សុខភាព

ញ៉ាំបន្លែ និងផ្លែឈើបានច្រើនជួយកាត់បន្ថយស្រេ្តស

បានផុស

៥ years មុន

នៅ

ថ្ងៃពុធ ៣០ មិថុនា ២០២១

ដោយ

Sonya

ការសិក្សារបស់សាកលវិទ្យាល័យមួយក្នុងប្រទេសអូស្រ្តាលីបានរកឃើញពីទំនាក់ទំនងរវាងរបបអាហារមានបន្លែ និងផ្លែឈើច្រើន ជួយកាត់បន្ថយស្រ្តេស។

Premium Photo | Asian woman holding paper bag with vegetables

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សាកលវិទ្យាល័យ Edith Cowan (ECU)នៅប្រទេសអូស្រ្តាលីបានធ្វើការសិក្សាលើទំនាក់ទំនងរវាងការញ៉ាំបន្លែ ផ្លែឈើ និងកម្រិតស្ត្រេសនៅលើមនុស្សពេញវ័យ។ ការសិក្សានេះធ្វើលើមនុស្សចំនួន៨ ៦០០នាក់លើប្រជាជនអូស្រ្តាលីអាយុចន្លោះពី២៥ទៅ៩១ឆ្នាំ។

ការសិក្សាបានរកឃើញថាមនុស្សពេញវ័យដែលបានញ៉ាំបន្លែ និងផ្លែឈើយ៉ាងតិច៤៧០ក្រាមក្នុងមួយថ្ងៃ មានកម្រិតស្ត្រេស១០ភាគរយទាបជាងអ្នកញ៉ាំបន្លែ និងផ្លែឈើតិចជាង២៣០ក្រាមក្នុងមួយថ្ងៃ។ ចំណែកអង្គការសុខភាពពិភពលោក បានណែនាំដែរថាមនុស្សយើងគួរញ៉ាំបន្លែ និងផ្លែឈើឲ្យបានយ៉ាងតិច៤០០ក្រាមក្នុងមួយថ្ងៃ។

Premium Photo | Asian woman eating vegetables

ក្រុមអ្នកស្រាវជ្រាវបញ្ជាក់ថាស្រ្តេសរយៈពេលវែង និងមិនអាចគ្រប់គ្រងបានអាចនាំឲ្យមនុស្សយើងមានបញ្ហាសុខភាពច្រើនយ៉ាង ដូចជាជំងឺនេះដូង ជំងឺទឹកនោមផ្អែម ជំងឺបាក់ទឹកចិត្ត និងបញ្ហាថប់បារម្ភ ជាដើម។

ការសិក្សានេះបញ្ជាក់ថាវាជារឿងសំខាន់ណាស់ដែលមនុស្សយើងត្រូវមានរបបអាហារសម្បូរទៅដោយបន្លែ និងផ្លែឈើ ដើម្បីកាត់ជួយកាន់បន្ថយស្ត្រេសឲ្យនៅទាបបំផុត។

Premium Photo | Beautiful young asian woman eating a healthy salad

ទោះបីជាអ្នកស្រាវជ្រាវមិនដឹងច្បាស់ពីយន្តការនៃបន្លែ និងផ្លែឈើ ជួយកាត់បន្ថយស្រ្តេសបានបែបណាក្ដី តែថាបន្លែ និងផ្លែឈើសម្បូរទៅដោយរ៉ែ វីតាមីន flavonoidsនិងcarotenoids ដែលអាចជួយកាត់បន្ថយការរលាក និងoxidative stress ដែលអ្វីទាំងអស់នេះជួយឲ្យអារម្មណ៍មនុស្សយើងមានភាពល្អប្រសើរ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ តិចនិកមួយចំនួនជួយកាត់បន្ថយស្ត្រេស អំឡុងពេលបិទខ្ទប់

ចុចអាន៖ ផ្លែឈើនិងបន្លែពណ៌ក្រហមស្រស់ ហូបជាទៀងទាត់ ដូចនៅឆ្ងាយពីគ្រូពេទ្យ