សុខភាព

កុមារក្រោមអាយុ ២ ឆ្នាំ ឆ្លងអូមីក្រុង ប្រឈមជំងឺផ្លូវដង្ហើមផ្សេងទៀត

បានផុស

២ years មុន

នៅ

ថ្ងៃសៅរ៍ ១៩ មីនា ២០២២

ដោយ

កុមារក្រោមអាយុ២ឆ្នាំ ដែលឆ្លងវីរុសកូវីដ-១៩ អាចមានផលវិបាកផ្លូវដង្ហើមច្រើនជាងកុមារដែលមានអាយុលើសនេះ។ ពិតណាស់ កូវីដ-១៩ មានការពាក់ព័ន្ធជាមួយនឹងជំងឺផ្លូវដង្ហើម ដែលអាចបំផ្លាញសួតធ្ងន់ធ្ងរ។ យោងតាមការសិក្សាថ្មីៗនេះបានបង្ហាញថា វីរុសកូវីដ-១៩ អាចនាំឲ្យមានផលប៉ះពាល់ខ្លាំងក្លាចំពោះកុមារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅពេលដែលកុមារឆ្លងវីរុសបំប្លែងថ្មី ប្រភេទអូមីក្រុង យើងអាចនឹងសង្កេតឃើញក្មេងមានជំងឺក្អកដែលស្ដាប់ទៅដូចព្រុស។ អ្នកស្រាវជ្រាវក៏បានបញ្ជាក់ថា នៅក្នុងករណីខ្លះ កុមារអាចធ្លាក់ខ្លួនឈឺធ្ងន់ធ្ងរ ដែលតម្រូវឲ្យព្យាបាលនៅមន្ទីរពេទ្យ និងបន្ថែមកម្រិតថ្នាំប្រើប្រាស់ បើប្រៀបធៀបទៅនឹងជំងឺ Croup បង្កឡើងដោយវីរុសប្រភេទផ្សេងទៀត។

អូមីក្រុងប៉ះពាល់ផ្លូវដង្ហើមខាងលើ

ការសិក្សាកន្លងមកបានបង្ហាញថា វ៉ារ្យង់អូមីក្រុងប៉ះពាល់ផ្លូវដង្ហើមខាងលើជាងវ៉ារ្យង់មុនៗដែលផ្ដោតសំខាន់តែលើផ្លូវដង្ហើមផ្នែកខាងក្រោមប៉ុណ្ណោះ។ លើសពីនេះ ក្រុមអាយុដែលងាយកើតជំងឺ Croupច្រើនជាងគេ នៅពេលឆ្លងវីរុសកូវីដ-១៩ គឺជាកុមារក្រោមអាយុ២ឆ្នាំ ហើយចំនួនប្រមាណ៧២% ជាក្មេងប្រុស។

មូលហេតុនៃការព្រួយបារម្ភ

ទោះបីជាពុំមានអត្រាមរណភាពនៃកុមារណាម្នាក់ក៏ដោយ កុមារចំនួន ៩នាក់ក្នុងចំណោម៧៥នាក់ (១២%) ដែលកើតកូវីដ-១៩ និងមានរោគសញ្ញា Croup ចាំបាច់ត្រូវសម្រាកព្យាបាលនៅមន្ទីរពេទ្យ ហើយចំនួន៤នាក់ ត្រូវការការថែទាំយ៉ាងយកចិត្តទុកដាក់។ បើតាមការប្រៀបធៀបបានបញ្ជាក់ថា នៅមុនពេលមានការរាតត្បាតនៃវីរុសកូវីដ-១៩ កុមារដែលកើតជំងឺ Croup ត្រឹមតែ៥% ប៉ុណ្ណោះ ត្រូវសម្រាកព្យាបាលនៅមន្ទីរពេទ្យ។ កត្តានេះបង្ហាញឲ្យដឹងថា វីរុសកូវីដ-១៩ អាចនាំឲ្យកុមារមានអាការៈក្អកដែលស្ដាប់ទៅដូចព្រុសធ្ងន់ធ្ងរជាង បើប្រៀបធៀបនឹងវីរុសដទៃទៀត៕

អត្ថបទផ្ដល់ដោយ៖Hello Krupet

ចុចអាន៖អូមីក្រុង កើតលើទារក មានរោគសញ្ញាអ្វីខ្លះ? គួរការពារបែបណា?

ចុចអាន៖សព្វថ្ងៃ អ្នកឆ្លង អូមីក្រុង អាចដោយសារមូលហេតុទាំងនេះ

Related Topics:កុមារ