KPT+
អត្ថប្រយោជន៍ ៤ យ៉ាង របស់ផ្លែម្រះ ឱសថបំប៉នសម្រស់ ដែលនារីៗមិនគួររំលង
ពេលនិយាយពីផ្លែម្រះ ប្រាកដជាមានមនុស្សជាច្រើនគិតដល់បន្លែដែលផ្ដល់រសជាតិល្វីង ហើយក៏ជាបន្លែមួយប្រភេទទៀត ដែលពិបាកញ៉ាំជាងគេ។
ថ្វីត្បិតតែរសជាតិល្វីង មិនត្រូវបានគេចូលចិត្តដោយមនុស្សជាច្រើនក៏ដោយ។ ប៉ុន្តែបើនិយាយពីលក្ខណៈសម្បត្តិដែលទទួលបានពីបន្លែនេះវិញ មិនត្រឹមមានអត្ថប្រយោជន៍ដល់សុខភាពប៉ុណ្ណោះទេ។ ប៉ុន្តែក៏មានលក្ខណៈសម្បត្តិសម្រស់ផងដែរ។
១ ធ្វើឲ្យស្បែកភ្លឺថ្លា
ផ្លែម្រះមានលក្ខណៈសម្បត្តិជួយកាត់បន្ថយស្នាមអុចខ្មៅ កាត់បន្ថយស្នាមមុន ជួយឲ្យស្បែកមានសុខភាពល្អ បង្កើនប្រព័ន្ធភាពស៊ាំនៃស្បែក មិនងាយប្រតិកម្ម។ វាក៏ជួយកាត់បន្ថយភាពជ្រីវជ្រួញ សម្រាប់អ្នកដែលមានអាយុកាន់តែច្រើនផងដែរ។ សម្រាប់នារីដែលចង់បានស្បែកស្អាត គ្មានស្នាមជ្រីវជ្រួញ និងស្នាមអុចខ្មៅ ការផឹកទឹកម្រះច្របាច់ថ្មីៗអាចជួយបាន បើមិនចេះល្វីងក៏អាចបន្ថែមទឹកស៊ីរ៉ូបន្តិច ដើម្បីឲ្យវាកាន់តែងាយស្រួលផឹក។
២ បំបាត់ការរលាកស្បែកពីព្រះអាទិត្យ
លក្ខណៈសម្បត្តិមួយដែលត្រូវបានគេចាត់ទុកថា ជាចំណុចលេចធ្លោនៃលក្ខណៈសម្បត្តិនៃសម្រស់របស់ផ្លែម្រះ គឺជួយព្យាបាលស្បែកដែលរលាកដោយសារកម្ដៅថ្ងៃ ព្រោះម្រះគឺជាបន្លែដែលផ្ដល់ភាពត្រជាក់ និងសំណើម។ នេះជួយឲ្យស្បែកដែលត្រូវកម្ដៅថ្ងៃឲ្យមានភាពប្រសើរឡើងវិញ។ សម្រាប់ស្ត្រីដែលមានបញ្ហាស្បែក ដែលងាយត្រូវកម្ដៅថ្ងៃ។ ត្រូវបានណែនាំឲ្យកាត់ផ្លែម្រះស្រស់ជាកង់ៗ រួចយកទៅស្ងោរក្នុងទឹកដែលដាំពុះប្រហែល ១៥ នាទី រួចទុកឲ្យត្រជាក់។ បន្ទាប់មក លាយជាមួយទឹកសីតុណ្ហភាពធម្មតា ហើយងូតជម្រះជាមួយសាប៊ូ។ ធ្វើបែបនេះ ប្រហែល៣ថ្ងៃនឹងឃើញលទ្ធផលល្អមិនខាន។
៣ ពង្រឹងសក់
សម្រាប់មិត្តនារីដែលចង់បានសក់រឹងមាំ និងភ្លឺរលោងបែបធម្មជាតិ រួមទាំងអ្នកដែលមានបញ្ហាសក់ មិនថាសក់ជ្រុះ សក់ស្ងួត និងសក់សំពោងទេ វាអាចដោះស្រាយជាមួយផ្លែម្រះឬប្រើវិធីកិនម្រះ លាយជាមួយទឹកដោះគោជូរ ហើយយកមកអប់លើសក់។ ទុកចោលប្រហែល ១៥ នាទី រួចលាងសម្អាតសក់ដូចធម្មតា។ វិធីទាំងអស់នេះ ជួយឲ្យសក់អ្នកស្អាត ភ្លឺរលោង និងគ្មានសក់ជ្រុះទៀតទេ។
៤ ជួយពន្លឿនការរំលាយអាហារ
ការញ៉ាំម្រះក៏ជួយសម្រកទម្ងន់បានដែរ។ ព្រោះផ្លែម្រះមានទឹកច្រើន វាក៏ជួយឲ្យក្រពះពេញបានលឿន និងយូរផងដែរ។សំខាន់វាក៏ជួយពន្លឿនការរំលាយអាហារផងដែរ ដូច្នេះមិត្តនារីណាដែលចង់បានរាងស្រឡូនស្អាត សូមបន្តញ៉ាំផ្លែម្រះជារៀងរាល់ថ្ងៃ៕
ប្រែសម្រួល៖ សាង ស្រីល័ក្ខ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ