បុរសអាយុ ៣៣ ឆ្នាំម្នាក់ ឆ្លងជំងឺមិនព្រមចាស់តាមវ័យទាល់តែសោះ

លោក Shin Hyomyung នៅមិនទាន់ពេញកំលោះនៅឡើយទេ ប៉ុន្តែគាត់មានអាយុ ៣៣ឆ្នាំហើយ ក្នុងឆ្នាំ២០២២នេះ។ បុរសមុខដូចក្មេងអាយុ ៨ឆ្នាំរូបនេះ មានជំងឺពីកំណើតមួយឈ្មោះថា “Highlander Syndrome” ជាជំងឺដែលប៉ះពាល់ដល់ការលូតលាស់របស់គាត់យ៉ាងខ្លាំង។

Shin Hyomyung កើតនៅឆ្នាំ ១៩៨៩ បច្ចុប្បន្នគាត់មានកម្ពស់ ១,៦៣ម៉ែត្រ តែប៉ុណ្ណោះ គឺរាងទាបបន្តិចសម្រាប់មនុស្សប្រុស។ ចំណែកឯមុខមាត់របស់គាត់វិញប្រៀបបីដូចជាក្មេងសុទ្ធសាធតែម្ដង មិនមានពុកមាត់ ពុកចង្ការ ដូចបុរសទូទៅនោះទេ។ យ៉ាងណាមិញ ជំងឺនេះមិនមែនជាឧបសគ្គចំពោះការសប្បាយរបស់ Shin សូម្បីតែបន្តិច ពេលទំនេរ Shin ចូលចិត្តចូលក្លឹប ផឹកស្រា រាំកម្សាន្ត ដោយមិនមានបញ្ហាអ្វីសោះ ព្រោះថាគាត់មានប័ណ្ណសម្រាប់បញ្ជាក់អំពីស្ថានភាពអាយុនិងជំងឺរបស់គាត់។ ទន្ទឹមនឹងនោះ លោក Shin Hyomyung ក៏មានគោលបំណងស្នេហាដូចមនុស្សទូទៅដែរ គ្រាន់តែពិបាកនឹងទទួលជោគជ័យបន្តិច ដោយសាររូបរាងកាយមិនសមនឹងអាយុគាត់នេះឯង។

សូមបញ្ជាក់ដែរថាជំងឺ “Highlander syndrome” គឺជាជំងឺហ្សែន មិនមែនជាជំងឺឆ្លងទេ ជំងឺខាងលើនេះធ្វើឲ្យអ្នកជំងឺមានបញ្ហាជ្រុះសក់ ស្បែកម៉ត់ដូចកូនក្មេង ប៉ុន្តែមានវត្តមាននៃភាពជ្រីវជ្រួញនៅពេលគាត់ចាស់ទៅ។ មកទល់ពេលនេះមិនទាន់មាននរណាម្នាក់រកឃើញពីរបៀបព្យាបាលជំងឺ Highlander បានទេ ប៉ុន្តែគេសង្កេតឃើញថាវាក៏មិនប៉ះពាល់សុខភាពអ្វីធ្ងន់ធ្ងរដែរក្រៅពីការមិនលូតលាស់នៃរាងកាយ៕

ប្រែសម្រួលដោយ៖ វារី

ចុចអាន៖រឿងរ៉ាវ ១០ យ៉ាង ពីហូលីវូដ ភាគច្រើនពុំសូវមានអ្នកណាដឹងឡើយ

ចុចអាន៖អាកប្បកិរិយាសត្វឆ្កែ ១៣ ចំណុច ម្ចាស់គួរដឹង