KPT+

បង្អាប់ សើចចំអកឲ្យមិត្តភក្ដិ យើងអាចសោកស្ដាយថ្ងៃក្រោយ

បានផុស

៥ years មុន

នៅ

ថ្ងៃអង្គារ ៧ កញ្ញា ២០២១

ដោយ

Sonya

ចំអន់ ឬបង្អាប់លេង អាចជារឿងលេងសើច តែវាបែរជាអាចបង្កឲ្យជោគវាសនាមនុស្សមួយចំនួនឈានដល់គ្រោះថ្នាក់ទៅវិញ បើលេងសើចដោយមិនបានថ្លឹងថ្លែងពិចារណា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពទិន្នន័យពីការស្ទង់មតិស្រាវជ្រាវ រដ្ឋកាលីហ្វ័រញ៉ា សហរដ្ឋអាមេរិក ការបង្អាប់ ឬចំអក មានច្រើនរូបភាព ច្រើនទម្រង់ ដូចជា ឆាឆៅលេង ដាក់ឈ្មោះហៅក្រៅ (រហស្សនាម) និយាយដើម បំភ័យ ឬសម្លុតលេង រើសអើង ឬមួយធ្វើឲ្យនរណាម្នាក់ខ្មាសគេ នៅកន្លែងមានមនុស្សច្រើនជាដើម ហើយការចំអន់លេងនេះ អាចធ្វើឡើងដោយផ្ទាល់ ឬការបង្ហោះលើអនឡាញ ក៏ត្រូវបានរាប់បញ្ចូលផងដែរ។

ត្រឹមការស្រាវជ្រាវ ១ ឆ្នាំពេញ ពីឆ្នាំ២០១៧-២០១៨ ទៅលើសិស្សសាលា នៅអាមេរិក បង្ហាញថា ៧នាក់ ក្នុងចំណោម ៥០នាក់ ជួបបញ្ហាចំអន់លេង និងរើសអើងពីសំណាក់មិត្តភក្តិ ភាគច្រើនការចំអន់។

Stop blaming us for the coronavirus, say SA's bullied Asian communities

ប៉ុន្តែបញ្ហាគួរឲ្យចាប់អារម្មណ៍ គឺក្រុមអ្នកជំនាញសុខភាពមកពីសមាគមវេជ្ជសាស្រ្តអាមេរិក បានវិភាគលើទិន្នន័យស្រាវជ្រាវនេះ រកឃើញថា សិស្សត្រូវបានគេសើចចំអក មានអត្រាទាក់ទងនឹងការជក់បារី ញ៉ាំស្រា ច្រើនជាងអ្នកមិនត្រូវបានគេចំអន់ច្រើន។ ហើយអត្រានេះកើតឡើងត្រឹមរយៈពេល ១២ខែ ពោលគឺអំឡុងពេលសិស្សទាំងនោះ ត្រូវគេបង្អាប់ ធ្វើបាប។

មិនតែប៉ុណ្ណោះ អ្នកជំនាញសុខភាពរកឃើញទៀតថា សិស្សត្រូវបានគេបង្អាប់ មានអត្រាបាក់ទឹកចិត្តកើន ១១% និងបាត់បង់ស្មារតីយកចិត្តទុកដាក់ប្រហែល ១២% បើធៀបនឹងសិស្សមិនទទួលការបង្អាប់។

ពាក់ព័ន្ធនឹងករណីនេះ ក្រុមអ្នកជំនាញដដែល ក៏បានបន្ថែមទៀតថា តាមការតាមដានជាប្រចាំចំពោះករណីនេះ ត្រឹមតែការបណ្តុះបង្អាប់ សិស្សបានរងផលប៉ះពាល់ ដោយការគិតច្រើន ដំណេកមិនស្កប់ស្កល់ ការប្រលងរបស់ពួកគេ ហើយបើសិស្សទទួលការលេងសើចបែបនេះច្រើន ពិសេសពីមិត្តភក្តិអាយុប្រហែលគ្នា នឹងអាចប៉ះពាល់ធ្ងន់ធ្ងរ ដល់បញ្ហាខួរក្បាល សតិបញ្ញា រងគ្រោះរយៈពេលវែងទៀតផង។

What Is Relational Aggression And How To Prevent Social Exclusion

ផ្អែកតាមការសិក្សាលើទិន្នន័យនៅរដ្ឋដដែល កាលពីឆ្នាំ២០១៥ ក្មេងៗ និងយុវវ័យរងការបណ្តុះបង្អាប់ ឈានដល់ដំណើរធ្លាក់ទឹកចិត្ត ធ្វើបាបខ្លួនឯង (ទារុណកម្មដោយវត្ថុផ្សេងៗ) និងឈានដល់ការធ្វើអត្តឃាតខ្លួនឯងទៀតផង។

ដោយបញ្ហាខាងលើ ជាអាចឈានដល់កម្រិតធ្ងន់ធ្ងរ ក្រុមអ្នកស្រាវជ្រាវមកពីរដ្ឋខាងលើនេះ ក៏កំពុងស្វែងរកវិធានការមានប្រសិទ្ធភាពចំពោះបញ្ហាខាងលើនេះផងដែរ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ វិធីដោះស្រាយដោយសន្តិ នៅពេលមានមនុស្សប៉ងចង់ធ្វើបាបយើងដោយចេតនា (Bullying)

ចុចអាន៖ ដោះស្រាយជាមួយមនុស្សច្រណែន ដែលប៉ងបំផ្លាញយើង