នាវាចម្បាំងជប៉ុន២គ្រឿងនឹងចូលចតក្នុងដែនសមុទ្រកម្ពុជានៅខែមេសា

នាវាចម្បាំងជប៉ុន២គ្រឿងនឹងចូលចតនៅកំពង់ផែសមុទ្រក្រុងព្រះសីហនុនៅក្នុងខែមេសា ឆ្នាំ២០២៥ខាង បង្ហាញពីទំនាក់ទំនងមិត្តភាព កិច្ចសហប្រតិបត្តិការ និងការបង្កើននូវជំនឿទុកចិត្តគ្នាទៅវិញទៅមក។

ការបង្ហើបពីការចូលចតនាវាចម្បាំងជប៉ុនមកកម្ពុជានេះធ្វើឡើងក្នុងពេលអគ្គបញ្ជាការទ័ពកម្ពុជានាយឧត្តមសេនីយ៌ វង្ស ពិសេន និងនាយការិយាល័យសេនានុព័ន្ធជប៉ុនប្រចាំកម្ពុជា មាននិវេសនដ្ឋាននៅរដ្ឋធានីហាណូយ លោកវរសេនីយ៍ឯក ស៊ីស៊ីហារ៉ា ម៉ាសានាអូ (ISHIHARA Masanao) នៅព្រឹកថ្ងៃទី២០ ខែកុម្ភៈ ឆ្នាំ២០២៥នេះ។

នាវាកងស្វ័យការពារជប៉ុនចុងក្រោយដែលចូលចតនៅកំពង់ផែសមុទ្រខេត្តព្រះសីហនុធ្វើឡើងកាលពីខែកុម្ភៈ ឆ្នាំ២០២៤ ដោយនាវា (DDG-172) TV-3521 SHIMAKAZE និង DD-114 SUZUNAMI នៅអំឡុងពេលនៃការហ្វឹកហ្វឺននាវិក សកម្មភាពតាមសមុទ្រ និងដើម្បីពង្រឹងកិច្ចសហប្រតិបត្តិការល្អរវាងកងទ័ពជើងទឹកកម្ពុជា-ជប៉ុន។គិតពីឆ្នាំ២០០០ មកដល់ឆ្នាំ២០២៤ នៅកំពង់ផែស្វយ័តក្រុងព្រះសីហនុ បានទទួលស្វាគមន៍នាវាស្វ័យការពារជើងទឹកជប៉ុន ចំនួន ១៤លើក ស្មើនឹង ៣០គ្រឿង៕

អត្ថបទដោយ​ ហ៊ុន សិរីវឌ្ឍន៍