អ្នកម៉ាប់ៗលែងបារម្ភហើយ ផឹកកាហ្វេអាចជួយសម្រកទម្ងន់បាន

គ្នាយើងចូលចិត្ត​ផឹកកាហ្វេ​ញឹកញាប់ ជាពិសេស​អ្នកម៉ាប់ៗ ប្រហែល​សប្បាយចិត្ត​ហើយ ពេលឮថា ផឹកកាហ្វេជួយ​សម្រក​ទម្ងន់។ អ្នកជំនាញរកឃើញ​ថា កាហ្វេជាប្រភេទ​ភេសជ្ជៈ​ជួយដុត​កាឡូរី បង្កើតជា​កម្តៅក្នុង​រាងកាយ។

លោក Michael Symonds សាស្ត្រាចារ្យផ្នែក​ឱសថសាស្ត្រ មកពី​សាកលវិទ្យាល័យ Nottingham របស់​អង់គ្លេស បញ្ជាក់​ថា ជាលិកា​ខ្លាញ់ Brown Fat ដែល​ទទួល​ថាមពល​ពី​កាហ្វេ ផលិត​កម្ដៅ​ដុត​ជាតិស្ករ និង​ខ្លាញ់ក្នុង​រាងកាយ។ ការកើនឡើង​សកម្មភាព​របស់​ជាលិកា​ខ្លាញ់ Brown Fat ជួយ​គ្រប់គ្រង​ជាតិស្ករ​ក្នុង​ឈាម កម្រិត​លីពីត​ក្នុង​ឈាម និង​ដុត​កាល់ឡូរី ដែល​ជួយ​សម្រក​ទម្ងន់។

លោក​សាស្ត្រាចារ្យ បន្ដ​ថា ផ្ដើមចេញពី​ការសិក្សា​មុនៗ ជាលិកា​ខ្លាញ់ Brown Fat ស្ថិតនៅ​ត្រង់​កញ្ចឹងក ដូច្នេះ​លោក​បាន​ប្រើ​តិចនិក​ពិនិត្យ​មើល​កម្ដៅ​លើ​រាងកាយ ហៅថា Thermal Imaging Technique ហើយ​រកឃើញ​លទ្ធផល​វិជ្ជមាន កាហ្វេ​ពិតជា​ធ្វើឲ្យ​ជាលិកា​ខ្លាញ់ Brown Fat មាន​សកម្មភាព។

ជាមួយ​គ្នា​នេះ អ្នកស្រាវជ្រាវ ក៏បាន​ប្រើ​ថ្នាំ​គ្រាប់​កាហ្វេអ៊ីន តេស្ដសាកល្បង ហើយ​រកឃើញ​ថា ថ្នាំ​កាហ្វេអ៊ីន​នេះ ក៏ជួយ​ឲ្យ​ជាលិកា​ខ្លាញ់ Brown Fat មាន​សកម្មភាព ដុត​កាល់ឡូរី​ខ្លាញ់ និង​ស្ករ ដែល​ជួយ​សម្រក​ទម្ងន់៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ផឹកកាហ្វេពេលព្រឹកទាំងពោះទទេ ប៉ះពាល់សុខភាពម៉េចខ្លះ?

ចុចអាន៖ ទម្លាប់ញ៉ាំកាហ្វេបែបនេះ អ្នកជំនាញអះអាងថាល្អសម្រាប់សុខភាព