KPT+
មិនថារៀនអនឡាញឬទៅសាលា សិស្ស-និស្សិតមានទម្លាប់៥យ៉ាងនេះមុខតែបរាជ័យក្នុងការសិក្សា
មិនថាក្នុងអតីតកាល ឬបច្ចុប្បន្នដែលស្ថិតក្នុងស្ថានភាពនៃជំងឺរាតត្បាតដ៏កាចសាហាវកូវីដ-១៩ទេ សិស្សនិស្សិតបរាជ័យតែងតែមានទម្លាប់៥យ៉ាងខាងក្រោមនេះ៖
១. គ្មានគម្រោងផែនការច្បាស់លាស់

សិស្សនិស្សិតខ្លះ អត់ដឹងថាខ្លួនឯងកំពុងធ្វើអី ឬចង់បានអ្វីទេ ស្របពេលអ្នកមួយចំនួនមានក្ដីស្រម៉ៃ មានមហិច្ឆតា តែគ្មានគម្រោងផែនការច្បាស់លាស់ អ្នកខ្លះទៀតមានដែរតែក្នុងខួរក្បាលប្រើអារម្មណ៍ចេញជាសកម្មភាព។ ទាំងនេះគឺជាជំហានដ៏ធំមួយ ដែលសិស្សនិស្សិត កំពុងតែបោះទៅកាន់ភាពបរាជ័យ។
២. គ្មានវិន័យ

វិន័យសំខាន់ណាស់ បើទោះបីជាអ្នកពូកែក្នុងកម្រិតណាក៏ដោយ បើសិស្សនិស្សិតគ្មានវា គឺប្រឈមនឹងភាពបរាជ័យធំបំផុត។
៣. គ្មានសមាធិលើការសិក្សា

ធ្លាប់ទេ? ម៉ោងរៀនលេងទូរស័ព្ទ ថាចូលមើលវីដេអូអនឡាញគ្រូដែរ តែជាប់មើលរឿង ប្រាប់ខ្លួនឯងជំពាក់សិន។ រៀនអនឡាញបិទ Mood លេងហ្វេសប៊ុក មើលរឿង ឬលេងហ្គេម។ ថារកផ្ដោតរៀន ឬធ្វើការងារសាលាដែរ ចេះតែជក់ដៃនេះនោះ រឿងផ្សេងៗ…។ ទាំងអស់នេះហើយ គឺជារបៀបដែលធ្វើឱ្យសិស្សនិស្សិតបរាជ័យ។
៤. អំណួត ឬឆាប់បោះបង់

អំណួត ភាគច្រើនកើតលើសិស្សនិស្សិតដែលពូកែតែខ្វះវិន័យ នាំឱ្យមានប្រមាថ។ វីដេអូមេរៀន Off Line គ្រូផុសរាល់ថ្ងៃអត់មើលទេ ចាំសរុបមួយថ្ងៃមើលសរុបតែម្ដង ហើយភាគច្រើនថ្ងៃដែលមើលនឹង គឺជាថ្ងៃមុនប្រឡង។ ដល់ថ្ងៃប្រឡងទើបប្រឹងមើលប្រឹងទន្ទេញ ទីបំផុតដល់ពេលម៉ោងប្រឡងងឹតឈឹង លទ្ធផលក៏តាមហ្នឹង។ សិស្សនិស្សិតខ្លះអត់អំណួតទេ តែឆាប់បោះបង់ មើលមេរៀនបានម្ដងពីរដងអត់យល់ ឈប់មើល។ តើវាអាចឱ្យសិស្សនិស្សិតទៅកាន់ភាពជោគជ័យដោយរបៀបណា?
៥. ជំនឿខុសឆ្គង

សិស្សនិស្សិតមួយចំនួនប្រកាន់ផ្នត់គំនិតមួយចំនួន ទៅជាជំនឿខុសឆ្គង។ ការជឿដោយគ្មានបញ្ញា គឺជាហេតុនាំឱ្យបរាជ័យមួយដ៏ធំមួយ។ តួយ៉ាងដូចជឿថាខ្លួនឯងអាចមើលមេរៀនសរុបបាន អាចធ្វើកិច្ចការសាលា ឬការងារស្រាវជ្រាវនៅយប់ចុងក្រោយបាន អាចមើលមេរៀនសរុបនៅមុនប្រឡងមួយថ្ងៃចាំបានល្អ គ្មានអ្វីដែលមិនអាចធ្វើបានទេ… ទាំងនេះជាជំនឿដែលខុសឆ្គងមួយ កើតឡើងពីសេចក្ដីប្រមាថ ដោយខ្វះបញ្ញា ។ ទាំងនេះគឺជាហេតុ ដែលនាំសិស្សនិស្សិតឱ្យបរាជ័យ៕
អត្ថបទ៖ ស្នង នេត្រា
ចុចអាន៖ គោលការណ៍ “កុំ៥” សម្រាប់យុវវ័យ មុនប្រឡូកអាជីពនានា
ចុចអាន៖ មិនចេះតែធ្វើទេ! មុនចូលរួមការងារស្ម័គ្រចិត្ត គប្បីពិនិត្យលើ ៤ ចំណុចនេះសិន

-
ព័ត៌មានអន្ដរជាតិ១៣ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២៣ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?