សុខភាព

ហេតុអ្វីអ្នកខ្លះញ៉ាំហឹរហើយរាគ ប៉ុន្តែខ្លះ មិនអីទៅវិញ?

បានផុស

២ years មុន

នៅ

ថ្ងៃសៅរ៍ ២៥ មិថុនា ២០២២

ដោយ

មនុស្សមួយចំនួនប្រហែលជាឆ្ងល់ បរិភោគអាហារដូចគ្នានឹងអ្នកដទៃ ប៉ុន្តែម្នាក់ទៀតមានរាគ ឈឺពោះដោយសារអាហារហឹរ ប៉ុន្តែអ្នកផ្សេងមិនមានអ្វីសោះ។ ហេតុអ្វី រាងកាយរបស់យើងមានភាពរសើបខុសៗគ្នា ចំពោះរសជាតិហឹរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សាស្ត្រាចារ្យ វេជ្ជបណ្ឌិត Thanisa Patcharatrakul គ្រូពេទ្យនៅអង្គភាពក្រពះពោះវៀន នៃមន្ទីរពេទ្យ Chulalongkorn ថៃ បញ្ជាក់ថា ការញ៉ាំអាហារហឹរ អាចបណ្ដាលឲ្យឈឺចាប់ក្នុងមាត់ និងក្រពះពោះវៀន និងការបន្ទោរបង់ញឹកញាប់ ជាពិសេសអ្នកដែលមិនញ៉ាំអាហារហឹរជាប្រចាំ។ លើសពីនេះ អ្នកជំងឺដែលមានជំងឺប្រព័ន្ធរំលាយអាហារ ដូចជាដំបៅក្រពះ ច្រាលអាស៊ីដជាដើម គួរតែចៀសវាងការទទួលទានអាហារហឹរ ព្រោះវាអាចធ្វើឲ្យរលាកក្រពះ និងជញ្ជាំងបំពង់រំលាយអាហារ។

យ៉ាងណាមិញ អ្នកក៏អាចហ្វឹកហាត់រាងកាយឲ្យអត់ធ្មត់រសជាតិហឹរបន្ថែមទៀតបាន។ ខណៈពេលដែលយើងញ៉ាំអាហារហឹរជាប្រចាំ ជួយកាត់បន្ថយអារម្មណ៍ក្រហាយ ក្នុងបំពង់រំលាយអាហារ។ ដោយសារតែអ្នកទទួលបាន capsaicin ដែលមានទីតាំងនៅស្រទាប់ខាងក្នុងនៃរលាកក្រពះពោះវៀន មានលក្ខណៈសម្បត្តិពិសេសនៅពេលដែលរំញោចម្ដងហើយម្ដងទៀត នឹងស៊ាំទៅនឹង receptor ។ ជាលទ្ធផល អ្នកដែលបន្តទទួលទានអាហារហឹរ មានអារម្មណ៏ឈឺចាប់ និងបន្ថយអារម្មណ៍ក្រហាយ នៅក្នុងក្រពះពោះវៀន។

អត្ថប្រយោជន៍នៃការញ៉ាំហឹរ ម្ទេសធ្វើឲ្យប្រសើរឡើងនូវចំណង់អាហារ ព្រោះម្ទេសមានផ្ទុកសារធាតុ Capsaicin ជួយឲ្យក្រពះពង្រីកអាហារបានច្រើន និងប្រើប្រាស់បានយូរ។ ម្ទេសជួយសម្រកទម្ងន់ Capsaicin អាចជួយដុតបំផ្លាញកាឡូរី និងខ្លាញ់ក្នុងខ្លួន។ វាជារសជាតិនៃអាហារសម្រាប់អ្នកដែលស្រកទម្ងន់ផងដែរ។
ម្ទេសកាត់បន្ថយការរលាក កាត់បន្ថយហានិភ័យនៃជំងឺមហារីក រសជាតិហឹរជួយកាត់បន្ថយការរលាកនៅក្នុងខ្លួន និងកាត់បន្ថយហានិភ័យ នៃការវិវត្តទៅជាជំងឺមហារីកផងដែរ៕

ប្រែសម្រួល៖ សាង ស្រីល័ក្ខ

ចុចអាន៖ញ៉ាំអាហារទាំងនេះប្រចាំថ្ងៃមិនល្អទេ អាចប្រឈមជំងឺមហារីក

ចុចអាន៖អាហារដែលងាយរកទិញទាំង ៨ ជួយសម្រួលអាការហើមពោះ