសង្គ្រាម
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង