អ្នកនិពន្ធ​ថាកុមារ​នឹងលូតលាស់កាយប្រាជ្ញាយឺតយ៉ាវដោយសារផ្តាច់​ទំនាក់ទំនង​ពិភពខាងក្រៅ

ស្ត្រីអ្នកនិពន្ធ J.K. Rowling នៃសៀវភៅ Harry Potter ដ៏ល្បីឈ្មោះទូទំាង​ពិភពលោកបានចាប់ផ្តើមបើកគេហទំព័រថ្មីមួយលើបណ្តាញ​ Internet បង្ហាញមាតិកាប្រលោមលោករបស់គាត់ ក្នុងវិធីមួយដែលគាត់គិតថា អាចជួយកុមារៗ ដែល​កំពុង​ការ​ជាប់បង្ខាំងក្នុងផ្ទះឱ្យលូតលាស់បានដោយគ្មានបញ្ហា​តប់ប្រមល់ចិត្ត។

ភាពអផ្សុក និងសន្ទុះនៃ​ការ​លូតលាស់គំនិតប្រាជ្ញាយឺតយ៉ាវ ដោយសារមិនបានទំនាក់ទំនង​ទូលំទូលាយជាមួយពិភពខាងក្រៅ កំពុង​តែ​កើតមាន​លើកុមារនានា ខណៈ​ដែលពួកគេ​ត្រូវ​ជាប់នៅផ្ទះព្រោះមេរោគរាតត្បាត។

អ្នកនិពន្ធជនជាតិអង់គ្លេសរូបនេះបាននិយាយថា វេទិកាថ្មីរបស់នាងលើអ៊ិនធរណេត ដែលអាន​ “ Harry Potter បាននៅតាម​ផ្ទះ” គឺសំដៅដល់ក្មេងៗដែលមិនអាចចូលរៀនបានក្នុងអំឡុងពេល ដែលពួកគេ​ត្រូវ​ខាតបង់ការលូតលាស់កុមារភាព ដោយស្ថានការដែល​មិនធ្លាប់មានពីមុនមក។

គេហទំព័រនេះ មាន​ទាំងតំណភ្ជាប់ទៅនឹងកំណែឥតគិតថ្លៃដំបូង នៅក្នុងស៊េរីរបស់ Potter ដែលជាប្រលោមលោកតែងកាលពីឆ្នាំ ១៩៩៧ រឿង“ Harry Potter និង the Philosopher’s Stone” ហើយកុមារៗ អាចរកបានជាសៀវភៅអេឡិចត្រូនិចឬសៀវភៅអូឌីយ៉ូនៅក្នុងភាសាផ្សេងៗគ្នា។ ល្បែងផ្គុំរូប និងវីដេអូកម្សាន្ត បន្ថែម​ជំនួយដល់ការ​រីកលូតលាស់នៃវ័យបឋម ក៏នឹង​ត្រូវបានដាក់បញ្ចូលដោយមានការណែនាំអំពីរបៀបគូរសត្វ និង​គំនូរ​អ្វីក៏​ដោយ​៕

ប្រែសម្រួល៖ ចម្រើន តារា

ចុចអាន៖ មាន​កូនស្រី កង្វល់ខ្លាចចាញ់បោក​ព្រាននារី ជាទុក្ខធំ​នៃឳពុកម្តាយបច្ចុប្បន្ន

ចុចអាន៖ កូន​យំចង់បាន​របស់អ្វីមួយ ប៉ាម៉ាក់មិន​ចង់​ឲ្យ តើ​ត្រូវបដិសេធបែបណាមានប្រសិទ្ធភាព