ព័ត៌មានអន្ដរជាតិ
ស៊ុយអែត ប្រកាសកញ្ចប់ជំនួយយោធាធំបំផុតមិនធ្លាប់មានឲ្យ អ៊ុយក្រែន
យោងតាមសារព័ត៌មានរដ្ឋស៊ុយអែត, រដ្ឋាភិបាលទីក្រុងស្តុកខុល បានប្រកាសផ្តល់ជំនួយគ្រឿងសឹកក្នុងទំហំធំបំផុតមិនធ្លាប់មាន ទៅឲ្យអ៊ុយក្រែន ទោះខ្លួនឯងកំពុងជួបវិបត្តិអាវុធនៅក្នុងឃ្លាំងក៏ដោយ។
កាលពីថ្ងៃពុធទី២១ខែកុម្ភៈ ក្រសួងការពារជាតិស៊ុយអែត បានបង្ហាញកញ្ចប់ជំនួយទី១៥របស់ខ្លួនដល់ទីក្រុងកៀវ មានតម្លៃ ៦៨៧លានដុល្លារ ហើយនេះគឺជំនួយធំបំផុត ដែលស៊ុយអែត មិនធ្លាប់ផ្តល់ឲ្យអ៊ុយក្រែន ទាល់តែសោះ។
ជំនួយនេះរួមមានគ្រាប់កាំភ្លើងធំនិងអាវុធយុទ្ធភណ្ឌផ្សេងៗ, ប្រព័ន្ធប្រឆាំងយន្តហោះ, អាវុធធុនតូច និងគ្រឿងផ្គត់ផ្គង់នានាថែមទៀត ដើម្បីគាំទ្រដល់កងកម្លាំងអ៊ុយក្រែន ក្នុងជម្លោះជាមួយរុស្ស៊ី។ លើសពីនេះ ទីក្រុងកៀវ ក៏នឹងទទួលបានជំនួយផ្នែកហិរញ្ញវត្ថុ ដើម្បីអាចឲ្យខ្លួនទិញយានប្រយុទ្ធថ្មើរជើងរបស់ស៊ុយអែតបន្ថែមផងដែរ។
តាមការអះអាង បើបូករួមទាំងការផ្តល់ជូនថ្មីនេះទៀត ជំនួយដែលស៊ុយអែត ឲ្យអ៊ុយក្រែន ចាប់តាំងពីខែកុម្ភៈឆ្នាំ២០២២មក គឺបានកើនដល់២.៩ពាន់លានដុល្លារ ហើយ។
មុនការប្រកាសជំនួយនេះ ប្រធានាធិបតិអាមេរិក លោក ចូ បៃដិន ក៏បានចេញមុខធានាដល់សមភាគី វ្ល៉ាឌីមៀរ ហ្សេលេនស្គី ផងដែរថា កុំភ័យជំនួយតម្លៃ៦០ពាន់លានដុល្លារ នឹងអនុម័តដោយសភា ហើយបានទៅដល់ដៃអ៊ុយក្រែន ជាក់ជាពុំខាន។
ការធានាអះអាងនេះកើតឡើង បន្ទាប់ពីលោក ហ្សេលេនស្គី អំពាវនាវជាបន្ទាន់ សុំអាវុធបន្ថែម ដើម្បីបញ្ចៀសស្ថានភាពដ៏មហន្តរាយនៅអឺរ៉ុប ហើយរដ្ឋាភិបាលទីក្រុងវ៉ាស៊ីនតោន បានស្តីបន្ទោសការដកទ័ពរបស់អ៊ុយក្រែនចេញពីសមរភូមិនៅទីក្រុង Avdiivka ទៅលើកង្វះការគាំទ្រពីសភា។
ការដណ្តើមយកទីក្រុង Avdiivka ដែលជាច្រកចូលទៅកាន់តំបន់ Donetsk គឺជាជ័យជម្នះដ៏សំខាន់លើកដំបូងរបស់រុស្ស៊ី ចាប់តាំងពីពួកគេ ដណ្តើមយកបានតំបន់ Bakhmut នៅក្បែរនោះកាលពីខែឧសភាឆ្នាំ២០២៣៕
អត្ថបទ៖ សុខ សុវណ្ណ
ចុចអាន៖ លោក បៃដិន ធានាទៅប្រមុខអ៊ុយក្រែន ថា “កុំភ័យ! ជំនួយ៦០ពាន់លានដុល្លារ នឹងបានដល់ដៃអ្នក”
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង