វេជ្ជបណ្ឌិត​ ណែនាំវិធីព្យាបាលភ្នែកស្ងួត ដោយប្រើថ្នាំបន្តក់ដែលមានសុវត្ថិភាព

ភ្នែកស្ងួតគឺជាជំងឺទូទៅ និងកើតលើមនុស្សគ្រប់វ័យ នេះគឺជាស្ថានភាពដែលបរិមាណ ទឹកភ្នែកមិនគ្រប់គ្រាន់ ដើម្បីចិញ្ចឹមនិងផ្ដល់សំណើមដល់ផ្ទៃភ្នែក។ ទោះបីជារោគសញ្ញាភ្នែក​ស្ងួតភាគ​ច្រើន ​មិន​ធ្ងន់ធ្ងរ​ក៏ដោយ ប៉ុន្តែ​វាអាច​បង្កបញ្ហា​និង​រំខាន​ដល់​ការរស់នៅប្រចាំថ្ងៃ។ ប្រសិនបើទុកចោលយូរ អាចបង្ក​ឲ្យ​មានការ​រលាក​រ៉ាំរ៉ៃ​ នាំ​ឲ្យ​មានហានិភ័យ​នៃភាពពិការភ្នែកផងដែរ។

ខាងក្រោម​ជា​វិធីព្យាបាលភ្នែក​ស្ងួត​ ដើម្បីថែរក្សាខ្លួនឯង​នៅ​ពេលប្រឈម​នឹង​ភ្នែក​ស្ងួតខ្លាំង។

១ ថ្នាំ​បន្តក់​ភ្នែក​​ដែល​មាន​សារធាតុ​ថែរក្សា Cellufresh Lubricant Eye Drops

ថ្នាំ​បន្តក់​ភ្នែក​ដែលមានសាធាតុថែរក្សា គឺជាវិធីព្យាបាលមួយដែល​វេជ្ជបណ្ឌិត​តែងណែ​នាំ​ឲ្យ​ប្រើ ​ដើម្បី​ផ្ដល់​សំណើម​ដល់​ភ្នែក។ ក្រុម​ថ្នាំ​សិប្បនិម្មិត​នេះ​ គួរ​ប្រើ​មិន​លើស​ពី ៤ ដង​ក្នុងមួយថ្ងៃ​ ពេល​ព្រឹក​ ​រសៀល​ ល្ងាច​និង​មុន​ពេល​ចូល​គេង។

២ ថ្នាំ​បន្តក់​ភ្នែក​​គ្មាន​សារធាតុថែរក្សា Alcon Tears Naturale Free

ក្រុម​វិញ​ក្រុម​នេះ​មិនមានផ្ទុកសារជាតិថែរក្សា​ឡើយ។ វេជ្ជបណ្ឌិតមាននិន្នាការ ណែនាំ​ឲ្យ​ប្រើ​ញឹកញាប់តាម​តម្រូវការ ​ឬរៀងរាល់ ១-២ ម៉ោង​ម្ដង ​និង​សមស្រប​សម្រាប់​អ្នក​ដែល​មាន​ភ្នែកស្ងួត​ធ្ងន់ធ្ងរ រួម​ទាំង​អ្នក​ដែល​មាន​ភ្នែក​ស្ងួត​ជា​ទូទៅ​អាច​ប្រើបាន​ផង​ដែរ។

៣ ថ្នាំ​រំញោចបង្ក​ឲ្យ​មានទឹកភ្នែក DIQUAS eye drops

សារធាតុ Secretogogue គឺជាថ្នាំដែលបង្កើនការផលិតទឹកភ្នែក នៅក្នុងស្រទាប់ទឹករំអិល និងស្រទាប់ទឹក។

៤ ថ្នាំ​កាត់​បន្ថយការរលាកនៃត្របកភ្នែក

ចំពោះថ្នាំដែលបន្ថយការរលាកនៃត្របកភ្នែក វានឹងក្លាយជាថ្នាំដូចជាថ្នាំអង់ទីប៊ីយោទិច​ Doxycycline។ ល។

៥ ថ្នាំដើម្បីកាត់បន្ថយ​ការរលាកនៃ​ក្រុមស្តេរ៉ូអ៊ីតភ្នែក

ស្តេរ៉ូអ៊ីដ គឺជាថ្នាំដែលជួយកាត់បន្ថយការរលាកនៃផ្ទៃភ្នែក។ ក្នុងករណីរលាកស្បែកពីភ្នែកស្ងួត។

៦ ថ្នាំការពារភាពស៊ាំ

សម្រាប់ប្រព័ន្ធភាពស៊ាំ ត្រូវបានគេស្គាល់ផងដែរថាជា ថ្នាំការពារភាពស៊ាំ វាគឺជាប្រភេទដំណក់ទឹកដូចជាស៊ីក្លូសូរីន ​ដែលជាប្រភេទដំណក់ដែលជួយកាត់បន្ថយការរលាក បង្កើនបរិមាណ​ទឹកភ្នែក និងជួយកាត់បន្ថយរោគសញ្ញាភ្នែកស្ងួត។

៧ សេរ៉ូម​ស្វ័យ​ប្រវត្តិ

នេះ​គឺជាវិធីព្យាបាលភ្នែកស្ងួតធ្ងន់ធ្ងរ ជួយ​កាត់បន្ថយការរលាកកោសិកានិងជាលិកា។ ព្រោះវាមានសារធាតុដែលជួយក្នុងការស្តារជាលិកាធម្មតា។

យ៉ាងណាមិញ ​ប្រសិនបើអ្នក​ដឹងថា​ខ្លួនឯង​ស្ថិត​ក្នុង​ស្ថានភាព​នៃ​រោគ​សញ្ញា​ភ្នែកស្ងួត​ខ្លាំង គួរប្រញាប់ទៅ​ជួប​គ្រូពេទ្យជា​បន្ទាន់​ ដើម្បីទទួលបានការព្យាបាលត្រឹមត្រូវ។ យើងមិនគួរទុកចោលយូរទេ ដោយសារ​តែ​វា ​អាច​នាំ​ឲ្យ​មាន​ហានិភ័យនៃភាពពិការភ្នែក៕

ប្រែសម្រួល៖ សាង ស្រីល័ក្ខ

ចុចអាន៖ថ្នាំ​បន្តក់​ភ្នែក​ អាចប្រើរាល់​ថ្ងៃ​បានអត់​?​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

ចុចអាន៖មូលហេតុយើងតែងតែ ញាក់ភ្នែកមិនឈប់?