អាជីព
ហេតុអ្វីបានជារោគរាតត្បាតគឺជាពេលវេលាដ៏ល្អដើម្បីចាប់ផ្ដើមអាជីវកម្មថ្មី?
ច្បាស់ណាស់ថាទាំងឆ្នាំ ២០២០ និងឆ្នាំ ២០២១ មិនមែនជាឆ្នាំដែលយើងបានគ្រោងទុកទេ ហើយនៅចំណុចនេះហាក់ដូចជាយើងកំពុងជិះរលកដែលមិនប្រាកដប្រជា។ ប៉ុន្តែហេតុអ្វីនេះបែរជាពេលវេលាដ៏អស្ចារ្យដើម្បីចាប់ផ្ដើមអាជីវកម្មថ្មីទៅវិញ?
១. គ្រប់គ្នាកំពុងចំណាយពេលច្រើននៅឯផ្ទះ
សម្រាប់គ្នាយើងភាគច្រើនក្នុងពេលនេះ គឺប្រាកដជាចំណាយពេលច្រើននៅផ្ទះ ដែលមានបញ្ហាប្រឈមផ្ទាល់ខ្លួន (ចន្លោះតូចធ្វើការជាមួយកូននៅផ្ទះ គ្មានកន្លែងដាក់តុ និងបញ្ជីការងារជាដើម ) ។ ប៉ុន្តែចុះយល់យ៉ាងណា ចំពោះភាពវិជ្ជមានដែលដើរចេញពីផ្ទះ?
ក្នុងពេលនេះគួរចេះប្រើវិបត្តិនេះជាគន្លឹះ ដើម្បីបង្កើតឱកាសនិងផ្នត់គំនិតដែលសមនឹងលំហូរធម្មជាតិ និងក្រមសីលធម៌ការងាររបស់យើង។
២. មានកាលវិភាគថ្ងៃចុងសប្ដាហ៍
ស្រដៀងនឹងចំណុចខាងលើ វិធីមួយដើម្បីមើលចំណុចវិជ្ជមាននៃឆ្នាំ ២០២០ គឺត្រូវពិចារណាថាតើកាលវិភាគរបស់យើងទំនេរប៉ុន្មាន។ នៅចុងសប្ដាហ៍គឺជាពេលវេលាដ៏ល្អ ដើម្បីប្ដេជ្ញាចិត្តរៀនពីអាជីវកម្មរបស់យើងនាពេលអនាគត។
ចុះឈ្មោះចូលរៀនវគ្គសិក្សា បង្កើតទម្លាប់អានសៀវភៅ ចូលរួមជាមួយក្រុមដែលមានការលើកទឹកចិត្តនិងគាំទ្រ ដើម្បីបានបន្តចំណង់ចំណូលចិត្តយើង ដោយចំណាយពេលនេះ ដើម្បីរៀន។ ហើយចាប់ផ្ដើមអាជីវកម្មដែលយើងបានគិតទុកអស់រយៈពេលជាច្រើនឆ្នាំ ។
៣. មនុស្សប្រើប្រាស់ប្រព័ន្ធផ្សព្វផ្សាយសង្គមច្រើន
មនុស្សគ្រប់គ្នាមិនថាយើងឬគេ ក្នុងពេលនេះម្នាក់ៗប្រាកដជាចំណាយពេលវេលាច្រើននៅលើប្រព័ន្ធផ្សព្វផ្សាយសង្គម។ ប៉ុន្តែសួរថា ហេតុអ្វីយើងមិនព្រមឆ្លៀតពេលនេះយកមកប្រើភ្ជាប់វេទិការបស់យើងទៅពួកគេ។
គួរពិចារណាលើផ្នែកបន្ថែមនៃលើអាជីវកម្មដែលយើងត្រូវធ្វើឆាប់ៗនេះ ជាផលចំណេញរបស់មនុស្សគ្រប់គ្នាដែលមិនសូវរវល់។
៤. មានឱកាសនៅក្នុងសង្គមថ្មី
អាជីវកម្មខ្នាតតូចទាំងអស់ដែលបច្ចុប្បន្នកំពុងរីកចម្រើន នៃអាជីវកម្មរបស់ពួកគេ ភាគច្រើនគឺឲ្យអតិថិជនពាក់ម៉ាសឬលាងដៃជាមួយអាកុលជាដើម។
ជាមួយនឹងរឿងធម្មតានេះនឹងផ្ដល់ឱកាសឲ្យយើងគិតអំពីគំនិតដែលខ្លួនយើងកំពុងតែធ្វើ។ មនុស្សនៅផ្ទះមិនសូវមានទំនាក់ទំនងគ្នាប៉ុន្មានទេ ហើយមនុស្សគ្មានការងារធ្វើក៏មានការលំបាកដែរ។
បើសិនយើងបង្កើតអាជីវកម្មថ្មីនាពេលនេះ យើងមានឱកាសនៅក្នុងសង្គមថ្មី ហើយបានជួយនិងបង្រៀនដល់អ្នកដែលកំពុងត្រូវការការងារ ឬមួយអាចជួយមនុស្សលំបាកផ្សេងទៀត។
នេះគឺជាការលើកទឹកចិត្តមួយ ដែលគួរធ្វើនិងចាប់ផ្ដើម ទោះអាជីវកម្មរបស់យើងតូចតាចក្ដី តែយើងក៏បានស្វែងយល់និងរៀនពីបទពិសោធន៍សង្គមនាបច្ចុប្បន្ននេះដែរ៕
ប្រែសម្រួល៖ សាង ស្រីល័ក្ខ
ចុចអាន៖គន្លឹះគ្រប់គ្រងពេលវេលាឲ្យមានប្រសិទ្ធភាព ទោះស្ថិតនៅក្រោមសម្ពាធពីការងារ
ចុចអាន៖ត្រៀម៥ ជំហាន ពេញដោយក្តីជឿជាក់ ពេលសម្ភាសន៍ការងារ ក្នុងកំឡុង កូវីដ
-
ព័ត៌មានអន្ដរជាតិ៥ ថ្ងៃ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ចរាចរណ៍៥ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ជីវិតកម្សាន្ដ៣ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ព័ត៌មានអន្ដរជាតិ៣ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ៥ ថ្ងៃ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ព័ត៌មានជាតិ១ សប្តាហ៍ ago
ក្រុមហ៊ុនស្វីសមួយ សន្យានាំយកបច្ចេកវិទ្យាទំនើបឈានមុខគេ ដើម្បីចូលរួមអភិវឌ្ឍវិស័យកសិកម្មកម្ពុជា
-
ព័ត៌មានជាតិ២ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានជាតិ៥ ថ្ងៃ ago
ទឹកស្ទឹងសង្កែខាងក្រោមទំនប់សាលាតាអន រីងគោក ពលរដ្ឋប្រឈមការដឹកជញ្ជូនបើកបរកាណូតមិនបាន