ព័ត៌មានជាតិ

សម្ដេចតេជោ ហ៊ុន សែន សម្រេចកែសម្រួល សមាសភាពគណៈកម្មការផលិតភាពយន្តរឿង “កូនប្រុសក្រោមពន្លឺព្រះច័ន្ទពេញបូណ៌មី”

បានផុស

៥ years មុន

នៅ

ថ្ងៃសុក្រ ១៩ វិច្ឆិកា ២០២១

ដោយ

សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានចេញសេចក្ដីសម្រេច ស្ដីពីការកែសម្រួលសមាសភាពគណៈកម្មការ និងអនុគណៈកម្មការផលិតភាពយន្តភាគរឿង “កូនប្រុសក្រោមពន្លឺព្រះច័ន្ទពេញបូណ៌មី” ដែលមានលោក ហ៊ឹម សុទិត្យា រដ្ឋលេខាធិការក្រសួងព័ត៌មាន ជាប្រធាន និងលោក ហ៊ុយ វាសនា ជាអ្នកនិពន្ធ និងដឹកនាំរឿង ព្រមទាំងទីប្រឹក្សា និងសមាជិក ១៣ រូបទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមសេចក្ដីសម្រេច គណៈកម្មការមានភារកិច្ចផលិតភាពយន្ត “កូនប្រុសក្រោមពន្លឺព្រះច័ន្ទពេញបូណ៌មី” ឱ្យបានល្អត្រឹមត្រូវតាមសាច់រឿងជាក់ស្ដែង ស្របតាមកាលៈទេសៈ និងដំណាក់កាលនីមួយៗ ប្រកបដោយគុណភាព។

រឿងកូនប្រុសក្រោមពន្លឺព្រះច័ន្ទពេញបូណ៌មី ជារឿងនិទានបែបប្រវត្តិសាស្រ្ត ដែលនិយាយពីដំណើរជីវិតតស៊ូរបស់ សម្ដេចតេជោ ហ៊ុន សែន ដោយបញ្ចូលនូវព្រឹត្តិការណ៍សំខាន់ៗជាច្រើន ក្នុងការស្វែងរកសន្ដិភាពជូនប្រជាពលរដ្ឋកម្ពុជា៕