Connect with us

សុខភាព

ភេសជ្ជៈ ៨ ប្រភេទ កុំផឹកឲ្យសោះ សម្រាប់អ្នកធាត់ខ្លាំង ឬចង់សម្រកទម្ងន់

បានផុស

នៅ

មូលហេតុចម្បងដែលធ្វើឲ្យរាងកាយមានជាតិខ្លាញ់ មិនអាស្រ័យតែលើការហូបទេ វារួមបញ្ចូលទាំងការផឹកភេសជ្ជៈមួយចំនួនដែរ។

ភេសជ្ជៈ​ខ្លះ​រួមចំណែក​ដល់ការ​ប្រមូល​ផ្តុំ​ជាតិ​ខ្លាញ់​ក្នុងរាងកាយ ដូច្នេះសូម​បញ្ឈប់​ភ្លាមៗ​ ចំពោះ​ភេសជ្ជៈ ៨ មុខខាងក្រោម​នេះ​ ចំពោះអ្នកកំពុងធាត់​ខ្លាំង ឬចង់សម្រកទម្ងន់ ៖

១ ទឹក​ផ្លែឈើ​ប្រអប់​ឬកំប៉ុង មានវីតាមីននិងសារធាតុរ៉ែ​ ប៉ុន្តែកុំភ្លេចថា​ភេសជ្ជៈ​នេះមានជាតិស្ករ។ ថ្វីត្បិត​តែ​ការ​ផ្សាយ​ពាណិជ្ជកម្ម​និយាយថា មិនមានបន្ថែមជាតិស្ករក៏​ដោយ តែ​ផ្លែឈើអស់នេះ​មាន​ជាតិ​ហ្វ្រេសតូស​នៅក្នុង​ខ្លួន​វា​រួច​ទៅ​ហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២ ទឹកផ្លែឈើក្រឡុក ទឹក​ក្រឡុកទោះបីជាវាមើលទៅដូចជាភេសជ្ជៈ​ដែលមានសុខភាពល្អក៏ដោយ ​ប៉ុន្តែ​កុំភ្លេច​ថា​គ្រឿងផ្សំផ្សេងទៀត​ដូចជា​ ទឹក​ស៊ីរ៉ូ​ ទឹកដោះគោ យ៉ាអួ ឬទឹកដោះគោខាប់ផ្អែម ​គឺ​ជា​គ្រឿងផ្សំទាំងអស់​ដែល​មិនត្រឹមតែបន្ថែមជាតិស្ករដល់រាងកាយនោះទេ វា​ក៏​បណ្ដាល​ឲ្យ​ជាតិ​ខ្លាញ់​កក់កុញ​ច្រើន​ដែរ។

៣ ភេស​ជ្ជៈ​រ៉ែ​ ភេសជ្ជៈកីឡាផ្សេងទៀត មិនសមស្របសម្រាប់ការផឹកក្នុងអំឡុងពេលកាត់​បន្ថយជាតិខ្លាញ់​ឡើយ។ ភេសជ្ជៈ​នេះ​ស័ក្តិសមសម្រាប់អត្តពលិក​ ដែល​ហាត់ប្រាណ​ខ្លាំង ​ឬ​អ្នក​ដែល​ធ្វើការ​ច្រើន​ម៉ោង​ជាប់ៗគ្នា ដែលត្រូវការជាតិស្ករបន្ថែម ដើម្បីធ្វើ​ឲ្យ​សុខភាព​និង​សកម្មភាព​របស់ពួកគេ​ប្រសើរឡើង។

៤ តែ​កាហ្វេ​កាកាវ​ដាក់​ទឹកកក វាជា​ប្រភេទ​ភេសជ្ជៈ​ពេញនិយម​មិនអាចប្រកែកបាន​ សម្រាប់នារី​ការិយាល័យ​និង​អ្នក​ធ្វើការ​ធម្មតា។ ភេសជ្ជៈ​ប្រភេទនេះ​ជាធម្មតាត្រូវបានបន្ថែមទៅក្នុងជាតិស្ករ ទឹកដោះគោ​ខាប់​ គ្រឿងផ្សំ​ទាំង​នេះ​មិនសមស្រប​សម្រាប់ការកាត់បន្ថយជាតិ​ខ្លាញ់ទេ។

៥ ភេសជ្ជៈ​កំប៉ុង ដែលភាគច្រើនមានផ្ទុកជាតិស្កររហូតដល់ ៤០ ក្រាម។ ដូច្នេះតើអ្នក​កំពុង​សម្រក​ទម្ងន់​ឬចង់​កម្ចាត់​ជាតិ​ខ្លាញ់​ចេញ​ពី​រាងកាយ យកល្អគួរតែចៀសវាងការ​ផឹក​ទឹកកំប៉ុង ឬ​ភេសជ្ជៈ​ទាំង​នេះ​ដាច់ខាត។

៦ ភេសជ្ជៈមានជាតិអាល់កុល ការផ្ទុកភេសជ្ជៈមានជាតិអាល់កុលគ្រប់ប្រភេទ​មានកាឡូរីខ្ពស់ ដែល​ស្ទើរ​តែស្មើ​នឹង​កាឡូរីខ្លាញ់។ ដូច្នេះការផឹកភេសជ្ជៈប្រភេទនេះ ​មិនខុសពីការផឹកខ្លាញ់​តាម​លំនាំ​ដើម​ឡើយ។

៧ ភេសជ្ជៈ​ដែល​មិនមានព័ត៌មានអាហា​រូបត្ថម្ភ​ ត្រូវបានគេចាត់ទុកថា​ ជាភេសជ្ជៈដែល​ក្មេងស្រីៗ​ចង់​កាត់​បន្ថយជាតិ​ខ្លាញ់​គួរចៀសវាង។ ដោយសារតែភេសជ្ជៈមិនមានស្លាកអាហារូបត្ថម្ភច្បាស់លាស់។ ដោយចៀសមិនផុត យើងមិនដឹងថាប្រភេទ​សារធាតុចិញ្ចឹមប្រភេទណា ​ដែលរាងកាយទទួលបាន​ឡើយ។

៨ ភេសជ្ជៈ​ជាតិស្ករលើសពី ១០ក្រាម នេះ​ជា​ភេសជ្ជៈចុងក្រោយដែលមិនត្រូវបានណែនាំសម្រាប់ក្មេងស្រី​ដែលកាត់បន្ថយជាតិខ្លាញ់​គឺជាភេសជ្ជៈដែលមានជាតិស្ករលើសពី ១០ ក្រាម​មិនថាជា​ទឹកដោះគោ​យ៉ាអួទឹកផ្លែឈើ​ទឹកផ្លែឈើ​​តែឬកាហ្វេ និង​ភេសជ្ជៈ​ផ្សេងទៀត ។ ល៕

ប្រែសម្រួល៖ សាង ស្រីល័ក្ខ

ចុចអាន៖ហេតុអ្វីបានជា “មីកញ្ចប់” មិនសមស្របសម្រាប់មនុស្សដែលចង់ស្រកទម្ងន់ ?

ចុចអាន៖អត្ថប្រយោជន៍ ៥ យ៉ាងបានមកពីការរត់ ជួយកាត់បន្ថយស្ត្រេសនិងធ្វើឲ្យអាយុវែង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម