សុខភាព

ក្រៅពីក្អក ឈឺក ក្ដៅខ្លួន អាការៈសាមញ្ញៗទាំងនេះ ក៏ជារោគសញ្ញាកូវីដ-១៩

បានផុស

៥ years មុន

នៅ

ថ្ងៃសៅរ៍ ១៧ មេសា ២០២១

ដោយ

Sonya

តាមការណែនាំពីក្រសួងសុខាភិបាល ក៏ដូចជាអង្គការពិភពលោក (WHO) យើងគ្រប់គ្នាគួរតាមដានសុខភាព ចំណាំមើលអាការៈក្អក ឈឺក ក្ដៅខ្លួន ពិបាកដកដង្ហើម និងអាការៈស្រដៀងជំងឺផ្ដាសាយផ្សេងទៀត ព្រោះវាជារោគសញ្ញាដំបូងនៃការឆ្លងជំងឺកូវីដ-១៩។ យោងតាមការបញ្ជាក់ពីអង្គការសុខភាពពិភពលោក ក្រៅពីអាការៈអស់នោះ មានអាការៈមួយចំនួនទៀតដែលយើងមិនសូវចាប់អារម្មណ៍ តែអាចជាសញ្ញាជំងឺកូវីដ-១៩ ដែរ។

Premium Photo | Women wear face mask sneezing and coughing

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រោគសញ្ញាផ្សេងទៀតដែលមិនសូវកើតមានហើយអាចប៉ះពាល់ដល់អ្នកជំងឺមួយចំនួនរួមមាន៖

– បាត់បង់ក្លិន រសជាតិ
– តឹងច្រមុះ
– ភ្នែកឡើងក្រហម
– ឈឺក្បាល
– ឈឺសាច់ដុំ ឬសន្លាក់
– ឡើងកន្ទួលលើស្បែក
– រាករូស
– ព្រឺរងា ឬវិលមុខ។ល។

Premium Photo | Young asian woman coughing while wearing n95 mask

រោគសញ្ញានៃជំងឺកូវីដ-១៩ ធ្ងន់ធ្ងរ រួមមាន៖

– ពិបាកដកដង្ហើម
– បាត់បង់ចំណង់អាហារ
– ឈឺចុកចាប់ក្នុងទ្រូងមិនបាត់
– ក្ដៅខ្លួនខ្លាំង (លើស៣៨អង្សារសេ)

រោគសញ្ញាមិនសូវកើតឡើងផ្សេងទៀត រួមមាន៖

Premium Photo | Sick man wearing a face mask and coughing in his elbow

– មួរម៉ៅ វង្វេងវង្វាន់
– ថប់បារម្ភ
– អារម្មណ៍រវើរវាយ មិននៅក្នុងខ្លួន
– បាក់ទឹកចិត្ត
– មានបញ្ហាគេង
– បញ្ហាផ្សេងទៀតទាក់ទងនឹងប្រព័ន្ធប្រសាទដូចរលាកខួរក្បាល សន្លប់។ល។

អង្គការសុខភាពពិភពលោក ឲ្យដឹងថា មនុស្សគ្រប់វ័យដែលមានអាការៈក្ដៅខ្លួន ឬក្អក រួមជាមួយពិបាកដកដង្ហើម ឈឺទ្រូង ត្រូវទទួលការព្យាបាលឲ្យលឿនបំផុត។ បើអាច ទាក់ទងទៅផ្នែកមន្ទីរពេទ្យជិតខ្លួនបំផុត ដើម្បីទទួលបានការព្យាបាលទាន់ពេលវេលា៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ក្រោយចាក់វ៉ាក់សាំងរួច តើភាពស៊ាំដែលផ្ដល់ដោយថ្នាំនឹងនៅបានយូរប៉ុនណា?

ចុចអាន៖ ក្រោយចាក់វ៉ាក់សាំងរួច មានស្នាមកន្ទួលលើរាងកាយ ឬកន្លែងមុខម្ជុលរីកធំមួយសប្ដាហ៍ គ្រូពេទ្យជំនាញថាកុំភ័យ

Related Topics:រោគសញ្ញាកូវីដ១៩