Connect with us

ព័ត៌មានអន្ដរជាតិ

គួរឲ្យបារម្ភ! វីរុសកូវីដ ១៩ បំប្លែងខ្លួនថ្មីនឹងបន្តគំរាមកំហែងឥតឈប់ឈរ

បានផុស

នៅ

លោក Mark McClellan អតីតស្នងការរដ្ឋបាលចំណីអាហារ និងឪសថអាមេរិក (FDA) បាននិយាយកាលពីថ្ងៃព្រហស្បតិ៍ថា ការលេចចេញនៃវីរុសកូវីដ១៩​ បំប្លែងខ្លួនថ្មីនឹងនៅតែជាការគំរាមកំហែងឥតឈប់ឈរសម្រាប់ឆ្នាំខាងមុខ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបាននិយាយថា ទោះបីជាការកើនឡើងអត្រាចាក់វ៉ាក់សាំងនៅក្នុងសហរដ្ឋអាមេរិក និងកន្លែងផ្សេងទៀតបានកើតឡើងស្របពេលជាមួយនឹងការថយចុះចំនួនអ្នកឆ្លងវីរុសក៏ដោយក៏វានៅតែមិនច្បាស់ថាតើការចាក់ និងការព្យាបាលមានប្រសិទ្ធិភាពយ៉ាងដូចម្តេច ហើយវានឹងប្រឆាំងមេរោគថ្មីនេះឬក៏យ៉ាងណានោះទេ ។

យោងតាមមជ្ឈមណ្ឌលទប់ស្កាត់ និងបង្ការជំងឺឆ្លង (CDC) បានឲ្យដឹងថា ជាឧទាហរណ៍នៅសហរដ្ឋអាមេរិកបានបញ្ជាក់ពីករណីឆ្លងវីរុសប្រភេទ B.1.1.7 ដែលត្រូវបានគេស្គាល់ថាជា “វ៉ារ្យ៉ង់ចក្រភពអង់គ្លេស” និងត្រូវបានរកឃើញដំបូងនៅទីក្រុង Kent កាលពីខែកញ្ញា មានតិចជាង ៥,០០០ ករណី ។

លោក Mark McClellan

ទោះយ៉ាងណាលោក McClellan បាននិយាយថា វាទំនងជាមានមនុស្សឆ្លងវ៉ារ្យង់នេះច្រើនទៀត ខណៈ CDC បានព្យាករណ៍កាលពីខែមករាថា វានឹងក្លាយជាវ៉ារ្យង់មានឥទ្ធិពលបំផុតនៅសហរដ្ឋអាមេរិកនៅចុងខែនេះ ។

លោក McClellan បាននិយាយថា នេះគឺមានសារៈសំខាន់ ហើយការស្រាវជ្រាវថ្មីៗនេះបានបង្ហាញថា វ៉ារ្យង់ថ្មីនេះគឺងាយឆ្លង និងមានគ្រោះថ្នាក់ដល់អាយុជីវិតរហូតទៅ ១០០ ភាគរយខ្លាំងជាងជំងឺកូវីដ ១៩ ប្រភេទដើម ។

ទន្ទឹមនោះកាលពីថ្ងៃពុធ CDC បានប្រកាសពីការឆ្លងថ្មីនៃវីរុសកូវីដ ១៩ បំប្លែងខ្លួនប្រភេទថ្មីចំនួនពីរដែលត្រូវបានកំណត់ដំបូងនៅក្នុងរដ្ឋកាលីហ្វ័រញ៉ាគឺប្រភេទ B.1.427 និង B.1.429 ជាវ៉ារ្យង់គួរឲ្យព្រួយបារម្ភ ។

ការលេចចេញនូវវ៉ារ្យ៉ង់ទាំងនេះអាចមានន័យថាក្នុងប៉ុន្មានឆ្នាំខាងមុខមនុស្សត្រូវចាក់វ៉ាក់សាំងជាប្រចាំប្រឆាំងនឹងជំងឺកូវីដ ១៩ ដូចគ្នាទៅនឹងការចាក់ថ្នាំបង្ការរោគប្រចាំឆ្នាំផ្សេងទៀតដែរ ហើយវាក៏ជាការចាំបាច់ដើម្បីការពារការផ្ទុះឡើងវ៉ារ្យង់ថ្មី ៕

ប្រែសម្រួលដោយ ៖ ជីវ័ន្ត

ប្រភព ៖ UPI

ចុចអាន ៖ វីរុសបំប្លែងខ្លួនកំពុងរាលដាលនៅកម្ពុជា អាចសម្លាប់មនុស្សសាហាវជាងកូវីដដល់ទៅទ្វេដងឯណោះ

ចុចអាន ៖ វ៉ាក់សាំងសាកលវិទ្យាល័យ Oxford មានប្រសិទ្ធភាពប្រឆាំងវីរុសប្រេស៊ីល លើសការរំពឹងទុក

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម