ព័ត៌មានជាតិ

ជ្រូកផ្ទុកមេរោគប៉េះជ្រូកអាហ្វ្រិកជាង១០០ក្បាល ត្រូវមន្ត្រីជំនាញដុតកម្ទេចចោល

បានផុស

៣ years មុន

នៅ

ថ្ងៃព្រហស្បតិ៍ ១ មេសា ២០២១

ដោយ

ជ្រូកជាង១០០ក្បាល ដែលមានផ្ទុកមេរោគប៉េស្តជ្រូកអាហ្វ្រិក ដែលសមត្ថកិច្ចបានបង្ក្រាបកាលពីពេលកន្លងទៅនៅព្រំដែនខេត្តស្ទឹងត្រែងនោះ ត្រូវបានមន្ត្រីជំនាញនៃក្រសួងកសិកម្មរុក្ខាប្រមាញ់និងនេសាទ ធ្វើការដុតកម្ទេចចោល ដើម្បីកុំឲ្យប៉ះពាល់ដល់សុខភាពប្រជាពលរដ្ឋ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការដុតកម្ទេចចោលជ្រូកជាង១០០ក្បាលនេះ បានធ្វើឡើងនៅព្រឹកថ្ងៃទី០១ ខែមេសា ឆ្នាំ២០២១នេះនៅភូមកណ្ដឹង ស្រុកបាទី ខេត្តតាកែវ ដែលមានការចូលរួមពីលោកតាន់ ផាន់ណារ៉ា អគ្គនាយយក នៃអគ្គនាយកដ្ឋានសុខភាពសត្វ និងផលិកម្មសត្វ នៃក្រសួងកសិកម្ម រុក្ខាប្រមាញ់ និងនេសាទ។ មន្ត្រីជំនាញនៃក្រសួងកសិកម្មនិងសមត្ថកិច្ចពាក់ព័ន្ធ បានចុះបង្ក្រាបឃាត់រថយន្តដឹកជ្រូក មួយឡានក្នុងចំណោមបីឡាន កាលពីយប់ថ្ងៃទី ២៣មីនា នៅក្នុងក្រុងស្ទឹងត្រែង ខេត្តស្ទឹងត្រែង ដោយសារតែឈ្មួញលួចនាំជ្រូកទាំងនោះ គ្មានច្បាប់អនុញ្ញាតនិងមិនបានគោរពទៅតាមវិធានការរបស់ពេទ្យសត្វ ខណៈដែលជ្រូកនៅប្រទេសជិតខាង កំពុងកើតជំងឺប៉េស្តអាហ្វ្រិកផងដែរ។

គួសបញ្ជាក់ថា ចាប់តាំងពីព្រំដែនកម្ពុជាថៃ មានការរឹតបន្តឹងចំពោះការនាំចូលមកមកកម្ពុជា ដោយប្រទេសថៃកម្ពុជា ផ្ទុះជំងឺប៉េស្តជ្រូកអាហ្វ្រិកនោះ ក្រុមឈ្មួញបានបង្វែរ យុទ្ធសាស្ត្រ លួច នាំជ្រូកចូលទៅប្រទេសឡាវរួចដឹកបន្តលួចនាំចូលមកចែកចាយ នៅក្នុងប្រទេសកម្ពុជា តាមច្រក ព្រំដែនស្ទឹងត្រែង និងប្រទេសឡាវវិញ៕

អត្ថបទ៖ សំអឿន

សូមចុចអាន៖ បង្ក្រាបករណីជួញដូរកញ្ឆាក្រៀមទម្ងន់ជាង២គីឡូក្រាមនៅខេត្តតាកែវ