ព័ត៌មានអន្ដរជាតិ
យោធាមីយ៉ាន់ម៉ាបានគ្រប់គ្រងគណនីធនាគារមូលនិធិ OSF របស់មហាសេដ្ឋី Soros
យោធាបានកាន់កាប់គណនីធនាគាររបស់មូលនិធិសង្គមបើកចំហរ(OSF)របស់មហាសេដ្ឋី George Soros នៅក្នុងប្រទេសមីយ៉ាន់ម៉ា និងបានប្រកាសថា ខ្លួននឹងចាត់វិធានការផ្លូវច្បាប់ប្រឆាំងមូលនិធិនេះ ដែលត្រូវបានចោទប្រកាន់ពីបទរំលោភការរឹតត្បិតលើសកម្មភាពអង្គការ។
កាលពីថ្ងៃចន្ទ ទូរទស្សន៍ MRTV ដែលគ្រប់គ្រងដោយរដ្ឋបានផ្សាយថា យោធាបានចេញដីការចាប់ខ្លួនបុគ្គលិកអង្គការ OSF នៅមីយ៉ាន់ម៉ា១១នាក់ក្នុងនោះមានប្រធាន អនុប្រធាន ដែលសង្ស័យពីបទឧបត្ថម្ភផ្នែកហិរញ្ញវត្ថុដល់ចលនាស៊ីវិលដែលប្រឆាំងរបបយោធា។
របបយោធាក៏បានអះអាងដែរថា អង្គការឯកជនធំបំផុតក្នុងពិភពលោកដែលស្ថិតក្រោមយុត្តិធម៌ ប្រជាធិបតេយ្យ អភិបាលកិច្ច និងសិទ្ធិមនុស្សមិនបានទទួលការអនុម័តពីនាយកដ្ឋានគ្រប់គ្រងការប្តូររូបិយប័ណ្ណបរទេសរបស់ធនាគារកណ្តាលមីយ៉ាន់ម៉ា (CBM) ដើម្បីដាក់ប្រាក់ចំនួន៥លានដុល្លារអាមេរិកនៅធនាគារអភិវឌ្ឍហសគ្រាសធុនតូច និងមធ្យម (SMED) នៅក្នុងប្រទេសមីយ៉ាន់ម៉ាកាលពីឆ្នាំ២០១៨ឡើយ។
អង្គការក៏បានចោទប្រកាន់ពីការដកប្រាក់ខុសច្បាប់ចំនួន១.៤លានដុល្លារអាមេរិកពីគណនីរបស់ខ្លួននៅ SMED មួយសប្តាហ៍ បន្ទាប់ពីយោធាបានកាន់កាប់ប្រទេសមីយ៉ាន់ម៉ា ខណៈចលនាប្រឆាំងស៊ីវិលបានកំពុងកើនឡើងក្នុងចំណោមមន្ត្រីរាជការទូទាំងប្រទេស។
យោងតាមការផ្សាយរបស់ MRTV ថា យោធាមីយ៉ាន់ម៉ាក៏បានកាន់កាប់ទ្រព្យសម្បត្តិសរុប ៣.៨១លានដុល្លារអាមេរិក និងគណនីធនាគារ OSF ជាប្រាក់ kyats ចំនួន៣៧៥លាន kyats នៅធនាគារឯកជនចំនួន៤ទៀតមានធនាគារ Kanbawza Bank (KBZ), Ayeyarwady Bank (AYA), SMED និង Co-operative Bank (CB)។
យោធាបាននិយាយថា ខ្លួនបានចាប់ផ្តើមគ្រប់គ្រងរាល់លំហូរលុយខុសច្បាប់ចូលទៅមូលនិធិ OSF ដោយនិយាយថា មូលនិធិ បានរំលោភលើច្បាប់ដែលកំណត់គោលការណ៍ និងបទបញ្ញត្តិសម្រាប់អង្គការនានានៅក្នុងប្រទេស។
យោធាថា ខ្លួននឹងចាត់វិធានការផ្លូវច្បាប់ប្រឆាំងនឹងធនាគារ SMED ដែលបានអនុញ្ញាតឲ្យមូលនិធិ OSF ដាក់ប្រាក់៥លានដុល្លារអាមេរិក និងការដកប្រាក់១.៤លានដុល្លារអាមេរិកដោយគ្មានការយល់ព្រមពីធនាគារកណ្តាលមីយ៉ាន់ម៉ា។
នៅថ្ងៃទី១២ ខែមីនា ធនាគារ CBM បានជូនដំណឹងដល់អង្គការក្រៅរដ្ឋាភិបាលអន្តរជាតិ (INGOs) និងអង្គការមិនមែនរដ្ឋាភិបាល (NGOs) ទាំងអស់ថា ពួកគេតម្រូវឲ្យដាក់របាយការណ៍ស្តីពីប្រតិបត្តិការហិរញ្ញវត្ថុទាំងអស់ពាក់ព័ន្ធនឹងអង្គការអន្តរជាតិ ឬឯកជនមកពីក្រៅប្រទេស ជាមួយនឹងព័ត៌មានគណនីធនាគារពាក់ព័ន្ធ។
បទបញ្ជានេះបង្ហាញថា របបយោធាមានបំណងធ្វើការស៊ើបអង្កេតប្រតិបត្តិការហិរញ្ញវត្ថុរបស់អង្គការចាប់តាំងពីគណបក្សសម្ព័ន្ធជាតិដើម្បីប្រជាធិបតេយ្យ (NLD) បានកាន់អំណាចកាលពីឆ្នាំ២០១៦។
យោធាបាននិយាយថា ការបើកការិយាល័យអង្គការ OSF នៅមីយ៉ាន់ម៉ាបានកើតឡើងប្រហែលជា បន្ទាប់ពីលោកមហាសេដ្ឋី George Soros បានជួបលោកស្រីទីប្រឹក្សារដ្ឋមីយ៉ាន់ម៉ាដែលត្រូវបានបណ្តេញចេញ អ៊ុងសាន ស៊ូជី ចំនួន៤ដងចន្លោះឆ្នាំ២០១៤ ដល់ ២០១៧។ អនុប្រធានមូលនិធិ OSF លោក Alexander Soros បានជួបលោកស្រី អ៊ុងសាន ស៊ូជី ចំនួន៦ដងចន្លោះឆ្នាំ២០១៧ ដល់ ២០២០។
ក្រុមដែលមានសម្ព័ន្ធភាពយោធារួមមានគណបក្សសាមគ្គីភាព និងការអភិវឌ្ឍបានចោទលោក Soros ពីការកេងចំណេញផ្នែកនយោបាយនៅប្រទេសមីយ៉ាន់ម៉ាដើម្បីគាំទ្រអង្គការសង្គមស៊ីវិលនៅក្នុងប្រទេស។
មូលនិធិ OSF បានកំពុងឧបត្ថម្ភគាំទ្រដល់ការផ្លាស់ប្តូរលទ្ធិប្រជាធិបតេយ្យ និងលើកកម្ពស់សិទ្ធិមនុស្សរបស់ប្រទេសមីយ៉ាន់ម៉ា រាប់បញ្ចូលទាំងក្រុមមនុស្សដែលត្រូវបានគេបោះបង់ចោលតាំងពីឆ្នាំ១៩៩៤។ មូលនិធិបាននិយាយថា ខ្លួនបានផ្តល់មូលនិធិជាង១០០ក្នុងមួយៗឆ្នាំដែលភាគច្រើនផ្តល់ទៅអង្គការសង្គមស៊ីវិលតាមមូលដ្ឋានរួមមាន ការនិរទេស ប្រព័ន្ធផ្សព្វផ្សាយភាគតិច និងអង្គការអប់រំជាដើម។
ចាប់តាំងពីរដ្ឋប្រហារមក របបយោធាបានចាប់ផ្តើមស៊ើបអង្កេតពីហិរញ្ញវត្ថិរបស់មូលនិធិ Daw Khin Kyi Foundation ដែលជាអង្គការសប្បុរសធម៌ឧបត្ថម្ភដោយលោកស្រី អ៊ុងសាន ស៊ូជី។ ចំណាត់ការបែបនេះត្រូវបានគេជឿថា ជាលេសដើម្បីចោទប្រកាន់បន្ថែមទៀតលើមេដឹកនាំប្រទេស៕
ប្រែសម្រួល៖ វីរបុត្រ
ប្រភព៖ Irrawaddy
ជោគជ័យលើសពីការរំពឹងទុក! OPPO Reno14 Series 5G First Sale Event មានមនុស្សចូលរួមច្រើនធ្វើឲ្យកក្រើកពេញផ្សារ AEON MALL តែម្តង
អភិបាលខេត្តក្រចេះ ៖ ការចូលរួមបរិច្ចាគធនធានពីពលរដ្ឋគ្រប់ទិសទី ជាថាមពលផ្តល់កម្លាំងចិត្តកងទ័ព
រដ្ឋមន្ត្រីកសិកម្ម ណែនាំឱ្យកសិករភ្នំគូលែន សិក្សាលទ្ធភាពចិញ្ចឹមមាន់ស្រែ និងជ្រូក ដែលកំពុងមានតម្រូវការ
អភិបាលខេត្តប៉ៃលិន អំពាវនាវដល់ព្រះសង្ឃ និងមន្ត្រីរាជការចូលរួមថែរក្សា និងលើកកម្ពស់វប្បធម៌ក៏ដូចជាវិស័យព្រះពុទ្ធសាសនា ដែលជាដួងព្រលឹងជាតិ
ជនកំសាកថៃ អួតខ្លួនថា វាយទាហានកម្ពុជាដើម្បីការពារទឹកដី, ចុះរត់ធ្វើអីបើក្នុងដីខ្លួនមែន?
ព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
គួរឲ្យសរសើរអាយុ ៤៦ឆ្នាំ Pacquiao ស្មើម្ចាស់ខ្សែក្រវាត់ Barrios ក្រោយប្រកួត១២ទឹកពេញ
សោកនាដកម្មលិចទូកទេសចរណ៍នៅវៀតណាម រកឃើញមនុស្សស្លាប់ ដល់ ៣៤នាក់
ជនកំសាកថៃ អួតខ្លួនថា វាយទាហានកម្ពុជាដើម្បីការពារទឹកដី, ចុះរត់ធ្វើអីបើក្នុងដីខ្លួនមែន?
ថៃ អះអាងរកឃើញមីនថ្មីរាប់រយគ្រាប់ក្នុងដីខ្លួន, តើនរណាចូលទៅដាក់ ឬថៃដាក់ខ្លួនឯងរួចចោទកម្ពុជា?
-
ព័ត៌មានជាតិ១ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៥ ថ្ងៃ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ៧ ថ្ងៃ agoថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានអន្ដរជាតិ១១ ម៉ោង agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានជាតិ៧ ថ្ងៃ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ៥ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានអន្ដរជាតិ៧ ថ្ងៃ ago«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ
-
សន្តិសុខសង្គម១ ថ្ងៃ agoជនមិនស្គាល់មុខ លីបារី ១០៥ សុង ឆ្លងកាត់ច្រកអន្តរជាតិភ្នំដី ត្រូវកម្លាំងគយចាប់បាន