KPT+

អាកប្បកិរិយាសត្វឆ្កែ ១៣ ចំណុច ម្ចាស់គួរដឹង

បានផុស

៣ years មុន

នៅ

ថ្ងៃអង្គារ ១៨ តុលា ២០២២

ដោយ

សត្វឆ្កែគឺជាមិត្តល្អបំផុតសម្រាប់មនុស្ស និងសុទ្ធតែជាសត្វចិញ្ចឹមដ៏គួរឲ្យស្រលាញ់ដែលចេះមានមនោសញ្ចេតនាយ៉ាងជ្រាលជ្រៅ។

ដូច្នេះហើយទើបសត្វឆ្កែប្រាស្រ័យទាក់ទងនឹងម្ចាស់តាមអាកប្បកិរិយានិងសម្លេង ប៉ុន្តែម្ចាស់ត្រូវយល់ពីសកម្មភាពនោះឲ្យច្បាស់ទើបមានប្រសិទ្ធិភាព ខាងក្រោមនេះ នឹងជាជំនួយដល់ឪពុកម្ដាយដែលមានកូនជើងបួនទាំងអស់ ឲ្យយល់ដឹងបន្ថែមពីគាត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១. កកេរគ្រឿងសង្ហារិម

ភាគច្រើនកូនឆ្កែវារមាស់ធ្មេញទើបចូលចិត្តទៅកកេរបែបនេះ ក្នុងករណីវាធំហើយនៅតែកកេរមានន័យថាអ្នកគួរតែនាំវាដើរលេងខ្លះហើយ។

២. យករបស់លេងមកឲ្យ

នេះជាវិធីយកចិត្តម្ចាស់ កុំចេះតែបោះរបស់នោះដូចបាល់ប្រយ័ត្នវាអន់ចិត្ត។

៣. ស្ងាប

ឆ្កែណាស្ងាបច្រើនមានន័យថាវាជាឆ្កែដែលមិនខ្វល់ពីអីទាំងអស់និងមានអារម្មណ៍កក់ក្ដៅ ជួនកាលការស្ងាបក៏បង្ហាញអំពីស្ត្រេស ភ័យខ្លាចជាដើម។

៤. មុនអ្នកចេញទៅ

ថ្ងៃអ្នកយកវាទៅផ្ញើរគេហើយងាកមកមើលវាធ្វើមុខកម្សត់ធ្វើឲ្យអ្នកមិនដាច់ចិត្ត ការពិតនោះអាចជាទឹកមុខធម្មតាព្រោះវាទុកចិត្តអ្នកថានឹងត្រឡប់មកវិញ។

៥. ក្រលាស់អណ្ដាត

ពេលវាដឹងខុសពីកំហុសណាមួយវាធ្វើបែបនេះដើម្បីសុំទោសពីម្ចាស់។

៦. យកជើងទល់ទ្រូងម្ចាស់

វាប្រហែលជាចង់បានអ្វីមួយ ឬចង់ប្រលែងលេងជាមួយម្ចាស់ រីឯកូនឆ្កែវិញមានន័យថាវាឃ្លានហើយ។

៧. អូសគូទ

ចំណុចនេះមិនមែនជារឿងគួរឲ្យសើចនោះទេ អ្នកត្រូវយកវាទៅពេទ្យព្រោះនេះជាសញ្ញានៃបញ្ហាសុខភាពរបស់ឆ្កែ។

៨. លៀនអណ្ដាតមកចំហៀង

ជាសញ្ញានៃភាពរីករាយនិងស្ងប់ចិត្ត កុំច្រឡំថាគ្នាឆ្កួត។

៩. លូ

សម្រាប់ឆ្កែលូគឺប្រៀបបាននឹងមនុស្សស្រែក ដូច្នេះវាលូដោយសារតែកំហឹងឬថប់អារម្មណ៍សូមបណ្ដោយឲ្យវាលូទៅ។

១០. ដេញខាំកន្ទុយខ្លួនឯង

អ្នកប្រាកដជាគិតថាវាលេងម្នាក់ឯង តែនេះជាសកម្មភាពបង្ហាញពីសុខភាពឬជំងឺអាកប្បកិរិយា។ ចំណែកឯសត្វឆ្កែដែលកកេរកន្ទុយវិញអាចជាសញ្ញា អាឡ័កស៊ី បញ្ហារន្ធគូទ ឬជំងឺ OCD។

១១. ហិតគូទ

វាមិនប្លែកទេសម្រាប់ឆ្កែ ការហិតគូទគ្នាគឺជាវិធីប្រាស្រ័យទាក់ទងនឹងដឹងបន្ថែមពីឆ្កែដទៃទៀតដូចជា ភេទ សីតុណ្ហភាព និងចំណីអាហារ។

១២. គេងដូចកញ្ជ្រោង

ជួយយកភួយដណ្ដប់ឲ្យផង ព្រោះវារងាទើបវាគេងបែបនឹង។