ព័ត៌មានអន្ដរជាតិ

ការសិក្សា ៖ អ្នកជំងឺកូវីដធ្ងន់ធ្ងរភាគច្រើនដែលកំពុងសម្រាកព្យាបាលនៅមន្ទីរពេទ្យ ប្រឈមហានិភ័យស្លាប់ខ្ពស់

បានផុស

៤ years មុន

នៅ

ថ្ងៃអង្គារ ៦ មេសា ២០២១

ដោយ

តាមការសិក្សាចេញផ្សាយដោយ PLOS ONE បានបញ្ជាក់ថា អ្នកជំងឺប្រហែល ២៣ ភាគរយ ដែលសម្រាកព្យាបាលនៅមន្ទីរពេទ្យដោយសារជំងឺកូវីដ គឺមានសភាពធ្ងន់ធ្ងរបំផុត ខណៈម្នាក់ក្នុងចំណោម ៤ នាក់អាចប្រឈមការស្លាប់ខ្ពស់ ព្រោះតែផលវិបាករបស់វា ។

ទិន្នន័យបានបន្ថែមថា ៦០ ភាគរយទៀតមានរោគសញ្ញា “ធម្មតា” ប៉ុន្តែនៅតែមានផលវិបាកធ្ងន់ធ្ងរនៃបេះដូងនិងសួត ដែលមានហានិភ័យ ១០ ភាគរយនៃការស្លាប់។

អ្នកស្រាវជ្រាវបាននិយាយថា ជារួមអ្នកជំងឺកូវីដទាំង២ប្រភេទនេះត្រូវសម្រាកព្យាបាលនៅមន្ទីរពេទ្យច្រើនជាង ៧ ដង ហើយជិត ៣ ដងប្រឈមនឹងការស្លាប់ នេះបើប្រៀបធៀបទៅនឹង ១៧% នៃអ្នកជំងឺដែលមានរោគសញ្ញាស្រាល។

ផ្អែកលើការវិភាគនៃទិន្នន័យសុខភាពរបស់អ្នកជំងឺជាង ៧,៥០០ នាក់ ដែលមានជំងឺកូវីដមកពីមន្ទីរពេទ្យចំនួន ១៤ នៅភាគពាយព្យនៃសហរដ្ឋអាមេរិកនិងគ្លីនិកបឋមចំនួន ៦០ នៅមីនីសូតា និងបានធ្វើរោគវិនិច្ឆ័យនៅចន្លោះថ្ងៃទី ៧ ខែមីនា ដល់ថ្ងៃទី ២៥ ខែ សីហា នៃឆ្នាំមុន មានតែជាង ១ពាន់នាក់ប៉ុណ្ណោះ ដែលសម្រាកក្នុងមន្ទីរពេទ្យ។

ការរកឃើញបានបង្ហាញថា ក្រុមនេះមានការកើនឡើងហានិភ័យ ៣ ដងនៃផលវិបាកសួតនិងកើនឡើង ៧ ដងនៃតម្រងនោមឬមានស្ថានភាពសុខភាពរ៉ាំរ៉ៃរួមទាំងជំងឺបេះដូង ហើយ ២២% នៃអ្នកជំងឺបានស្លាប់ បើប្រៀបធៀបនឹងអ្នកដែលមានជំងឺស្រាល។

ភាគច្រើននៃអ្នកជំងឺសម្រាកនៅមន្ទីរពេទ្យប្រមាណ ៦០% ក្រុមទី ២ ការវិវឌ្ឍន៍ជំងឺ “ ធម្មតា ” ។ ចំណែកនៅសល់ចំនួន ១៧% មានក្រុមទី ៣ ត្រូវបានគេហៅថាប្រភេទ“ អំណោយផល” មានអត្រាធូរស្បើយខ្ពស់បំផុត។

ក្រុមអ្នកស្រាវជ្រាវមកពីសាកលវិទ្យាល័យវេជ្ជសាស្ត្រមីនីសូតាបានបញ្ជាក់ថា ” តាមរយៈការកំណត់ក្រុមដែលរងផលប៉ះពាល់ប្រហាក់ប្រហែលគ្នា វាមិនត្រឹមតែអាចជួយកំណត់អត្តសញ្ញាណកត្តាហានិភ័យប៉ុណ្ណោះទេ ប៉ុន្តែអាចជួយឲ្យយើងកំណត់គោលដៅអន្តរាគមន៍ទាន់ពេល ចំពោះអ្នកជំងឺដែលមានហានិភ័យខ្ពស់បំផុត” ៕

ប្រែសម្រួល៖ សាង ស្រីល័ក្ខ

ប្រភព៖UPI

ចុចអាន៖តើភាពស៊ាំវ៉ាក់សាំងការពារកូវីដ -១៩ នៅយូរបានកម្រិតណា?

ចុុចអាន៖វ៉ាក់សាំងអាចមានប្រសិទ្ធភាពតិច បើចាក់ឲ្យអ្នកកំពុងឆ្លងកូវីដ ហើយគ្រូពេទ្យណែនាំប្រើពេលនេះវិញ

Related Topics:សហរដ្ឋអាមេរិក