KPT+

ស្រីៗគួរដឹង! ប្រុសៗគិតរឿងសិចខ្លាំងមិនធម្មតា

បានផុស

៤ years មុន

នៅ

ថ្ងៃពុធ ២ កុម្ភៈ ២០២២

ដោយ

សម្រាប់គូស្វាមីភរិយាជាច្រើន ទំនាក់ទំនងថ្មីថ្មោង ជាធម្មតាកើតឡើងជាមួយនឹងចំណង់ផ្លូវភេទខ្ពស់ របស់អ្នកទាំងពីរ។ ជាពិសេសគឺខាងបុរស បើមានគឺមិនដូចស្រីៗ តែងចាប់ផ្ដើមដោយមិនគិតពេលពេលវេលា ឬទីកន្លែងណាឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមអ្នកចិត្តសាស្ត្រសង្គមលោក Roy Baumeister បានបញ្ជាក់ថា បុរសមានចំណង់ផ្លូវភេទខ្ពស់ជាងស្ត្រី ដោយមិនរើសពេលវេលា។ តាមរយៈការសិក្សា សង្កេតមើលទម្លាប់ផ្លូវភេទរវាងបុរសនិងស្ត្រី គាត់អះអាងថា បុរសមានចំណង់ផ្លូវភេទច្រើន ជាងស្ត្រី ស្ទើរមួយរយភាគរយ។ ភាគច្រើននៃបុរសពេញវ័យ ដែលមានអាយុក្រោម ៦០ ឆ្នាំ គិតអំពីការរួមភេទយ៉ាងហោចណាស់ម្ដងក្នុងមួយថ្ងៃ។ មានស្ត្រីប្រហែលមួយភាគបួនប៉ុណ្ណោះ ដែលនិយាយថា ពួកគេគិតអំពីរឿងនេះជាញឹកញាប់។

នៅពេលដែលបុរស និងស្ត្រីមានអាយុកាន់តែច្រើន ម្នាក់ៗស្រមើស្រមៃតិចជាងមុន ប៉ុន្តែបុរសនៅតែស្រមើស្រមៃពីរដងជាញឹកញាប់ លោកនិយាយបន្ថែមថា “បុរសចង់រួមភេទញឹកញាប់ជាងស្ត្រី នៅពេលចាប់ផ្ដើមទំនាក់ទំនងដំបូង និងបន្ទាប់ពីជាច្រើនឆ្នាំទៅ។”

ចំណែក Esther Perel អ្នកជំនាញផ្នែកចិត្តសាស្ត្រនិយាយថា មូលហេតុដែលបុរសហាក់ដូចជាឈ្លក់វង្វេងនឹងការរួមភេទ គឺដោយសារតែពួកគេជួបប្រទះវាខុសពីស្ត្រី។ សម្រាប់ស្ត្រី វាគឺច្រើនជាងការរំពឹងទុក និងរបៀបដែលអ្នកទៅដល់ទីនោះ ដូចជាសេចក្ដីប្រាថ្នា និងភាពទន់ភ្លន់។ ចំណង់របស់ស្ត្រីមានច្រើនជាងលើអារម្មណ៍។ ប៉ុន្តែបុរសមិនចាំបាច់មានការស្រមើស្រមៃច្រើននោះទេ។ នោះមិនមានន័យថា បុរសមិនស្វែងរកភាពស្និទ្ធស្នាល ស្នេហា និងភាពទន់ភ្លន់ក្នុងទំនាក់ទំនងនោះទេ។ ពួកគេគ្រាន់តែមើលតួនាទីនៃការរួមភេទខុសគ្នា។ មនុស្សស្រីចង់និយាយគ្នាដំបូង ភ្ជាប់ហើយទំនាក់ទំនងគ្នាសិន។

បុរសឯណោះវិញ ការរួមភេទគឺជាទំនាក់ទំនង ឬជាភាសាដែលបុរសប្រើ ដើម្បីបង្ហាញដល់ស្ត្រី។ វាជាភាសានៃភាពស្និទ្ធស្នាលរបស់ពួកគេទាំងពីរនាក់។

លើសពីនេះ បុរសមានចំណង់ខ្លាំង រហូតត្រូវភរិយាខ្លះមិនពេញចិត្ត តែអត់ហ៊ាននិយាយត្រង់ៗ ឬធ្វើសកម្មភាពដែលនាងមិនពេញចិត្ត ក្នុងការរួមភេទ។

ទោះបីជាយ៉ាងណា ក្នុងនាមជាប្ដី អ្នកត្រូវយកចិត្តដៃគូជាពិសេស ហើយយល់ពីនាងបានច្រើន ទើបស្នេហារបស់អ្នកទាំងពីរមានតែសុភមង្គល។ ចំណែកភាគីបុរស ក៏ត្រូវតែផ្ដល់នូវភាពកក់ក្ដៅនិងរ៉ូមែនទិក ត្រូវចេះបង្កើតភាពស្និទ្ធស្នាល និងហ៊ាននិយាយរឿងលើគ្រែត្រង់ៗប្រាប់គ្នា បើមិនពេញចិត្ត បើទោះបីជាជាអ្នកមានចំណង់ក្លាខ្លាំងយ៉ាងណា៕

ប្រែសម្រួល៖ សាង ស្រីល័ក្ខ

ប្រភព៖news24

ចុចអាន៖ស្រីៗគិតរឿងសិចកម្រិតណា?សំណួរដែលប្តីជាច្រើនគិតមិនយល់!

ចុចអាន៖៨ វិធីគួរធ្វើដើម្បីខ្លួនឯង បើចង់ចេញពីមនុស្ស យើងអស់ក្ដីស្រលាញ់ជាមួយគេ ដោយគ្មានជម្លោះ

Related Topics:សុខភាពផ្លូវភេទ