ព័ត៌មានជាតិ

ប៉ៃលិន មានពលករខ្មែរមកពីថៃ ឆ្លងកូវីដច្រើនជាងគេ រហូតដល់១៣នាក់

បានផុស

៥ years មុន

នៅ

ថ្ងៃព្រហស្បតិ៍ ៧ មករា ២០២១

ដោយ

គិតត្រឹមថ្ងៃទី៦ ខែមករា ឆ្នាំ២០២១នេះ មានពលករខ្មែរមកពីថៃចូលមកខេត្តប៉ៃលិន មានចំនួន១០១០នាក់ ស្រី៤៩៨នាក់ ក្នុងនោះរកឃើញឆ្លងកូវីដ១៩ ចំនួន១៣នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អ៊ុន ប៊ុនលី នាយករដ្ឋបាលសាលាខេត្តប៉ៃលិន បានឲ្យដឹងនៅព្រឹកថ្ងៃទី៧ខែមករានេះថា ក្នុងចំណោមពលករខ្មែរជាង១ពាន់នាក់នោះ អ្នកធ្វើចត្តាឡីស័កសរុបចំនួន៣៦៦នាក់ ក្នុងនោះធ្វើចត្តាឡីស័កនៅមណ្ឌលចំនួន២៣៥នាក់ ធ្វើចត្តាឡីស័កនៅតាមផ្ទះចំនួន១៣១នាក់ និងបានបញ្ចប់ការធ្វើចត្តាឡីស័កចំនួន៧នាក់។ លោកបានបន្តទៀតថា ជាមួយគ្នានេះដែរ យើងបានយកសំណាកពលករចំនួន២៨៨នាក់ ស្រី១៤៣នាក់ ទៅធ្វើវិភាគរកជំងឺកូវីដ១៩ដោយលទ្ធផលបង្ហាញថា មានលទ្ធផលអវិជ្ជមានចំនួន២៧៥នាក់ និងវិជ្ជមានវីរុសកូវីដ១៩ ចំនួន១៣នាក់ ស្រី១២។

យោងតាមក្រសួងសុខាភិបាលបានឲ្យដឹងថា គិតត្រឹមម៉ោង ព្រឹកថ្ងៃទី០៧ ខែមករា ឆ្នាំ២០២១នេះ ក្នុងចំណោមអ្នកឆ្លងជំងឺកូវីដ១៩ សរុបចំនួន៣៨៥នាក់ ក្នុងនោះមានពលករខ្មែរមកពីថៃចំនួន២០នាក់មាន១៣នាក់នៅខេត្តប៉ៃលិន៦នាក់ នៅបាត់ដំបងនិង១នាក់ នៅខេត្តបន្ទាយមានជ័យ និងមានអ្នកជាសះស្បើយចំនួន ៣៦២នាក់ និងអ្នកកំពុងសម្រាកព្យាបាលនៅមន្ទីរពេទ្យចំនួន ២៣នាក់៕

អត្ថបទ៖ សំអឿន

សូមចុចអាន៖ បុរសសូត្រធម៌៧ភាសា រងការគំរាម ខណៈមិនមានឈ្មោះជាអាចារ្យក្នុងបញ្ជី