ព័ត៌មានអន្ដរជាតិ
អាល្លឺម៉ង់ ខ្ចីដៃ អ៊ុយក្រែន ធ្វើសង្គ្រាមជាមួយ រុស្ស៊ី
ឯកអគ្គរដ្ឋទូតរុស្ស៊ីប្រចាំនៅទីក្រុងប៊ែរឡាំងលោក Sergey Nechaev បានអះអាងថា ប្រទេសអាល្លឺម៉ង់កំពុងធ្វើអ្វីគ្រប់យ៉ាងដើម្បីបញ្ចៀសការប៉ះទង្គិចគ្នាដោយផ្ទាល់ជាមួយរុស្ស៊ី ហើយបានខ្ចីដៃអ៊ុយក្រែនធ្វើសង្គ្រាមប្រូកស៊ីដើម្បីបំផ្លាញយុទ្ធសាស្ត្ររបស់ទីក្រុងមូស្គូ ។
ក្នុងអំឡុងពេលបទសម្ភាសន៍ជាមួយកាសែត Izvestia, លោក Nechaev បាននិយាយថា អាល្លឺម៉ង់នឹងផ្តល់យន្តហោះចម្បាំងដល់រដ្ឋាភិបាលទីក្រុងកៀវ ហើយក៏កំពុងផ្គត់ផ្គង់ជំនួយបែបនេះឥតឈប់ឈរផងដែរ បើទោះបីជាអធិការបតីលោក Olaf Scholz បាននិយាយម្តងហើយម្តងទៀតក្នុងប៉ុន្មានខែថ្មីៗនេះថា មិនមានគម្រោងធ្វើដូច្នេះក៏ដោយ ។
អ្នកការទូតរូបនេះបញ្ជាក់ទៀតថា រដ្ឋាភិបាលអាល្លឺម៉ង់បានឆ្លងកាត់ ‘បន្ទាត់ក្រហម’ ជាយូរយារណាស់មកហើយ ដើម្បីបំផ្លាញយុទ្ធសាស្ត្ររបស់រុស្ស៊ី ជាពិសេសគឺការផ្ដល់រថក្រោះប្រយុទ្ធធុនធ្ងន់ កាំភ្លើងយន្ត ជើងទម្របាញ់រ៉ុកកែត និងកាំភ្លើងការពារដែនអាកាសជាដើម ។
រដ្ឋាភិបាលអាល្លឺម៉ង់ស្ថិតក្នុងចំណោមអ្នកគាំទ្រធំបំផុតរបស់អ៊ុយក្រែនក្នុងសហភាពអឺរ៉ុប អំឡុងពេលមានជម្លោះជាមួយរុស្ស៊ី ដោយកងកម្លាំងប្រដាប់អាវុធរបស់ប្រទេសនេះ បានចំណាយប្រាក់ចំនួន ២.២ ពាន់លានដុល្លារលើជំនួយយោធាដល់ទីក្រុងកៀវកាលពីឆ្នាំមុន ហើយក៏នឹងផ្ដល់ប្រាក់បន្ថែមចំនួន ២.៤ ពាន់លានដុល្លារទៀតនៅឆ្នាំ ២០២៣ ខណៈនៅឆ្នាំនេះ រដ្ឋាភិបាលទីក្រុងប៊ែរឡាំងបានសន្យារួចហើយថា នឹងផ្គត់ផ្គង់រថក្រោះប្រយុទ្ធខ្លារខិន Leopard 2 ចំនួន ១៨ គ្រឿង និងរថពាសដែកធុន Marder ចំនួន ៤០ គ្រឿងដល់ទីក្រុងកៀវ ។
ពាក់ព័ន្ធនឹងបញ្ហានេះដែរ រុស្ស៊ីបានបដិសេធជាយូរមកហើយនូវការផ្គត់ផ្គង់សព្វាវុធទៅឲ្យអ៊ុយក្រែន ពីសំណាក់សហរដ្ឋអាមេរិក ចក្រភពអង់គ្លេស អាល្លឺម៉ង់ និងប្រទេសសហភាពអឺរ៉ុបផ្សេងទៀត ដោយអះអាងថា ទង្វើបែបនេះគឺដើម្បីពន្យារការប្រយុទ្ធ ជាពិសេសនឹងធ្វើឲ្យបណ្ដាប្រទេសលោកខាងលិចទាំងនេះក្លាយជាភាគីជម្លោះជាមួយរុស្ស៊ី ៕
ប្រែសម្រួលដោយ ៖ ជីវ័ន្ត
ប្រភព ៖ RT
ចុចអាន ៖ មេទាហានស៊ីឈ្នួល រុស្ស៊ី ប្រកាសគ្រប់គ្រងទីក្រុង Bakhmut បាន ៨០ ភាគរយ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង