ព័ត៌មានអន្ដរជាតិ
ដំណឹងល្អ! វ៉ាក់សាំងចាក់តែមួយដូស Johnson & Johnson មានគុណប្រយោជន៍លើសហានិភ័យប៉ះពាល់
និយ័តករឱសថរបស់សហភាពអឺរ៉ុប (EU) បានសន្និដ្ឋានថា ករណីកំណកឈាមដែលមានផ្លាកែតឈាមទាបនៃវ៉ាក់សាំង Johnson & Johnson គួរតែត្រូវបានចុះបញ្ជីថាជា “ផលប៉ះពាល់ដ៏កម្របំផុត” ក្នុងព័ត៌មានផលិតផលរបស់ខ្លួន ។
មនុស្សជាង ៧ លាននាក់បានទទួលវ៉ាក់សាំង Johnson & Johnson នៅសហរដ្ឋអាមេរិក ហើយមានករណីកំណកឈាមចំនួន ៨ នៅក្នុងខួរក្បាល និងផ្នែកផ្សេងទៀតនៃរាងកាយត្រូវបានគេរាយការណ៍រាប់បញ្ចូលទាំងករណីស្លាប់មួយផងដែរ ។
ទន្ទឹមនោះទីភ្នាក់ងារឱសថអឺរ៉ុប (EMA) ដែលចេញផ្សាយលទ្ធផលនៃការសិក្សារបស់ខ្លួនកាលពីថ្ងៃអង្គារបានឲ្យដឹងថា ករណីកកឈាមមិនធម្មតានេះត្រូវបានផ្សារភ្ជាប់ជាមួយនឹងកម្រិតទាបនៃផ្លាកែតឈាម ហើយករណីនេះគឺស្រដៀងនឹងករណីដែលបានកើតឡើងជាមួយនឹងវ៉ាក់សាំង AstraZeneca ។
EMA និយាយថា ករណីទាំង ៨ បានកើតឡើងចំពោះមនុស្សដែលមានអាយុក្រោម ៦០ ឆ្នាំក្នុងរយៈពេល ៣ សប្តាហ៍ បន្ទាប់ពីការចាក់វ៉ាក់សាំងដែលភាគច្រើនកើតលើស្ត្រី ប៉ុន្តែកត្តាហានិភ័យជាក់លាក់មិនត្រូវបានបញ្ជាក់នោះទេ ។
EMA និយាយទៀតថា ការពន្យល់មួយដែលអាចជឿទុកចិត្តបានចំពោះរោគសញ្ញានេះគឺជាការឆ្លើយតបនៃប្រព័ន្ធភាពស៊ាំ ។
ទោះយ៉ាងណាទីភ្នាក់ងារនេះនិយាយថា គុណប្រយោជន៍ជារួមចំពោះវ៉ាក់សាំង Johnson & Johnson ក្នុងការការពារជំងឺកូវីដ ១៩ គឺមានលើសហានិភ័យនៃផលប៉ះពាល់ ។
វាក៏អំពាវនាវឲ្យសាធារណជនស្វែងរកការយកចិត្តទុកដាក់ខាងវេជ្ជសាស្ត្រជាបន្ទាន់ ប្រសិនបើពួកគេមានរោគសញ្ញាដូចជា ដង្ហើមខ្លី ឈឺទ្រូង និងហើមជើង ក្នុងរយៈពេល ៣ សប្តាហ៍ បន្ទាប់ពីចាក់វ៉ាក់សាំងរួច ។
បន្ទាប់ពីការប្រកាសរបស់ EMA ក្រុមហ៊ុនវ៉ាក់សាំង Johnson & Johnson បានចេញសេចក្តីថ្លែងការណ៍មួយដោយជូនដំណឹងដល់អ្នកជំនាញផ្នែកសុខភាពចំពោះសញ្ញា និងរោគសញ្ញានៃការកកឈាមដែលមានផ្លាកែតឈាមទាបដែលជាព្រឹត្តិការណ៍មិនល្អដ៏កម្រ ។
ក្រុមហ៊ុនបាននិយាយថា “សុវត្ថិភាព និងសុខុមាលភាពរបស់ប្រជាជនដែលប្រើប្រាស់ផលិតផលរបស់យើងគឺជាអាទិភាពទីមួយរបស់យើង ។ យើងជឿជាក់យ៉ាងមុតមាំចំពោះអត្ថប្រយោជន៍វិជ្ជមាននៃវ៉ាក់សាំងការពារជំងឺកូវីដ ១៩ ចាក់តែមួយដូសរបស់យើង ក៏ដូចជាការដឹកជញ្ជូនបានយ៉ាងងាយស្រួល ហើយថា យើងប្តេជ្ញាទទួលបាននូវសមធម៌ និងការចាក់វ៉ាក់សាំងការពារជំងឺកូវីដ ១៩ ដែលមានតម្លៃសមរម្យដល់សាធារណជន” ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ ប្រទេសមួយនៅអឺរ៉ុបត្រៀមចាក់វ៉ាក់សាំងតែមួយដូស Johnson & Johnson ដល់ប្រជាជនអាយុ ៧០ ទៅ ៧៩ ឆ្នាំ
ចុចអាន ៖ ដំណឹងល្អ! វ៉ាក់សាំងចាក់តែមួយដូស Johnson & Johnson មានសុវត្ថិភាពលើមនុស្សអាយុលើស ១៨ ឆ្នាំ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៥ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ