សុខភាព

ការសិក្សាថ្មី អនាម័យមាត់ធ្មេញនិងអញ្ចាញ ជាអាវុធប្រឆាំងនឹងកូវីដ មិនឲ្យធ្ងន់ធ្ងរខ្លាំង

បានផុស

៥ years មុន

នៅ

ថ្ងៃអង្គារ ១២ តុលា ២០២១

ដោយ

ផ្អែកលើការសិក្សាថ្មីមួយបានបង្ហាញថា អនាម័យមាត់និងអញ្ចាញធ្មេញ អាចបន្ថយហានិភ័យនៃការឆ្លងវីរុសកូវីដ ១៩ មិនឲ្យធ្ងន់ធ្ងរ ជាពិសេសប្រសិនបើអ្នកឈឺ មានជំងឺបេះដូងស្រាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការស្រាវជ្រាវពីមុនបានរកឃើញថា ទំនាក់ទំនងរវាងអនាម័យមាត់មិនល្អ និងការកើនឡើងនៃការរលាកនៃជំងឺបេះដូងហើយភាពធ្ងន់ធ្ងរនៃកូវីដ -១៩ ក៏ត្រូវបានផ្សារភ្ជាប់ទៅនឹងការឆ្លើយតបរលាកផងដែរ។

វេជ្ជបណ្ឌិត Ahmed Mustafa Basuoni ដែលជាអ្នកប្រឹក្សាផ្នែកបេះដូងនៅសាកលវិទ្យាល័យ Cairo ប្រទេសអេហ្ស៊ីបបាននិយាយថា “ជាលិកាមាត់អាចដើរតួជាអាងស្តុកទឹក សម្រាប់កូវីដ ១៩ ដោយបង្កើតនូវមេរោគខ្ពស់នៅក្នុងបែហោងធ្មែញមាត់។ ដូច្នេះយើងបានណែនាំ ឲ្យថែរក្សាសុខភាពមាត់ និងធ្វើឲ្យប្រសើរឡើងនូវវិធានការអនាម័យមាត់ ជាពិសេសក្នុងអំឡុងពេលឆ្លងកូវីដ ១៩” ។

ដើម្បីវាយតម្លៃពីទំនាក់ទំនងរវាងសុខភាពមាត់ និងភាពធ្ងន់ធ្ងរនៃកូវីដ -១៩ ក្រុមអ្នកស្រាវជ្រាវបានពិនិត្យទៅលើអ្នកជំងឺបេះដូងជនជាតិអេហ្ស៊ីបចំនួន ៨៦ នាក់ ជាមួយនឹងការធ្វើតេស្តរកឃើញវិជ្ជមានកូវីដ -១៩ ដោយម៉ាស៊ីន PCR ។ អ្នកនិពន្ធបានរកឃើញថា សុខភាពមាត់មិនល្អ ត្រូវបានផ្សារភ្ជាប់ជាមួយនឹងជំងឺកូវីដឲ្យកាន់តែធ្ងន់ធ្ងរ និងពិសេសការជាសះស្បើយពីជំងឺគឺអាចមានរយៈពេលយូរអង្វែងថែមទៀត។

ដូច្នេះ អនាម័យមាត់ធ្មេញគឺជារឿងសំខាន់នៅក្នុងសម័យរោគរាតត្បាតនេះ បើសិនមាត់មានមេរោគ នោះរាងកាយយើងក៏មានផ្ទុកនូវវីរុសដូចគ្នា។ ជាពិសេសការលាងសម្អាតមាត់ ដោយទឹកខ្ពុរមាត់ អាចជួយការពារ ឬបន្ថយភាពធ្ងន់ធ្ងរនៃជំងឺកូវីដ ១៩ បានយ៉ាងល្អប្រសើរ៕

ប្រែសម្រួល៖ សាង ស្រីល័ក្ខ

ប្រភព៖UPI

ចុចអាន ៖មានវ៉ាក់សាំងគ្រប់ ៣ ដូសហើយ តែបើមើលស្រាលឬប្រហែសខ្លួន អ្នកនៅតែឆ្លង Delta ដដែល

ចុចអាន៖មានចំណុច ៣ ខ្លឹមនេះក្នុងខ្លួន ធានាថាដូសជំរុញ នឹងមានប្រសិទ្ធភាពកាន់តែខ្លាំងក្លាលើសមុន