KPT+

ហេតុអ្វីបានជាតម្រូវឲ្យបើកវាំងននបង្អួចយន្តហោះ បន្ទាប់ពីហោះឡើង និងចុះចត ?

បានផុស

៤ years មុន

នៅ

ថ្ងៃព្រហស្បតិ៍ ៧ មេសា ២០២២

ដោយ

ប្រសិនបើអ្នកជាមនុស្សម្នាក់ ក្នុងចំណោមអ្នកធ្វើដំណើរតាមយន្តហោះញឹកញាប់ អ្នកច្បាស់ជាធ្លាប់ឮឃ្លានេះហើយ។ តើអ្នកធ្លាប់ឆ្ងល់ទេថា ហេតុអ្វីបានជាអ្នកដំណើរ ត្រូវបើកវាំងននបង្អួចរាល់ពេល? តើបង្អួចតូចមានសារៈសំខាន់យ៉ាងណា?

អ្នកកាសែតជំនាញអាកាសចរណ៍ John Walton ពន្យល់អំពីរឿងនេះ។

ហេតុអ្វីបានជាអ្នកដំណើរត្រូវបើកវាំងននបង្អួច?

មិនមែនសម្រាប់តែទិដ្ឋភាពពេលយន្តហោះចុះមកនោះទេ។ ប៉ុន្តែអ្វីដែលសំខាន់ជាងនេះទៅទៀត សុវត្ថិភាព ជាដំបូងនៃការទាំងអស់ គឺត្រូវកែតម្រូវភ្នែករបស់អ្នកដំណើរ ទៅនឹងពន្លឺពីខាងក្រៅយន្តហោះ។ ប្រសិនបើវាជាជើងហោះហើរពេលថ្ងៃ វានឹងចំណាយពេលយូរ ដើម្បីកែតម្រូវភ្នែករបស់អ្នកពីកាប៊ីនងងឹតទៅពន្លឺព្រះអាទិត្យភ្លឺ។ ប៉ុន្តែប្រសិនបើវាជាជើងហោះហើរពេលយប់ នោះភ្នែកនឹងងាយស្រួលក្នុងការកែសម្រួល។ នេះជាហេតុផលមួយទៀត ដែលភ្លើងក្នុងកាប៊ីនមានសភាពស្រអាប់។

មូលហេតុទីពីរ ការបើកវាំងននបង្អួច ជួយឲ្យនាវិកមើលឃើញស្ថានភាពនៅខាងក្រៅ។ វាមានប្រយោជន៍ណាស់ក្នុងករណីមានអ្វីមួយកើតឡើង។ ដូចជាបញ្ហាយន្តហោះ វានឹងមានប្រយោជន៍ ប្រសិនបើពួកគេអាចមើលឃើញវាភ្លាមៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២ តើការបើកវាំងននបង្អួច ជួយក្នុងគ្រាមានអាសន្នដោយរបៀបណា?

យន្តហោះនីមួយៗត្រូវបានរចនា និងសាកល្បងយ៉ាងល្អ សមាជិកនាវិកទាំងអស់ ត្រូវបានបណ្ដុះបណ្ដាលដើម្បីឲ្យពួកគេអាចជម្លៀសចេញពីយន្តហោះ ក្នុងរយៈពេលតិចជាងកៅសិបវិនាទី។ កំឡុងពេលបណ្ដុះបណ្ដាល នាវិករៀនវាយតម្លៃសុវត្ថិភាពនៃអ្វីដែលកើតឡើង នៅខាងក្រៅយន្តហោះ។ ក្នុងករណីមានអ្វីមួយខុស ការបើកវាំងននបង្អួច នឹងអនុញ្ញាតឲ្យពួកគេមើលឃើញទាំងខាងក្នុង និងខាងក្រៅបានយ៉ាងរហ័ស និងងាយស្រួល។ ហើយជាការពិតណាស់ ការមានពន្លឺកាន់តែច្រើននៅក្នុងកាប៊ីន គឺជាជំនួយដ៏ល្អ ប្រសិនបើផ្សែងហុយឡើងនៅពេលមានអាសន្ន វានឹងធ្វើឲ្យអ្នក និងអ្នកដែលនៅជុំវិញអ្នកកាន់តែមានសុវត្ថិភាព។

លើសពីនេះទៀត ពេលដល់ពេលយន្តហោះត្រូវរៀបចំខ្លួនសម្រាប់ការហោះហើរបន្ទាប់។ ការបើកបង្អួចទាំងអស់មានន័យថា វាកាន់តែងាយស្រួលក្នុងការពិនិត្យមើលស្លាបរបស់យន្តហោះ ហើយការបើកវាំងននបង្អួច ក៏ជួយសម្អាតបង្អួចបានយ៉ាងងាយស្រួល និងឆាប់រហ័ស សម្រាប់ទិដ្ឋភាពពិសេស បំផុតសម្រាប់អ្នកដំណើរទាំងអស់៕

ប្រែសម្រួល៖ សាង ស្រីល័ក្ខ

ចុចអាន៖ហេតុអ្វីបានជាតម្រូវឲ្យបើកវាំងននបង្អួចយន្តហោះ បន្ទាប់ពីហោះឡើង និងចុះចត?

ចុចអាន៖ប្រពៃណីចងជើងឲ្យតូច របស់ស្ត្រីជនជាតិ ចិន គឺជាទារុណកម្មចារក្នុងប្រវត្តិសាស្ត្