ជីវិតកម្សាន្ដ

Jennie ត្រូវមហាជនចិនស្ដីបន្ទោសថា រវល់ស្នេហាពេក រហូតធ្វេសប្រហែសហ្វឹកហាត់ក្នុងក្រុម

បានផុស

៣ years មុន

នៅ

ថ្ងៃចន្ទ ២៣ មករា ២០២៣

ដោយ

កាលពីពេលថ្មីនេះៗមានពាក្យចចាមអារ៉ាមមួយបានលេចឡើងថា Jennie កំពុងមានទំនាក់ទំនងស្នេហាជាមួយ Simon Porte Jacquemus ស្ថាបនិកម៉ាក Jacquemus – Simon Porte Jacquemus ដំណឹងនេះត្រូវបានចែករំលែកនៅលើ Weibo របស់ចិន ខណៈសមាជិកក្រុម BLACKPINK រូបនេះ ថើបបុរសម្នាក់នោះដោយងប់ងុល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ និន្នាការនេះបានកើនឡើងយ៉ាងរហ័ស និងបន្តការចែករំលែកតៗគ្នា រហូតស្ថិតនៅកំពូលនៃការស្វែងរក លើបណ្ដាញសង្គម Weibo។ ទោះយ៉ាងណាពាក្យចចាមអារ៉ាមអំពីការណាត់ជួបនេះ បានកើតឡើងភ្លាមៗបន្ទាប់ពីព្រឹត្តិការថ្មីរបស់ Jennie បានផ្ទុះឡើងនៅឯការប្រគំតន្ត្រី Born Pink ក្នុងទីក្រុងហុងកុង ដោយអ្នកប្រើប្រាស់អ៊ីនធឺណេតចិនជាច្រើនបាននិយាយថា ការសម្ដែងរបស់ Jennie មិនមានភាពរីករាយនោះទេ។ ក្នុងនោះក៏មានការសន្និដ្ឋានថា តារាស្រីរូបនេះហត់នឿយដោយសារកាលវិភាគដ៏មមាញឹករបស់នាង។

ជាពិសេសរូបថតជាច្រើនសន្លឹករបស់ Jennie ជាមួយ Simon Porte Jacquemus ធ្វើឲ្យតារាចម្រៀងកូរ៉េទទួលបានការរិះគន់យ៉ាងខ្លាំង។ អ្នកនិយមលេងអ៊ីនធឺណែតមួយចំនួនបាននិយាយថា ដោយសារតែ Jennie រវល់នឹងរឿងស្នេហាពេក ទើបនាងធ្វេសប្រហែសក្នុងការហ្វឹកហាត់ជាមួយមិត្តរួមក្រុម នាំឲ្យមានការសម្ដែងមិនសមប្រកបនៅលើឆាកបែបនេះ៕