កីឡា

លោក សាន សៅយ៉ាន់ បន្តជាប់ជាគ្រូជម្រើសជាតិកីឡាឃីកបុកស៊ីងកម្ពុជា ឆ្នាំ២០២៦

បានផុស

៤ ខែ មុន

នៅ

ថ្ងៃអង្គារ ៣១ មីនា ២០២៦

ដោយ

គ្រូប្រដាល់ចាស់វស្សាមកពីខេត្តបន្ទាយមានជ័យលោក សាន សៅយ៉ាន់ តាមរយៈសមត្ថភាពបង្ហាត់ និងសមិទ្ធិផលមេដាយពានរង្វាន់តំណាងប្រទេសកម្ពុជាជាច្រើនកន្លងមកបានធ្វើឲ្យរូបលោកនៅតែបន្តជាគ្រូជម្រើសជាតិកីឡាឃីកបុកស៊ីងកម្ពុជា ឆ្នាំ២០២៦។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សាន យ៉ៅយ៉ាន់

លោក សាន សៅយ៉ាន់ បានឲ្យដឹងថា លោកជាប់ជាគ្រូជម្រើសជាតិកីឡាឃីកបុកស៊ីងតាំងពីឆ្នាំ២០២១ មកម្ល៉េះបន្តពីលោក ជា រិទ្ធ រហូតមកដល់ឆ្នាំ២០២៦ នេះ។ គិតមកដល់ពេលនេះលោកបានកាន់តួនាទីនេះបានប្រហែល ៦-៧ឆ្នាំមកហើយ និងបានដឹកនាំសិស្សចេញប្រកួតតាមកម្មវិធីជាច្រើនកន្លងមក។

គ្រូបង្វឹកមកពីខេត្តបន្ទាយមានជ័យរូបនេះ បានដឹកនាំកីឡាករ កីឡាការិនីជម្រើសជាតិកម្ពុជាចូលរួមនៅស៊ីហ្គេម វៀតណាម ឆ្នាំ២០២២ ដឹកនាំទៅចូលរួមការប្រកួតជ្រើសរើសជើងឯកឃីកបុកស៊ីងអាស៊ាន នៅប្រទេសថៃ ដឹកនាំចូលរួមការប្រកួតស៊ីហ្គេម កម្ពុជា ឆ្នាំ២០២៣ និងឆ្នាំ២០២៤ ដឹកនាំចូលរួមការប្រកួតជើងឯកអាស៊ី នៅពហុកីឡដ្ឋានជាតិអូឡាំពិក។ ក្រោមការបង្ហាត់របស់លោកបានរកសមិទ្ធិផលមេដាយច្រើនជូនជាតិមាតុភូមិ។

លោក សាន សៅយ៉ាន់ ដឹកនាំកន្លងទៅ

សម្រាប់សហព័ន្ធកីឡាឃីកបុកស៊ីងកម្ពុជា ឆ្នាំ២០២៦ នេះការប្រមូលផ្ដុំក្រុមជម្រើសជាតិឈុតធំសរុប ១៣នាក់ គ្រូ២ សិស្ស ១១នាក់។ ចំណែកខាងថ្នាលវិញមាន គ្រូ១ សិស្ស ៥នាក់។ ការប្រមូលផ្ដុំចាប់ពីថ្ងៃទី១ ខែមេសា ឆ្នាំ២០២៦ នេះនៅទីតាំងហ្វឹកហាត់របស់សហព័ន្ធ ឯកាំកូស៊ីធី ៕