សុខភាព

របបអាហារសម្រាប់អ្នកជំងឺទឹកនោមផ្អែម គួរហូបនិងមិនគួរ ក្រោយចាក់វ៉ាក់សាំងកូវីដ

បានផុស

៥ years មុន

នៅ

ថ្ងៃព្រហស្បតិ៍ ១៥ កក្កដា ២០២១

ដោយ

របបអាហារដើរតួនាទីយ៉ាងសំខាន់ក្នុងការកសាងភាពស៊ាំ ហើយមនុស្សដែលបានចាក់វ៉ាក់សាំងរួច ត្រូវតែបរិភោគអាហារមានជីវជាតិនិងបំប៉នរាងកាយ។ តួយ៉ាងអ្នកមានជំងឺទឹកនោមផ្អែម ក្រោយចាក់វ៉ាក់សាំងរួច ត្រូវតែរួមបញ្ចូលអាហារផ្ដល់ផលល្អដល់រាងកាយដូចគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១ ត្រីមិនថាជាត្រីអីក៏ដោយ សុទ្ធតែមានលក្ខណៈប្រឆាំងនឹងការរលាក ហើយសំបូរជាតិខ្លាញ់អូមេហ្គា ៣ ដែលជួយបង្កើនភាពស៊ាំដល់រាងកាយ។

២ ស៊ុបមាន់មានលក្ខណៈប្រឆាំងនឹងការរលាក។ ដូចគ្នានេះផងដែរ សាច់មាន់គឺសមស្របសម្រាប់អ្នកដែលមានជំងឺទឹកនោមផ្អែមនិងជំងឺលើសឈាម។ សាច់មាន់គឺជាប្រភពប្រូតេអ៊ីនដ៏សំបូរបែប ហើយអាចទទួលទានបានពីរដងក្នុងមួយមួយសប្តាហ៍ បន្ទាប់ពីចាក់វ៉ាក់សាំងរួច។

៣ ស៊ុតគ្រប់ប្រភេទ គឺជាប្រភពប្រូតេអ៊ីនល្អ បន្ទាប់ពីសាច់ត្រីនិងសាច់មាន់។ ស៊ុតមានអាស៊ីដអាមីណូសំខាន់ៗដែលជួយបង្កើតភាពស៊ាំដល់រាងកាយ។ ជាពិសេសសម្រាប់អ្នកជំងឺទឹកនោមផ្អែម ដែលទើបចាក់វ៉ាក់សាំងរួច។

៤ ផ្លែឈើនិងបន្លែសម្បូរទៅដោយសារធាតុប្រឆាំងអុកស៊ីតកម្ម រ៉ែនិងវីតាមីនដែលជួយពង្រឹងភាពស៊ាំ។ អ្នកដែលមានជំងឺទឹកនោមផ្អែម ត្រូវតែរួមបញ្ចូលផ្លែឈើមួយមុខនិងបន្លែបីមុខនៅក្នុងរបបអាហាររបស់ពួកគេ ដើម្បីឲ្យអង្គទីគ័រឆាប់ដុះនិងមានភាពស៊ាំបានលឿនផងដែរ។

៥ សារធាតុ curcumin ដែលមាននៅក្នុងរមៀត គឺល្អសម្រាប់សុខភាពនិងការពារភាពតានតឹង ដែលជាធម្មតាត្រូវបានគេឃើញចំពោះមនុស្សក្រោយការចាក់វ៉ាក់សាំង។ អ្នកដែលមានជំងឺទឹកនោមផ្អែមគួរតែហូបរមៀតជាចាំបាច់ ដើម្បីចៀសវាងស្ត្រេសរយៈពេលមួយសប្ដាហ៍ បន្ទាប់ពីចាក់វ៉ាក់សាំង។

អ្វីគួរចៀសវាងសម្រាប់អ្នកជំងឺទឹកនោមផ្អែម

ចៀសវាងអាហារសម្រន់ ដែលមានសន្ទស្សន៍គ្លីសេមិចខ្ពស់។ សន្ទស្សន៍គ្លីសេមិច បង្ហាញពីរបៀបដែលអាហារនីមួយៗមានឥទ្ធិពលលើកម្រិតជាតិស្ករក្នុងឈាមរបស់យើង។ ជាពិសេស GI កាន់តែខ្ពស់កំហាប់ជាតិស្ករក្នុងឈាមកាន់តែលឿន។

អាហារដែលមានជាតិស្ករ ភេសជ្ជៈមានជាតិហ្គាស និងនំប៉័ងដំឡូងបារាំង បាយស អាហារមានសារធាតុអាស្ទូតបន្ថែមស្ករទៅក្នុងតែនិងកាហ្វេឬបង្អែម ។ ជាពិសេសគឺជៀសវាងផឹកស្រានិងជក់បារី៕

ប្រែសម្រួល៖ សាង ស្រីល័ក្ខ

ប្រភព៖ndtv

ចុចអាន៖អាហារ ៥ មុខ ជួយបន្ថយផលប៉ះពាល់លើរាងកាយ ក្រោយចាក់វ៉ាក់សាំងរួច

ចុចអាន៖ក្រោយចាក់វ៉ាក់សាំងរួច មានរោគសញ្ញាមួយនេះ គួរប្រញាប់ទៅជួបពេទ្យជាបន្ទាន់